العمري
08-29-2012, 01:50 PM
( أستيقضت ) قصيدة واقعية
ألّمني الطعن واستيقضت من حلمي
***** وشفت ايدك اللي على السكين مضمومه
غمّضت عيني ولكن راعني دمي
***** اللّي على أطراف ثوبك بانت رسومه
قمت أغسله بالدموع ومِثّهْ بكمّي
***** خوفي يشوفه عذول ويلحق سْهومه
وإلاّ ظميرك يقوم ويشعر بهمي
***** وانا لهمّك فؤادي تشعل همومه
لكنّك اسرفت في طغيانك وذمّي
***** وألبستني زور ثوب الغدر وهدومه
أصغيت للواشي النّمام في نمّي
***** ونسيت كم لي معاك حقوق مهضومه
غرّك سكوتي على زلاتك وحلمي
***** وظنيتني عبدك اللي حاني خشومه
لا يا صديق الرخا لو عاملك رسمي
***** ناحت على راسك الغربان والبومه
والعين بالعين وانت اللّي بدا ظلمي
***** لكني اكبر ولي في العفو منضومه
أغض واسمح ولي في دنيتي فهمي
***** غير النبيين ما به نفس معصومه
لكن ابا ذكّرك عن حجمي ورقمي
***** يومٍ رماك القدر والناس في خصومه
عنّك تخلاّ القريب وباعك النشمي
***** والنار من كل جانب فيك مضرومه
آويتك بروح بين عظامي ولحمي
***** وطفت السما فيك فوق البدر ونجومه
ما همّني من يكون العادي وخصمي
***** واقول الأجال عند الله مرقومه
من فضل ربي نصرتك ما وهن عزمي
***** حتى نصرتك وكل اعداك مهزومه
واليوم جازيتني بحساسك الوهمي
***** واول ضحايا انتصارك نفس محشومه
والله لو جبت مال الكون والتمي
***** تحت القدم ما بحشمة صاحبي سومه
المال يكبر بعين النذل وينمّي
***** اللّي حياته بجمع المال مهمومه
وانته على ذا المثل محشوم يالنشمي
***** لكن حتى العواذل فيك مصدومه
ضحيت باصدق صديقٍ لك على علمي
***** واصدرت بالظن حكمٍ بارت علومه
إصحى لنفسك ترا تبع ( .... ) يعمي
***** والنفس بالسؤ أمّاره ومغرومه
خطاك الاول حكاية في الصخر يدمي
***** مازال يجري بدمك لاسع سمومه
نفسى الخطا لا تعيده وانت ذا فهمي
***** واطلب من الله ستر الحال وسلومه
امّا انا يا صديقي خاتمة نظمي
***** ودعتّك الله والارزاق مقسومه
عبدالله صالح العمري
ألّمني الطعن واستيقضت من حلمي
***** وشفت ايدك اللي على السكين مضمومه
غمّضت عيني ولكن راعني دمي
***** اللّي على أطراف ثوبك بانت رسومه
قمت أغسله بالدموع ومِثّهْ بكمّي
***** خوفي يشوفه عذول ويلحق سْهومه
وإلاّ ظميرك يقوم ويشعر بهمي
***** وانا لهمّك فؤادي تشعل همومه
لكنّك اسرفت في طغيانك وذمّي
***** وألبستني زور ثوب الغدر وهدومه
أصغيت للواشي النّمام في نمّي
***** ونسيت كم لي معاك حقوق مهضومه
غرّك سكوتي على زلاتك وحلمي
***** وظنيتني عبدك اللي حاني خشومه
لا يا صديق الرخا لو عاملك رسمي
***** ناحت على راسك الغربان والبومه
والعين بالعين وانت اللّي بدا ظلمي
***** لكني اكبر ولي في العفو منضومه
أغض واسمح ولي في دنيتي فهمي
***** غير النبيين ما به نفس معصومه
لكن ابا ذكّرك عن حجمي ورقمي
***** يومٍ رماك القدر والناس في خصومه
عنّك تخلاّ القريب وباعك النشمي
***** والنار من كل جانب فيك مضرومه
آويتك بروح بين عظامي ولحمي
***** وطفت السما فيك فوق البدر ونجومه
ما همّني من يكون العادي وخصمي
***** واقول الأجال عند الله مرقومه
من فضل ربي نصرتك ما وهن عزمي
***** حتى نصرتك وكل اعداك مهزومه
واليوم جازيتني بحساسك الوهمي
***** واول ضحايا انتصارك نفس محشومه
والله لو جبت مال الكون والتمي
***** تحت القدم ما بحشمة صاحبي سومه
المال يكبر بعين النذل وينمّي
***** اللّي حياته بجمع المال مهمومه
وانته على ذا المثل محشوم يالنشمي
***** لكن حتى العواذل فيك مصدومه
ضحيت باصدق صديقٍ لك على علمي
***** واصدرت بالظن حكمٍ بارت علومه
إصحى لنفسك ترا تبع ( .... ) يعمي
***** والنفس بالسؤ أمّاره ومغرومه
خطاك الاول حكاية في الصخر يدمي
***** مازال يجري بدمك لاسع سمومه
نفسى الخطا لا تعيده وانت ذا فهمي
***** واطلب من الله ستر الحال وسلومه
امّا انا يا صديقي خاتمة نظمي
***** ودعتّك الله والارزاق مقسومه
عبدالله صالح العمري