نشمي مقعد العتيبي
05-10-2012, 08:48 PM
يسعدلي اوقاتكم بكل خير ...
هذه الابيات يعلم الله انها وليدة الساعه كتبتها وانا في الطريق
من جده لحايل مساء هذا اليوم....
ياوجد حالي وجد من طاح مجروح = جرحٍ على الدكتور يصعب علاجه
والا وجود اللي على الحد مطروح = فاصعب قضيه صعب منها خراجه
أو وجد عودٍٍ يذرف الدمع وينوح = قفوا عياله عنه في وقت حاجه
على اللذي من دونه جبال وصروح = ولاظنتي به يوم فيه انتواجه
من عقب ماكنا سواليف ومزوح = وقلوبنا فيها غلى و اندماجه
أجيه يوم الوضع عادي ومسموح = يروي ضمى قلبي ويشفي إخلاجه
أبو جبينٍٍ فالدجى كنه الضوح = في ليلي المظلم ينور سراجه
واليا ضحك ضحكٍٍ من الروح للروح = ياسرع ليلي يوم يضحك حجاجه
ماكنت احسب انه يجي يوم ويروح = لين استلمت اليوم دعوة زواجه
هذا النصيب اللي كتبلي على اللوح = راضي بمقسومي ولابغى إحراجه
هذه الابيات يعلم الله انها وليدة الساعه كتبتها وانا في الطريق
من جده لحايل مساء هذا اليوم....
ياوجد حالي وجد من طاح مجروح = جرحٍ على الدكتور يصعب علاجه
والا وجود اللي على الحد مطروح = فاصعب قضيه صعب منها خراجه
أو وجد عودٍٍ يذرف الدمع وينوح = قفوا عياله عنه في وقت حاجه
على اللذي من دونه جبال وصروح = ولاظنتي به يوم فيه انتواجه
من عقب ماكنا سواليف ومزوح = وقلوبنا فيها غلى و اندماجه
أجيه يوم الوضع عادي ومسموح = يروي ضمى قلبي ويشفي إخلاجه
أبو جبينٍٍ فالدجى كنه الضوح = في ليلي المظلم ينور سراجه
واليا ضحك ضحكٍٍ من الروح للروح = ياسرع ليلي يوم يضحك حجاجه
ماكنت احسب انه يجي يوم ويروح = لين استلمت اليوم دعوة زواجه
هذا النصيب اللي كتبلي على اللوح = راضي بمقسومي ولابغى إحراجه