سااامر
10-23-2012, 10:26 AM
السلام عليكم ورحمة الله وبركاااااااته
اسف اني استعجلت بالقصيده لكن بما اني بكره مسافر
قلت خير البر عاجله
قالت : لي وخر عيب لا مست بيدي=لايستخف دمك ترى الوقت دوار
قلت : والذي سلم بقلبي وريدي=منك العفو ما كان صيدي ولا صار
زحمه وكثر اشيا وناس وحديدي=ومن مختلف اجناس فقرا وتجار
غلطه وعفو-ن واتاسف واعيدي=كبوة جواد-ن ضاق دربه من يسار
قالت : انا بفهم وعقلي فريدي=تبي تمشيها على كثر الاعذار
تراي بستدعي السكرت .........!=ازلام مجناهم على الدم والثار
والله يخلونك سوات العصيدي=وتصير لك قصه مع الناس تعبار
قلت : اسمعي يابنت مني وازيدي=الموت عند اللي حما كل الاقطار
والحين قولي لي وش الي تريدي=ماكل طيرا صار له ريش طيار
لي صاحب-ن يبغى يبدل جديدي=ملابس-ن لبنيته حجمها صغار
يوم اشتراها كان ظنه وتيدي=ويوم انتهى للبيت قالو ذي كبار
في حزة بالعصر وامري عنيدي=دق لي تليفوني وانا داخل الدار
رحنا جميعا صوب سوق-ن بعيدي=بعد المعلق ظنتي غرب الاثار
ولما وصلنا قال : حول وصيدي=اعيون بتشاهد كما عزف الاوتار
قلت : الحيا ملقوف دايم بقيدي=السيف ارحم لي ولاطلق الانظار
واخص لاشفت البنيات عيدي=يمكن يقابلني من الناس ثرثار
اكره مجي السوق عادي وليدي=وشلون لو سني تعدا بالاعمار
قال المحيميدي بخاطر محيميدي=دقيقه اسرع لك من الطير لاطار
ثم-ن غدا ماعاد واصبح فقيدي=وحولت ادور جرته قبل تنهار
وتصادمت مابين ايدك وايدي=بدون قصد وساقني حكم الاقدار
واليوم في حكمك وامرك سديدي=قولي لنا لا باس والا لنا الكار
قالت: لي روح جعل عمرك مديدي=العذر مقبول وعسى دربك ازهار
راحت وانا في كل خطوه نشيدي=للموتر الي واقف-ن خلف الاسوار
وحصلت من هو بالمواقف عضيدي=كنه يتحراني على الجمر والنار
قال: العذر منك وربي شهيدي=ون قلت جوالك تولته الاخيار
طاح وانكسر ثم صلحه لي صعيدي=مصري من الفيوم والاصل نجار
اصبح يسميني يافندم ياسيدي=ولحظه يا باشه طول البال بنهار
حتشوف جوالك بحله قديدي=شاشه حتتغير مع ارقام وازرار
والحمدلله زان حظي وفيدي=من بعد ماقلنا اغترقنا بالابحار
والحين جبنا كل علم-ن مجيدي=مثل ما قالو سير الجار ع الجار
وحقك علينا يا بو ........ اكيدي=قبل الشحم تقلط ع البن وبهار
اسف اني استعجلت بالقصيده لكن بما اني بكره مسافر
قلت خير البر عاجله
قالت : لي وخر عيب لا مست بيدي=لايستخف دمك ترى الوقت دوار
قلت : والذي سلم بقلبي وريدي=منك العفو ما كان صيدي ولا صار
زحمه وكثر اشيا وناس وحديدي=ومن مختلف اجناس فقرا وتجار
غلطه وعفو-ن واتاسف واعيدي=كبوة جواد-ن ضاق دربه من يسار
قالت : انا بفهم وعقلي فريدي=تبي تمشيها على كثر الاعذار
تراي بستدعي السكرت .........!=ازلام مجناهم على الدم والثار
والله يخلونك سوات العصيدي=وتصير لك قصه مع الناس تعبار
قلت : اسمعي يابنت مني وازيدي=الموت عند اللي حما كل الاقطار
والحين قولي لي وش الي تريدي=ماكل طيرا صار له ريش طيار
لي صاحب-ن يبغى يبدل جديدي=ملابس-ن لبنيته حجمها صغار
يوم اشتراها كان ظنه وتيدي=ويوم انتهى للبيت قالو ذي كبار
في حزة بالعصر وامري عنيدي=دق لي تليفوني وانا داخل الدار
رحنا جميعا صوب سوق-ن بعيدي=بعد المعلق ظنتي غرب الاثار
ولما وصلنا قال : حول وصيدي=اعيون بتشاهد كما عزف الاوتار
قلت : الحيا ملقوف دايم بقيدي=السيف ارحم لي ولاطلق الانظار
واخص لاشفت البنيات عيدي=يمكن يقابلني من الناس ثرثار
اكره مجي السوق عادي وليدي=وشلون لو سني تعدا بالاعمار
قال المحيميدي بخاطر محيميدي=دقيقه اسرع لك من الطير لاطار
ثم-ن غدا ماعاد واصبح فقيدي=وحولت ادور جرته قبل تنهار
وتصادمت مابين ايدك وايدي=بدون قصد وساقني حكم الاقدار
واليوم في حكمك وامرك سديدي=قولي لنا لا باس والا لنا الكار
قالت: لي روح جعل عمرك مديدي=العذر مقبول وعسى دربك ازهار
راحت وانا في كل خطوه نشيدي=للموتر الي واقف-ن خلف الاسوار
وحصلت من هو بالمواقف عضيدي=كنه يتحراني على الجمر والنار
قال: العذر منك وربي شهيدي=ون قلت جوالك تولته الاخيار
طاح وانكسر ثم صلحه لي صعيدي=مصري من الفيوم والاصل نجار
اصبح يسميني يافندم ياسيدي=ولحظه يا باشه طول البال بنهار
حتشوف جوالك بحله قديدي=شاشه حتتغير مع ارقام وازرار
والحمدلله زان حظي وفيدي=من بعد ماقلنا اغترقنا بالابحار
والحين جبنا كل علم-ن مجيدي=مثل ما قالو سير الجار ع الجار
وحقك علينا يا بو ........ اكيدي=قبل الشحم تقلط ع البن وبهار