ظلال
09-23-2012, 10:39 AM
لك ياوطن شعري وروحي مواليف=ومن حبهم انسج لك احلى قصيدة
وإن كان ماجاني قصيدي على الكيف =ماابية علة مايجيب الفريدة
حب الوطن واجب ولا فية تكليف =لي الفخر ياتاج راسي وسيدة
مشاعرٍٍ تسكن بقلبي ماهي ضيف =لكنها هاظت علي يوم عيده
لبست الأخضر وأتلون كما الطيف =مانيب طفلة بس والله سعيدة
ليت الزمن يرجع بي أعوام ياطيف =وأرسم على وجهي وامسح واعيده
وأمسك علم واقول اناشيد ياريف =وافرح لأني في صفوف النشيدة
وأصّرف الفرحة على كل تصريف =حتى الزمن ماعاد يكفي رصيده
عجزت الاقي للأحاسيس توصيف =كني طفل يلبس هدوم ٍ جديدة
ولا صحاري مجدبة باخر الصيف =وهلت عليها غيوم وسم ٍ رعيدة
ثورة مشاعر صادقة دون تزييف =مزروعة ٍ بالقلب ويا وريده
عندي وطن له داخلي الف تعريف =طير الأمان اللي بأرضه اصيده
وعندي علم به ولِف المجد توليف =اصل الكرم والدين في وسط جيده
وعندي ملك كم يتعبك بالتواصيف =يجمع سعة صدر ٍ وحسن العقيدة
يارب يامن الف الكون تأليف =يظلنا ظله سنين ٍ مديدة
.
منقول للشاعره / الراحله
وإن كان ماجاني قصيدي على الكيف =ماابية علة مايجيب الفريدة
حب الوطن واجب ولا فية تكليف =لي الفخر ياتاج راسي وسيدة
مشاعرٍٍ تسكن بقلبي ماهي ضيف =لكنها هاظت علي يوم عيده
لبست الأخضر وأتلون كما الطيف =مانيب طفلة بس والله سعيدة
ليت الزمن يرجع بي أعوام ياطيف =وأرسم على وجهي وامسح واعيده
وأمسك علم واقول اناشيد ياريف =وافرح لأني في صفوف النشيدة
وأصّرف الفرحة على كل تصريف =حتى الزمن ماعاد يكفي رصيده
عجزت الاقي للأحاسيس توصيف =كني طفل يلبس هدوم ٍ جديدة
ولا صحاري مجدبة باخر الصيف =وهلت عليها غيوم وسم ٍ رعيدة
ثورة مشاعر صادقة دون تزييف =مزروعة ٍ بالقلب ويا وريده
عندي وطن له داخلي الف تعريف =طير الأمان اللي بأرضه اصيده
وعندي علم به ولِف المجد توليف =اصل الكرم والدين في وسط جيده
وعندي ملك كم يتعبك بالتواصيف =يجمع سعة صدر ٍ وحسن العقيدة
يارب يامن الف الكون تأليف =يظلنا ظله سنين ٍ مديدة
.
منقول للشاعره / الراحله