منصور الرويلي
12-14-2011, 06:03 AM
الله ياذيك الليالي والايام = كانت لعشاق الهوى العذب راحه
صحيح فيها نقص في فهم الاسلام = لكن بها عفه وصدق وسماحه
كان الزمن يحيي بنا وصل الارحام = وصدورنا كانت للايمان ساحه
كنا نطوف الارض حافين الاقدام = ومن طيبنا نزرع للاجيال واحه
كنا بشر . تفكير . وأرواح . وأجسام= من قبل عصر العُولمه وأنفتاحه
واليوم من رحلة (يمنا) الى (الشام)= تضيق بعيون الكريم المساحه
صارت مراجلنا .. تصاريح وأعلام = وريال يدفع لغنيات بوقاحه
أيامنا تغرّيب .. وأحلامنا أيتام = وأرواحنا لابشع جُريمه متاحه
من يوم صار السيف بيدين الاقزام = صرنا نشوف الماء ونشرب ضحاحه
اللي بنا بالهند والسند والشام = وبـ .. سويسرا سوى مناطق سياحه
وبالقاهره أعاد تشيّد الاهرام = وتحت البحر سوى ملاعب سباحه
وحنا نصيح وكل ماحولنا أصنام = يالله دخيلك مات صوت الصراحه
اليوم ملينا مواعيد الاوهام = ماعاد باقي بالصدور أنشراحه
قولوا معي مادام هالواقع ألزام ؟ = يسعد مساء الظالم ويسعد صباحه
.
.
صحيح فيها نقص في فهم الاسلام = لكن بها عفه وصدق وسماحه
كان الزمن يحيي بنا وصل الارحام = وصدورنا كانت للايمان ساحه
كنا نطوف الارض حافين الاقدام = ومن طيبنا نزرع للاجيال واحه
كنا بشر . تفكير . وأرواح . وأجسام= من قبل عصر العُولمه وأنفتاحه
واليوم من رحلة (يمنا) الى (الشام)= تضيق بعيون الكريم المساحه
صارت مراجلنا .. تصاريح وأعلام = وريال يدفع لغنيات بوقاحه
أيامنا تغرّيب .. وأحلامنا أيتام = وأرواحنا لابشع جُريمه متاحه
من يوم صار السيف بيدين الاقزام = صرنا نشوف الماء ونشرب ضحاحه
اللي بنا بالهند والسند والشام = وبـ .. سويسرا سوى مناطق سياحه
وبالقاهره أعاد تشيّد الاهرام = وتحت البحر سوى ملاعب سباحه
وحنا نصيح وكل ماحولنا أصنام = يالله دخيلك مات صوت الصراحه
اليوم ملينا مواعيد الاوهام = ماعاد باقي بالصدور أنشراحه
قولوا معي مادام هالواقع ألزام ؟ = يسعد مساء الظالم ويسعد صباحه
.
.