شعبان القحطاني
08-21-2012, 11:49 PM
السلام عليكم ورحمة الله وبركاته هذة قصيدة في سعيد القحطاني العافي عن قاتل ابنه في وقت وقوع الجريمة جزاه الله خير
لمن اراد ان يسمعها في اليوتيوب
http://youtu.be/Rgaiewi1Crc (http://youtu.be/Rgaiewi1Crc)
لي سنة ما صغت من بحر الشعر قافيه = واحمد الله ماني بجايع ولاني ضامي
غير شعار العصر خيالة ورجليه = وساحة الشعار ما فيها نظام الزامي
قلت اعزل ما علي من هرجةٍ محكيه = لين شفت الموقف اللي فز منه الهامي
بعدها جتك السحب براقة ورعديه = من هجوسٍ وبلها يسقي الورق باقلامي
والقصيدة بكرةٍ تفرق عن المنقيه = لا اعتزيت ودرهمة قيفانها درهامي
صارت هجوسي تنادي يا هلا يا حيه = موقفٍ ما كنه الا موج بحرٍ طامي
اشهد انه موقفٍ ما قد ذكر لي زيه = من قديم الوقت ولا في غضون ايامي
وان خذيت العقل والحكمة وطيب والنيه = موقفٍ ما يفعله غير العزيز السامي
يا سعيد اليوم فعلك للعرب ماريه = من ورى بلاد اليمن حتى ورى اهل الشامي
فعلك اللي يذهل قلوب الرجال الحيه = لو سمع فيه اليهودي يعتنق لـ سلامي
قصةٍ تبقى على سطر الزمن مقريه = وانت حاكمها وربي حاكم الحكامي
ثار شيطان النفوس وصاب خيٍ خيه = وشفت ابو يحيى كتم غيضه وجرحه دامي
كالجبل من حر شمس الظهر سوى فيه = برّد الموقف ودمه في عروقه حامي
قد عفى من ساعته ولا طلب له ديه = قال هذي رميةٍ ما قد نواها الرامي
وقال كلٍ ساعته من ربنا مقضيه = واحمد الله عل القضى لو لامني اللوامي
وقال هاذولا عيالي عطوة الله ليه = وان خذا العاطي عطاه فلا هو بظلامي
وقال انا خال الفتى ما ازيد كيه كيه = اشهد انه خالٍ يجمل ولا ينضامي
ياسعيد العفو عند المقدرة ماريه = للحليم المحسن الركاع والصوامي
والنفوس العافية من ربها مجزيه = في كتاب الله ربي قالها باحكامي
يا ابن عمي فعلتك من طيبها مكسيه = بالمراجل كلها يالذرب يالمقدامي
بالكرامة والشهامة والخصال الحيه = والشجاعه والوفى والخلق خلقٍ سامي
صرت مضرب للمثال وخطوتك محكيه = في المساجد والمجالس عام عقب العامي
وجهك ابيض يامجمل ربعٍ وعانيه = يالعرابي باسمك البيضا على لـ علامي
لمن اراد ان يسمعها في اليوتيوب
http://youtu.be/Rgaiewi1Crc (http://youtu.be/Rgaiewi1Crc)
لي سنة ما صغت من بحر الشعر قافيه = واحمد الله ماني بجايع ولاني ضامي
غير شعار العصر خيالة ورجليه = وساحة الشعار ما فيها نظام الزامي
قلت اعزل ما علي من هرجةٍ محكيه = لين شفت الموقف اللي فز منه الهامي
بعدها جتك السحب براقة ورعديه = من هجوسٍ وبلها يسقي الورق باقلامي
والقصيدة بكرةٍ تفرق عن المنقيه = لا اعتزيت ودرهمة قيفانها درهامي
صارت هجوسي تنادي يا هلا يا حيه = موقفٍ ما كنه الا موج بحرٍ طامي
اشهد انه موقفٍ ما قد ذكر لي زيه = من قديم الوقت ولا في غضون ايامي
وان خذيت العقل والحكمة وطيب والنيه = موقفٍ ما يفعله غير العزيز السامي
يا سعيد اليوم فعلك للعرب ماريه = من ورى بلاد اليمن حتى ورى اهل الشامي
فعلك اللي يذهل قلوب الرجال الحيه = لو سمع فيه اليهودي يعتنق لـ سلامي
قصةٍ تبقى على سطر الزمن مقريه = وانت حاكمها وربي حاكم الحكامي
ثار شيطان النفوس وصاب خيٍ خيه = وشفت ابو يحيى كتم غيضه وجرحه دامي
كالجبل من حر شمس الظهر سوى فيه = برّد الموقف ودمه في عروقه حامي
قد عفى من ساعته ولا طلب له ديه = قال هذي رميةٍ ما قد نواها الرامي
وقال كلٍ ساعته من ربنا مقضيه = واحمد الله عل القضى لو لامني اللوامي
وقال هاذولا عيالي عطوة الله ليه = وان خذا العاطي عطاه فلا هو بظلامي
وقال انا خال الفتى ما ازيد كيه كيه = اشهد انه خالٍ يجمل ولا ينضامي
ياسعيد العفو عند المقدرة ماريه = للحليم المحسن الركاع والصوامي
والنفوس العافية من ربها مجزيه = في كتاب الله ربي قالها باحكامي
يا ابن عمي فعلتك من طيبها مكسيه = بالمراجل كلها يالذرب يالمقدامي
بالكرامة والشهامة والخصال الحيه = والشجاعه والوفى والخلق خلقٍ سامي
صرت مضرب للمثال وخطوتك محكيه = في المساجد والمجالس عام عقب العامي
وجهك ابيض يامجمل ربعٍ وعانيه = يالعرابي باسمك البيضا على لـ علامي