علي إبن شفلوت
12-26-2009, 01:40 AM
إخوتي الكرام كل عام وانتم بألف خير وبعد
احببت
أن أترككم مع المحاورة التي دارت بيني وبين
أخي الغالي الشاعر فهد العتيبي اطال الله عمره واعماركم
وإني لأرجو أن تنال إعجابكم وتحوز رضاكم
علي ابن شفلوت
سلامآ سليمآ سالمآ يطـرد الخـوف
وخيل القوافي في خفوقـي مغيـرة
ابآولّع الكشّاف وامشي على الشوف
واعرْف الخيول الصافنة والكسيـرة
فهد العتيبي
هلامرحبا ياخالط القطن بالصوف
وتبغا شهاده تزكية حسن سيـره
ظهورالجمال انشدهالوهي وقوف
لكن اطلب الله فالعفو والستيـره
علي ابن شفلوت
نصيد ونفيد ونترك الجلد منتوف
وصيد الخلا يحتاج لهل البصيـرة
ترا بندقي ليمن رمت تنثراحتوف
وانا عيني اليمنى براس الشعيـرة
فهد العتيبي
تصيد وتصاد وقبلك الشوك معكوف
وبارودك الي ثـار قبـل الذخيـره
تمرجح براس ن بين حاذف ومحذوف
وخيرك وشرك مع سلوك الحريـره
علي ابن شفلوت
تراماحسبت الشوك والدرب مرصوف
ولا احسب حساب الكايدة والصغيرة
أبا مدّها وان جات لك فوق سرجوف
فلا ترتجي يـا بعْـد حالـي بريـرة
فهد العتيبي
اخذلك مع الدرب اشهب اللال مصروف
مع الغيـب ماكـل ن يقـرر مصيـره
الاياعلـي لـوك ببيـت الله تـطـوف
ترا مامعك فـي حكـم ربـي بصيـره
علي ابن شفلوت
بعد ما ركبت الهجن واصبحت معروف,
من العيب تنكص يـا زبيـن الكسـرة
ابآحج بيـت الله وابليـس مكتـوف
وأبانحـر فهـد وانحـر قبالـه بعيـره
فهد العتيبي
انا لن وليت ارحم مساكين وضعوف
وعندي شهامه لك مـروه وجيـره
تغطرس تمطرس منت عن شي مكلوف
يتوه العمـا مافيـه مـن يستشيـره
علي ابن شفلوت
حضرنا هنـا يافهْـد والجهـد مخلـوف
نصبّـح علـى ديـرة ونمسـي بديـره
تراك أنت الاعمى حيل واشموسك اكسوف
وياقايـد العميـان عــان الجـزيـرة
فهد العتيبي
على الواضحه ولا اقبل العلم ملفوف
وياقلب لاتحـزن نـزول دحديـره
زمانك تطوع قسوته كل ملقـوف
تغير وجلده تحت شمـس الضهيـره
علي ابن شفلوت
نحدّك على نارآ ووديـان واتلـوف
وانا ما طلبتك ميـر جيتـم بخيـره
باوضّح لك المكتوب بانقاط واحروف
ومن لا يفك الخط يلعـن خشيـره
فهد العتيبي
سجلك في دالوبك والاوراق فرفوف
وبوفيـة الهنـدي مرنـدا وبيـره
يبوراس حامي والصداع اله مالوف
عرفنا انشراحه وانكسارة ضميـره
علي ابن شفلوت
ُسْق البيّنه ما نقبل ايمـان واحلـوف
وشيخ القضا ما ينفعك دهْن سيـره
وانا السيف لو سلّيته اتشوف واتعوف
بنات المنايـا ترتعـد فـي شطيـرة
وسلامتكم جميعآ
احببت
أن أترككم مع المحاورة التي دارت بيني وبين
أخي الغالي الشاعر فهد العتيبي اطال الله عمره واعماركم
وإني لأرجو أن تنال إعجابكم وتحوز رضاكم
علي ابن شفلوت
سلامآ سليمآ سالمآ يطـرد الخـوف
وخيل القوافي في خفوقـي مغيـرة
ابآولّع الكشّاف وامشي على الشوف
واعرْف الخيول الصافنة والكسيـرة
فهد العتيبي
هلامرحبا ياخالط القطن بالصوف
وتبغا شهاده تزكية حسن سيـره
ظهورالجمال انشدهالوهي وقوف
لكن اطلب الله فالعفو والستيـره
علي ابن شفلوت
نصيد ونفيد ونترك الجلد منتوف
وصيد الخلا يحتاج لهل البصيـرة
ترا بندقي ليمن رمت تنثراحتوف
وانا عيني اليمنى براس الشعيـرة
فهد العتيبي
تصيد وتصاد وقبلك الشوك معكوف
وبارودك الي ثـار قبـل الذخيـره
تمرجح براس ن بين حاذف ومحذوف
وخيرك وشرك مع سلوك الحريـره
علي ابن شفلوت
تراماحسبت الشوك والدرب مرصوف
ولا احسب حساب الكايدة والصغيرة
أبا مدّها وان جات لك فوق سرجوف
فلا ترتجي يـا بعْـد حالـي بريـرة
فهد العتيبي
اخذلك مع الدرب اشهب اللال مصروف
مع الغيـب ماكـل ن يقـرر مصيـره
الاياعلـي لـوك ببيـت الله تـطـوف
ترا مامعك فـي حكـم ربـي بصيـره
علي ابن شفلوت
بعد ما ركبت الهجن واصبحت معروف,
من العيب تنكص يـا زبيـن الكسـرة
ابآحج بيـت الله وابليـس مكتـوف
وأبانحـر فهـد وانحـر قبالـه بعيـره
فهد العتيبي
انا لن وليت ارحم مساكين وضعوف
وعندي شهامه لك مـروه وجيـره
تغطرس تمطرس منت عن شي مكلوف
يتوه العمـا مافيـه مـن يستشيـره
علي ابن شفلوت
حضرنا هنـا يافهْـد والجهـد مخلـوف
نصبّـح علـى ديـرة ونمسـي بديـره
تراك أنت الاعمى حيل واشموسك اكسوف
وياقايـد العميـان عــان الجـزيـرة
فهد العتيبي
على الواضحه ولا اقبل العلم ملفوف
وياقلب لاتحـزن نـزول دحديـره
زمانك تطوع قسوته كل ملقـوف
تغير وجلده تحت شمـس الضهيـره
علي ابن شفلوت
نحدّك على نارآ ووديـان واتلـوف
وانا ما طلبتك ميـر جيتـم بخيـره
باوضّح لك المكتوب بانقاط واحروف
ومن لا يفك الخط يلعـن خشيـره
فهد العتيبي
سجلك في دالوبك والاوراق فرفوف
وبوفيـة الهنـدي مرنـدا وبيـره
يبوراس حامي والصداع اله مالوف
عرفنا انشراحه وانكسارة ضميـره
علي ابن شفلوت
ُسْق البيّنه ما نقبل ايمـان واحلـوف
وشيخ القضا ما ينفعك دهْن سيـره
وانا السيف لو سلّيته اتشوف واتعوف
بنات المنايـا ترتعـد فـي شطيـرة
وسلامتكم جميعآ