عقاب العتيبي
11-05-2009, 11:29 PM
بسم الله الرحمن الرحيم
السلامُ عليكم :)
من (( كيبورديات ركني الهادئ )) ..
جديدة ولكنَ أحداثها قديمه ,, (( عشق الطفولة )) ..
أمل أن تشفع لغايبي وترتقي لذائقتكم .؛!
:
:
كانت (( طفولتنا )) سعاده لها روح=بعيوننا حــين أنتلاقى تبينا
كلٍ على الثاني ؛ من الشوق مشفوح=وأكبر أمانينا , تشابك يدينا
سر الهوى من بيننا صار مفضوح=وبمتابع التلفاز يظهر علينا
أحساسنا في (( فلم كرتون )) مشروح=ووقايع أبطاله لها أثار فينا
أدوارهم بقلوبنا تبني أصروح=ونشوف شخصياتهم تحتوينا
وبعض المشاهد بيننا تعتبر بوح=وكان البطل بكى بلقطه بكينا
ولاشفت دمعك فوق الاوجان مسفوح=مسحت دمعك من على الوجنتينا
أصلاً يوم إنه قام من موقك يفوح=أثر على قلبٍ غداله ونينا
أذكر يوم إني قلت من قلب مجروح=هاتي ياروح عقاب عهد ويمينا
واللي يخون العهد ماهوب مسموح=لاعاد طرفك من دموعك يلينا
لو إن أخوك يموت بالغدر مذبوح=لاأشوف دمعك وأحلفي هالحينا
لولا اللي نجى الفلك واللي تبع نوح=من دمع عينك مت موتت غبينا
مالي سوا (( حبك )) من العمر مصلوح=ومن البرائه وأستعار الحنينا
قبلت خدك شفّق والباب مفتوح=وصارحتك بحبٍ بقلبي دفينا
ومن الخجل صديتي وللبَرد ضوح=في ثغرك اللي كنه الجمرتينا
وقلتي : أنا ياعقاب أبادلّك بفروح=نفس الشعور اللي بقلبك سجينا
ودايم أقول إنك سنافي وطحطوح=وإنك مثل عدنان لو صرت لينا
وقلتي بعد : ياعقاب لوإنك أتروح=وتتركني ، أخر يوم أعيشه يحينا
ودار الزمان وقام يسجع على الدوح=فرخ الحمام وماكلينا نسينا
وعشق الطفوله قمت أغذيه فالروح=ينمو ويكبر ! مع مرور السنينا
أدرى مواثيقه على كل ؛ سلتوح=مخافة ( العذال ) لا تبتلينا
وأثّره عندك (( لعب ورعان ومزوح ))=ولاعاد من بعد العبايه طرينا
نسيتي اللي ينقش اسمك على اللوح=وبخيانتي طعتي بليس اللعينا
اليوم من هجرك برى حالي النوح=خنتي طفولتنا (( يابنت اللذينا ))
:
ع ــقاب العتيبي "
السلامُ عليكم :)
من (( كيبورديات ركني الهادئ )) ..
جديدة ولكنَ أحداثها قديمه ,, (( عشق الطفولة )) ..
أمل أن تشفع لغايبي وترتقي لذائقتكم .؛!
:
:
كانت (( طفولتنا )) سعاده لها روح=بعيوننا حــين أنتلاقى تبينا
كلٍ على الثاني ؛ من الشوق مشفوح=وأكبر أمانينا , تشابك يدينا
سر الهوى من بيننا صار مفضوح=وبمتابع التلفاز يظهر علينا
أحساسنا في (( فلم كرتون )) مشروح=ووقايع أبطاله لها أثار فينا
أدوارهم بقلوبنا تبني أصروح=ونشوف شخصياتهم تحتوينا
وبعض المشاهد بيننا تعتبر بوح=وكان البطل بكى بلقطه بكينا
ولاشفت دمعك فوق الاوجان مسفوح=مسحت دمعك من على الوجنتينا
أصلاً يوم إنه قام من موقك يفوح=أثر على قلبٍ غداله ونينا
أذكر يوم إني قلت من قلب مجروح=هاتي ياروح عقاب عهد ويمينا
واللي يخون العهد ماهوب مسموح=لاعاد طرفك من دموعك يلينا
لو إن أخوك يموت بالغدر مذبوح=لاأشوف دمعك وأحلفي هالحينا
لولا اللي نجى الفلك واللي تبع نوح=من دمع عينك مت موتت غبينا
مالي سوا (( حبك )) من العمر مصلوح=ومن البرائه وأستعار الحنينا
قبلت خدك شفّق والباب مفتوح=وصارحتك بحبٍ بقلبي دفينا
ومن الخجل صديتي وللبَرد ضوح=في ثغرك اللي كنه الجمرتينا
وقلتي : أنا ياعقاب أبادلّك بفروح=نفس الشعور اللي بقلبك سجينا
ودايم أقول إنك سنافي وطحطوح=وإنك مثل عدنان لو صرت لينا
وقلتي بعد : ياعقاب لوإنك أتروح=وتتركني ، أخر يوم أعيشه يحينا
ودار الزمان وقام يسجع على الدوح=فرخ الحمام وماكلينا نسينا
وعشق الطفوله قمت أغذيه فالروح=ينمو ويكبر ! مع مرور السنينا
أدرى مواثيقه على كل ؛ سلتوح=مخافة ( العذال ) لا تبتلينا
وأثّره عندك (( لعب ورعان ومزوح ))=ولاعاد من بعد العبايه طرينا
نسيتي اللي ينقش اسمك على اللوح=وبخيانتي طعتي بليس اللعينا
اليوم من هجرك برى حالي النوح=خنتي طفولتنا (( يابنت اللذينا ))
:
ع ــقاب العتيبي "