المساعد الشخصي الرقمي

مشاهدة النسخة كاملة : محاورة بين الشاعرين مسلط بن شالح السبيعي وعبدالله الحضبي السبيعي


عبدالله الحضبي
11-22-2011, 09:30 AM
محاوره مباشره بين الشاعرين
مسلط بن شالح السبيعي (حفيد عضيب) وعبدالله الحضبي السبيعي

قال حفيد عضيب



ياسـلام الله سـلام اسـلام عــادات وجبـلـه=يافهيمـيـن المـعـانـي يارفيـعـيـن المـقـامـي
النجـوم اللـي علـى العالـم مواقعهـا مطلـه=نورها نور القمر لو غاب مثله بالتمامي



رد عبدالله الحضبي



ياهلا بك يـا حفيـد عضيـب والمعنـى محلـه=لك ثلاث سنين ماشفتك ولو حتى سلامـي
والـنـجـوم الـلــي تــلامــع كـلـبـوهـا مسـفـهـلـه=عاش ذيب الدار فيها مير راع الشاه نامي



قال حفيد عضيب


الـبـقـا يـاشـاعـرٍ بـيـتـي عـلــى عـرفــه يــدلــه=كــان فاقـدنـي يـدورنـي ويلـقـى الـحـظ زامــي
انـتـبـه ياصـاحـبـي والـــدرب حـــذرى لاتــزلــه=الهدف سامي ومعنى بيت من غناه سامي



قال الحضبي



انتبه لا يجرفك سيل المطـر واشتـر مظلـه=السيول اللي خطيره تحتمي وقت الزحامي
ماعرفت الدرب وسط الدرب مليونيـن علـه=انتبه يالقرم واعرف غاية القصـد وكلامـي



قال حفيد عضيب



لافـتـلــت الـحـبــل يـمـكــن أن عــبــدالله يـحــلــه=وأن فـتـل حـبـلـه بـحـلـه لـــو كـثـيـر الابـتـرامـي
عاش ابو متعب مليك وعاش نايف نايب له=عاشـت الدولـه بخيـر وخابـوا اعيـال الحرامـي



قال عبدالله الحضبي



ياوسيـع الـعـرف عــارف ويــش يُكـتـب فالمجـلـه=وعـــــارف راع الـديــانــه والـمــذاهــب والـنـظـامــي
مانسيـت أهـل المواقـف ميـر باقـي الـهـرج خـلـه=لا تجي قرب الرصيف اللي بقربه شخص رامي




قال الشاعر حفيد عضيب



البحـر لايغرقـك لاصـار فــي ممـشـاك خـلـه=الـجـدي نـجـمٍ تـبـيّـن للـحـسـاوي والتـهـامـي
أنت قلي ليش خايف بان في ممشاك ذله=بنتهـرج بالعلـوم اللـي تنومـس كـل شـامـي


قال الشاعر عبدالله الحضبي



ماحصل مني عتاب ولا حصل في الهرج زله=مــاســك حــــدي وكــــل لــــه مــعــزه واحـتـرامــي
لكن انت اليـوم مـدري سيفـك المشهـور شلـه=لايشـوفـه بـاحـث الاخـبـار والـنـاس الغشـامـي




قال حفيد عضيب



واجـــب المـسـلـم عـلــى الـمـسـلـم يـعـيـنـه مـايـكـلـه=لاتـــدرق وأنـتــه أسـمــك مـــن كـبـيـريـن الاســامــي
سيفـي المشهـور لاجـاء فـي نهـار الـحـرب اسـلـه=وأنت في وقت الرخاء أشرد من طويرات الحمامي



قال عبدالله الحضبي



كـل مـن يـقـرأ كـتـاب الشـمـس مايـقـدر يفـلـه=تسكنـه جـن البـشـر مـاعـاد تـقـواه العظـامـي
وراعي السيف المحنى قد خلقنا الله عنا له=نلطـمـه وايـضـا تـرانـا مـــا نـوالـيـه اهتـمـامـي

ذكرى الغالي
11-22-2011, 12:41 PM
محاورة ولا اروع
سلمت يدااك
http://kll2.com/upfiles/nI793304.gif (http://kll2.com/)

عبدالرحمن الرشيدي
11-22-2011, 01:35 PM
الله على الجزااااااااااااااااااااااااااااااااااااله صح كللللللللللللللللللللللللهم

مها يوسف
11-28-2011, 06:38 PM
الأخوة الشعراء شكرا لكم على المحاورة الرائعة والجميلة
دامت خواطركم ودمتم بخير
مشكورين

علي الحزمي
01-21-2012, 03:22 PM
ماشاء الله تبارك

يعطيكم العافية

متابعة
وتسجل مرور واعجاب


مودتي
اخوك
علي الحزمي

علي الحزمي
01-21-2012, 03:22 PM
ماشاء الله تبارك

يعطيكم العافية

متابعة
وتسجل مرور واعجاب


مودتي
اخوك
علي الحزمي

عاشقة الشعر
05-15-2012, 05:25 PM
يعطيكم ألف عافية
وتسلم أياااااااااااااديكم

الشاعر ماجد بن رتيق
10-10-2013, 09:29 AM
إبداع و إمتاع فإشباع
صح اللسان و سلم القلب و تسامى البيان
وفقكم الله
و رعاكم
و أبقاكم



فيض تقديري و زاكي تحاياي

نسيم الليل
07-10-2014, 06:08 AM
يعطيكم العافية دام مجهودكم الف شكر