منصور الرويلي
02-07-2012, 07:34 AM
يوم أتعّبني طويلات المشاوير = جيت أتعفى وبيّحت السراير
سافرت بأحلام مزروعه نواوير = ورجعت بأخر نفس والدم فاير
أهديت للشرق تغريد العصافير = وأهديت للغرب عيني والعباير
الصبر مدري وش اللي بعده يصير = مادام هذا أوله ؟ تاليه جاير
الله لا يذكر اللي فات بالخير = نسّاني الربح من كثر الخساير
معنى الجفا بان مايحتاج تفسير = ونبع الوفا عقب هاك الجم غاير
ماهي مثل قبل ترحيب ومسايير = لا عوّدت للشتايم والمّعاير
الوسم كذاب .. ومزونه مباكير = والسيل لوهو قوي واديه حاير
أعذار ياكثرها من دون تبرير = للاسئلة رد ؟ والناتج مغاير
صك الجناحين قلنا خير ياطير = وفل الجناحين قلنا وين طاير
راحت تباشير والا جت تباشير = مليت طول الرجا مامن بشاير
شمس الضحى لو تمل وتقفي عصّير = تغيب لكن تجي في يوم داير
تحفظ عهود النهار بدون تقصير = ماهي مثل من يصد ولا يساير
*
*
*
*
سافرت بأحلام مزروعه نواوير = ورجعت بأخر نفس والدم فاير
أهديت للشرق تغريد العصافير = وأهديت للغرب عيني والعباير
الصبر مدري وش اللي بعده يصير = مادام هذا أوله ؟ تاليه جاير
الله لا يذكر اللي فات بالخير = نسّاني الربح من كثر الخساير
معنى الجفا بان مايحتاج تفسير = ونبع الوفا عقب هاك الجم غاير
ماهي مثل قبل ترحيب ومسايير = لا عوّدت للشتايم والمّعاير
الوسم كذاب .. ومزونه مباكير = والسيل لوهو قوي واديه حاير
أعذار ياكثرها من دون تبرير = للاسئلة رد ؟ والناتج مغاير
صك الجناحين قلنا خير ياطير = وفل الجناحين قلنا وين طاير
راحت تباشير والا جت تباشير = مليت طول الرجا مامن بشاير
شمس الضحى لو تمل وتقفي عصّير = تغيب لكن تجي في يوم داير
تحفظ عهود النهار بدون تقصير = ماهي مثل من يصد ولا يساير
*
*
*
*