ناصر آل مداوي
09-04-2011, 12:21 PM
ما بين مد وجـزر هـذي حياتـي=مدي هموم وحزن الايـام جـزري
جرح الشكاوي بيّـنٍ فـي لهاتـي=وفمّ التداوي ما شرب كاس شكـري
حالي نقص والـزود دايـم مواتـي=واللي جهل بالأمس ذا اليوم يـدري
يا كم حملت وكـم دفعـت الدياتـي=وانا القتيل وساحة الغـدر ظهـري
ياما كتبت بدمـع عينـي وصاتـي=الطرس يا كمّ اغرقه سيـل حبـري
مـن دنيتـي مليـت دام امنياتـي=ما صوبها تحقيـق للعـز يشـري
ناديت بالصوت الشجي يـا مماتـي=علّه يجيني لا غدى الصوت مغـري
ماعـاد يملـى عينـي الا رفاتـي=والسمع يهوى طاري الموت بـدري
تعبـت اعلّقهـا علـى المقبلاتـي=ولا فيه طولٍ يشبه لطـول صبـري
لوّ الصغر منْوه فلا ابغـى مناتـي=مدام محسـوبٍ بالاوجـاع كبـري
السيل يقبل مـن مناشيـه عاتـي=وانا من العارض جروحي تحـدْري
عامٍ يجي ويروح عـامٍ.. والآتـي:=أصعب من اللي راح.. والعمر يجري
لقيت في حتفـي قـوارب نجاتـي=كنّ الحياة بحرْوتـي وسـط قبـري
الله يعين اللي جـرى لـه سواتـي=يبطي وهو من غبن الايـام مبـري
همّه صغير ان قيل كبـر السراتـي=وقلبه مقيمٍ في ذرى الحزن جبـري
وتمـرّه انـواع الشقـا بالمياتـي=ولا فيه عينٍ شافتـه مـا تعبْـري
عزي له ويا وجـد عينـي لذاتـي=وعزي لقلبٍ فيه الاشـواق تسـري
أبطيت وااانا ااقـول بكـره بياتـي=الغالي اللـي قـدره يفـوق قـدري
واثره سمح واصدر شهادة وفاتـي=وانا احسبه يصدر شهادات عمـري
قفّى وقفّـت معـه ساعـة هناتـي=والما شربتـه بعـد فرقـاه مقـري
ومات برحيله قبل ياصـل شفاتـي=أحلى الكلام اللي على البال يطـري
وسلامتكم
جرح الشكاوي بيّـنٍ فـي لهاتـي=وفمّ التداوي ما شرب كاس شكـري
حالي نقص والـزود دايـم مواتـي=واللي جهل بالأمس ذا اليوم يـدري
يا كم حملت وكـم دفعـت الدياتـي=وانا القتيل وساحة الغـدر ظهـري
ياما كتبت بدمـع عينـي وصاتـي=الطرس يا كمّ اغرقه سيـل حبـري
مـن دنيتـي مليـت دام امنياتـي=ما صوبها تحقيـق للعـز يشـري
ناديت بالصوت الشجي يـا مماتـي=علّه يجيني لا غدى الصوت مغـري
ماعـاد يملـى عينـي الا رفاتـي=والسمع يهوى طاري الموت بـدري
تعبـت اعلّقهـا علـى المقبلاتـي=ولا فيه طولٍ يشبه لطـول صبـري
لوّ الصغر منْوه فلا ابغـى مناتـي=مدام محسـوبٍ بالاوجـاع كبـري
السيل يقبل مـن مناشيـه عاتـي=وانا من العارض جروحي تحـدْري
عامٍ يجي ويروح عـامٍ.. والآتـي:=أصعب من اللي راح.. والعمر يجري
لقيت في حتفـي قـوارب نجاتـي=كنّ الحياة بحرْوتـي وسـط قبـري
الله يعين اللي جـرى لـه سواتـي=يبطي وهو من غبن الايـام مبـري
همّه صغير ان قيل كبـر السراتـي=وقلبه مقيمٍ في ذرى الحزن جبـري
وتمـرّه انـواع الشقـا بالمياتـي=ولا فيه عينٍ شافتـه مـا تعبْـري
عزي له ويا وجـد عينـي لذاتـي=وعزي لقلبٍ فيه الاشـواق تسـري
أبطيت وااانا ااقـول بكـره بياتـي=الغالي اللـي قـدره يفـوق قـدري
واثره سمح واصدر شهادة وفاتـي=وانا احسبه يصدر شهادات عمـري
قفّى وقفّـت معـه ساعـة هناتـي=والما شربتـه بعـد فرقـاه مقـري
ومات برحيله قبل ياصـل شفاتـي=أحلى الكلام اللي على البال يطـري
وسلامتكم