منصور الرويلي
11-19-2012, 09:40 AM
http://ube.azyya.com/uploads/11022517453794.jpg
..
سلامتك يامعرب الجد والخال = ياللي مكانك ماتضمه قصيده
ملكت حب أعداك بالطيب والمال = وعزيت شعبك يازعيم البديده
أسعدت شعبك مابها شك وأجدال = وحققت حلمه بالفعول الاكيده
الشعب وافي والوفا مضرب أمثال = ميّل عقالك وانطنخ يالوليده
أهلاً هلابك عد ما واديٍ سال = وأعداد ماهتز النخل مع جرّيده
ترقص لك الفرحه على كل الاشكال = لو غاب غيرك مانعده فقيده
صورة غلاك بصدق الاحساس تختال = أصدق مشاعر من عضيد لعضيده
ياسيدي بك تفتخر كل الاجيال = يومن حكام العرب في رصيده
لك موقفٍ مايوقفه كل رجال = ولك هيبة الضرغام وقت المكيده
لك حكمةٍ تخضع لها كل الابطال = ولك نظرةٍ عند الصعايب بعيده
أجزل من الـهتان واثقل من أجبال=وأعمق من بحور القصيد وجديده
وارهى من الحر النداوي ليا جال = لامن كفخ جزل الحباري يصيده
يا سيفنا . يا درعنا . وقت الاهوال = ملاذ شعبك بالظروف العنيده
الله وهبك المُلِك في كل الاحوال = صيتك بفعل الخير نارٍ وقيده
يافزعة المضيوم لا شاف الاذلال = ليا أشتكي جور الحياه الزهيده
لك في قلوب الناس موطن ومنزال = ومكانتك بالقلب تبقى وحيده
ياسيدي في غيّبتك حالنا حال = الله يديمك بالسنين المديده
غلاك وسط القلب حيٍ ولا زال = ما يمَوْت الا بالقلوب البليده
ياخادم البيتين حنا لك إعيال = أرواحنا من دونك وجهك شهيده
اليا أنتخينا نِوْدع الارض زلزال = واللي نواك بشر نقطع وريده
انت الحكيم اللي زرع فينا الامال = وانت الشجاع اللي أفعوله فريده
رأيك (يابو متعب) على الراس ينشال = أبشر بنا عند الظروف الشديده
قدرك كبير وشوفتك تشرح البال =ومواقفك بالطيب ماهي جديده
أرض الكرامه دونها سلاح ورجال = أرجال ماترخص أعهودٍ مجيده
ماهي سوالف بالقنوات تنقال = يصوغها فكر السفيه ويعيده
أفعالنا تثبت لهم صدق الاقوال = دام الولاء روح وكيان وعقيده
فرحة وطن ترسم غلانا بالامثال = ياللي مكانك ماتضمه قصيده
*
*
*
*
..
سلامتك يامعرب الجد والخال = ياللي مكانك ماتضمه قصيده
ملكت حب أعداك بالطيب والمال = وعزيت شعبك يازعيم البديده
أسعدت شعبك مابها شك وأجدال = وحققت حلمه بالفعول الاكيده
الشعب وافي والوفا مضرب أمثال = ميّل عقالك وانطنخ يالوليده
أهلاً هلابك عد ما واديٍ سال = وأعداد ماهتز النخل مع جرّيده
ترقص لك الفرحه على كل الاشكال = لو غاب غيرك مانعده فقيده
صورة غلاك بصدق الاحساس تختال = أصدق مشاعر من عضيد لعضيده
ياسيدي بك تفتخر كل الاجيال = يومن حكام العرب في رصيده
لك موقفٍ مايوقفه كل رجال = ولك هيبة الضرغام وقت المكيده
لك حكمةٍ تخضع لها كل الابطال = ولك نظرةٍ عند الصعايب بعيده
أجزل من الـهتان واثقل من أجبال=وأعمق من بحور القصيد وجديده
وارهى من الحر النداوي ليا جال = لامن كفخ جزل الحباري يصيده
يا سيفنا . يا درعنا . وقت الاهوال = ملاذ شعبك بالظروف العنيده
الله وهبك المُلِك في كل الاحوال = صيتك بفعل الخير نارٍ وقيده
يافزعة المضيوم لا شاف الاذلال = ليا أشتكي جور الحياه الزهيده
لك في قلوب الناس موطن ومنزال = ومكانتك بالقلب تبقى وحيده
ياسيدي في غيّبتك حالنا حال = الله يديمك بالسنين المديده
غلاك وسط القلب حيٍ ولا زال = ما يمَوْت الا بالقلوب البليده
ياخادم البيتين حنا لك إعيال = أرواحنا من دونك وجهك شهيده
اليا أنتخينا نِوْدع الارض زلزال = واللي نواك بشر نقطع وريده
انت الحكيم اللي زرع فينا الامال = وانت الشجاع اللي أفعوله فريده
رأيك (يابو متعب) على الراس ينشال = أبشر بنا عند الظروف الشديده
قدرك كبير وشوفتك تشرح البال =ومواقفك بالطيب ماهي جديده
أرض الكرامه دونها سلاح ورجال = أرجال ماترخص أعهودٍ مجيده
ماهي سوالف بالقنوات تنقال = يصوغها فكر السفيه ويعيده
أفعالنا تثبت لهم صدق الاقوال = دام الولاء روح وكيان وعقيده
فرحة وطن ترسم غلانا بالامثال = ياللي مكانك ماتضمه قصيده
*
*
*
*