محمد لقفص العمري
10-02-2012, 02:41 AM
http://kll2.com/upfiles/D7y27313.gif (http://kll2.com/)
ياللي تقول إن الكرم مات راعيه =راع الكرم من بعد حاتم فقدناه
أقول من يبحث للشي يلاقيه =حاتم رحل واليوم يا كثر شرواه
للجود ناس تعتني به وتحييه =تتبع سلفها في شموخه ومبداه
بالحب تكرم من نصاها وترضيه =رجالهم يرخص حلاله ويصخاه
ضيف الكريم إن جاه يسرع يحييه =ويقوم بالواجب ولا راح حياه
بيته لجيرانه وربعه وقاصيه =مفتوح للطرقي من اقصاه لدناه
وإذا نخاه الجار يفزع ويعطيه =لو ما بملكه غير مصروفه أعطاه
اما الردي لا طيب الله مساعيه =لو شاف جاره مات عطشان ما اسقاه
يمسي وجيرانه جياع حواليه =والمال موجود ببنكه ومخباه
يا الله يا رب الملا لا تعافيه =واقطع ذراء من كان هذي سواياه
ما دامته ما يعترف بالمشاريه =ولا يقوم بواجب الضيف لا جاه
بين المطاليق انتبه لا تتطريه =ون مات قل يا حظ ربعه بفرقاه
واللي كريم وكسّر العسر يديه =جعله يدوم وطافي الضوء يفداه
يا الله يا ربي بفضلك تجازيه =وجعل جنان الخلد يا رب مثواه
وصلاة ربي عد من قال لبيه =على النبي اللي نشر دين مولاه
وسلامتكم
الشاعر محمد لقفص العمري
ياللي تقول إن الكرم مات راعيه =راع الكرم من بعد حاتم فقدناه
أقول من يبحث للشي يلاقيه =حاتم رحل واليوم يا كثر شرواه
للجود ناس تعتني به وتحييه =تتبع سلفها في شموخه ومبداه
بالحب تكرم من نصاها وترضيه =رجالهم يرخص حلاله ويصخاه
ضيف الكريم إن جاه يسرع يحييه =ويقوم بالواجب ولا راح حياه
بيته لجيرانه وربعه وقاصيه =مفتوح للطرقي من اقصاه لدناه
وإذا نخاه الجار يفزع ويعطيه =لو ما بملكه غير مصروفه أعطاه
اما الردي لا طيب الله مساعيه =لو شاف جاره مات عطشان ما اسقاه
يمسي وجيرانه جياع حواليه =والمال موجود ببنكه ومخباه
يا الله يا رب الملا لا تعافيه =واقطع ذراء من كان هذي سواياه
ما دامته ما يعترف بالمشاريه =ولا يقوم بواجب الضيف لا جاه
بين المطاليق انتبه لا تتطريه =ون مات قل يا حظ ربعه بفرقاه
واللي كريم وكسّر العسر يديه =جعله يدوم وطافي الضوء يفداه
يا الله يا ربي بفضلك تجازيه =وجعل جنان الخلد يا رب مثواه
وصلاة ربي عد من قال لبيه =على النبي اللي نشر دين مولاه
وسلامتكم
الشاعر محمد لقفص العمري