منصور الرويلي
03-08-2012, 08:45 PM
لا عاد تنشد خاطري منك طايب = لا عاد تنشد غيبتي وش سببها ؟
مالي على لقياك شف وطلايب = أقفت ليال العشق وأقفى طربها
إرحل وخل جروح قلبي عطايب = لابد ما تشفى ويبرى عطبها
أنا عزايه في عظيم الوهايب = يعين من نفسه تزايد غضبها
لو المعاني مثل وبل السحايب = ماكل حرفٍ بالقوافي كتبها
قصيدتي ( مهرة ) تفل الذوايب = لا طبت الميدان محدن غلبها
حروف شعرٍ بين مخطي وصايب=تعزف على قوس الربابه عتبها
ماشفت في دنياك غير المصايب = ونفسي على طاريك كلن ندبها
أثر الهوى برموش طرفك نهايب = صوبت قلبي بالعيون وهدبها
غلطة غرامك في خفوقي لهايب = النار شبت في ضلوعي حطبها
من كثر ماشفت بحياتي صعايب = عندي تساوى سهلها مع صعبها
وقت الرخا والا زمان النوايب = شمس الحقيقه ظلنا ماحجبها
رغم الملامة والشقا والعجايب=فعل الجمايل مارجينا تعبها
هذي النهاية .. ياعريب النسايب=مافاد طيبك والقصايد كسبها ؟
ملعون أبو حبٍ يجي بالغصايب=وملعون أبو قلبٍ بحبه غصبها
صنت العهود الوافيه وأنت غايب = وكف الغلا ماغير كفك قضبها
وأهديتني ( رمحك ) بليا سبايب = قسمة قدر رب الخلايق وهبها
طاوعت فيني كل عاذل وخايب = وبعت المحبه يوم غيري خطبها
هبت رياح الزيف مثل الهبايب = وأشعلت هاجوس القصيد ولهبها
ياما سهرتك ليل والشمع ذايب = ماهمني لو الحسود أحتسبها ؟
هجرت من شأنك جميع الحبايب=قدمت لك جزل الحروف وذهبها
صَخرت لعيونك حروفٍ نجايب = أسمى المعاني يوم غيرك طلبها
واليوم قلبي من محَبتك تايب = يومن سيف الغدر روحي ضربها
مليت من فك الغصون النشايب = وتعبت من حرب البسوس ونشبها
وقررت أفارق دنيتك والمصايب = مادام عينك كل بارق جذبها ؟
القلب من فرقاك ماهوب هايب = كل الظروف القاسيه ماحسبها
عن ديرتك شديت كل الركايب = صوب الرجال اللي يشرَف نسبها
أهل المواقف والسيوف الحدايب = والناس ماتجهل فعايل عربها
.
.
.
.
مالي على لقياك شف وطلايب = أقفت ليال العشق وأقفى طربها
إرحل وخل جروح قلبي عطايب = لابد ما تشفى ويبرى عطبها
أنا عزايه في عظيم الوهايب = يعين من نفسه تزايد غضبها
لو المعاني مثل وبل السحايب = ماكل حرفٍ بالقوافي كتبها
قصيدتي ( مهرة ) تفل الذوايب = لا طبت الميدان محدن غلبها
حروف شعرٍ بين مخطي وصايب=تعزف على قوس الربابه عتبها
ماشفت في دنياك غير المصايب = ونفسي على طاريك كلن ندبها
أثر الهوى برموش طرفك نهايب = صوبت قلبي بالعيون وهدبها
غلطة غرامك في خفوقي لهايب = النار شبت في ضلوعي حطبها
من كثر ماشفت بحياتي صعايب = عندي تساوى سهلها مع صعبها
وقت الرخا والا زمان النوايب = شمس الحقيقه ظلنا ماحجبها
رغم الملامة والشقا والعجايب=فعل الجمايل مارجينا تعبها
هذي النهاية .. ياعريب النسايب=مافاد طيبك والقصايد كسبها ؟
ملعون أبو حبٍ يجي بالغصايب=وملعون أبو قلبٍ بحبه غصبها
صنت العهود الوافيه وأنت غايب = وكف الغلا ماغير كفك قضبها
وأهديتني ( رمحك ) بليا سبايب = قسمة قدر رب الخلايق وهبها
طاوعت فيني كل عاذل وخايب = وبعت المحبه يوم غيري خطبها
هبت رياح الزيف مثل الهبايب = وأشعلت هاجوس القصيد ولهبها
ياما سهرتك ليل والشمع ذايب = ماهمني لو الحسود أحتسبها ؟
هجرت من شأنك جميع الحبايب=قدمت لك جزل الحروف وذهبها
صَخرت لعيونك حروفٍ نجايب = أسمى المعاني يوم غيرك طلبها
واليوم قلبي من محَبتك تايب = يومن سيف الغدر روحي ضربها
مليت من فك الغصون النشايب = وتعبت من حرب البسوس ونشبها
وقررت أفارق دنيتك والمصايب = مادام عينك كل بارق جذبها ؟
القلب من فرقاك ماهوب هايب = كل الظروف القاسيه ماحسبها
عن ديرتك شديت كل الركايب = صوب الرجال اللي يشرَف نسبها
أهل المواقف والسيوف الحدايب = والناس ماتجهل فعايل عربها
.
.
.
.