حسين اليامي
12-20-2009, 01:26 AM
البارحة والليل ضو القمرشاقة=
عود يجاذبني وكدر صفى البال
أدكا على صدري ولا مد ساقة=
ودق الوتد ثم ربط الهم بحبال
والجرح ينخى الصبح يطلق وثاقة=
والصبح جاه ودبل الحبل دبال
إلي نست يدة سوايا طراقة=
الخد ماينسى مع طول الأجيال
وإلي نصيته بأحترام ولباقة=
صبيت له من دلة العز فنجال
سكر علي الباب وأقفل الطاقة=
ما يدري أن ماهو بهمي والأمال
مغزاي خوة طيب عهد وصداقة=
سوا فهيم وقال هذا ما ينقال
أهديت له وردة ولا أهديت له باقة=
وشلون لا أهديتة بساتين يختال
وش لي بجلادة وأنالي على ناقة=
ماجابها دينار هامور وريال
وش لي بموج وملح زاد أصطفاقة=
مادام عندي سيل وأنا على الجال
ياجعلهم فدوة عزيز الرفاقه=
المهرة الصفرا وأنا زبن خيال
الغالي إلي شوف ظله اسراقه=
والصوت مرة بالسنة عند الازوال
لا أحدن قرا خطة ولا كشف أوراقة=
ولا أحدن عرف طبعة وناشده من حال
إلي يهز القلب ريح أشتياقة=
من غيمة الذكرى سرى الدمع همال
الشاعر/حسين اليامي
عود يجاذبني وكدر صفى البال
أدكا على صدري ولا مد ساقة=
ودق الوتد ثم ربط الهم بحبال
والجرح ينخى الصبح يطلق وثاقة=
والصبح جاه ودبل الحبل دبال
إلي نست يدة سوايا طراقة=
الخد ماينسى مع طول الأجيال
وإلي نصيته بأحترام ولباقة=
صبيت له من دلة العز فنجال
سكر علي الباب وأقفل الطاقة=
ما يدري أن ماهو بهمي والأمال
مغزاي خوة طيب عهد وصداقة=
سوا فهيم وقال هذا ما ينقال
أهديت له وردة ولا أهديت له باقة=
وشلون لا أهديتة بساتين يختال
وش لي بجلادة وأنالي على ناقة=
ماجابها دينار هامور وريال
وش لي بموج وملح زاد أصطفاقة=
مادام عندي سيل وأنا على الجال
ياجعلهم فدوة عزيز الرفاقه=
المهرة الصفرا وأنا زبن خيال
الغالي إلي شوف ظله اسراقه=
والصوت مرة بالسنة عند الازوال
لا أحدن قرا خطة ولا كشف أوراقة=
ولا أحدن عرف طبعة وناشده من حال
إلي يهز القلب ريح أشتياقة=
من غيمة الذكرى سرى الدمع همال
الشاعر/حسين اليامي