نواف العضياني
11-26-2012, 07:42 PM
آلسلآم عليكم ورحمة آلله
آسعد آلله جميع آوقآتكم يآ آحبّة
عذرآ للإنقطآع ..
ومصآحفة لعلّهآ تشفع .
البارحة مابين قيعان وسهول=في راس مرقابٍ براسه علامه
قامت هجوسي تبعد الحوم وتجول=وقربت مركاي وحذفت العمامه
وليلي سرا واضفا على العالم سدول=وتوشّحت كل البسيطه ظلامه
ماعندي ولا شغل والعقل مشغول=منحاش عن جو المدن والقمامه
منحاش عن ناسٍ تكثّر من القول=ولا لهم بالمرجلة والشهامه
بعض البشر ودك ليا اطريته تقول=فلان ولد فلان ولك الكرامه
منقّلين هروج مامعهم عقول=ياجعلهم فدوة هذيك اللثامه
لثامة اللي خلّف العقل مسلول=اللي رمى ثم صوبتني سهامه
ابو ثمانٍ كنها صفّة اللول=وجه البدر لا صار جزّة تمامه
يطري علي واقول يا حيّ هالزول=اللي ملك عقلي وغيّر نظامه
عليه وجدي وجد شايب ومشلول=يبي المقام ولا تشيله عظامه
تنخاه بنتٍ ورعها الصبح مقتول=وتبيه ياخذ حقّها من خصامه
يصفق بكفّينه ولا في يده حول=ودموع عينه مثل وبل الغمامه
ثم طاح فوق الارض والمنظر يهول=من حرّته يومه عجز عن مقامه
واصبح وهو من فوق الاكتاف محمول=موتة قهر ماهي بموتة رخامه
على الذي فرقاه ماهو بمقبول=اللي مسبب للمعنّا هيامه
عليه اجرّ الصوت واقول لاحول=واجاوب بصوتي نياح الحمامه
وادعته وقلت اللقا فيك مامول=وصافحته مصافح غلا ببتسامه
قلت الوعد متى اللقا قال مجهول=اذكرني انت بخير ومع السلامه
قلت الذكر بذكرك من غير ماتقول=ذكراك ماتنسى ليوم القيامه
نوآف آلعضيّآني
11/2012
آسعد آلله جميع آوقآتكم يآ آحبّة
عذرآ للإنقطآع ..
ومصآحفة لعلّهآ تشفع .
البارحة مابين قيعان وسهول=في راس مرقابٍ براسه علامه
قامت هجوسي تبعد الحوم وتجول=وقربت مركاي وحذفت العمامه
وليلي سرا واضفا على العالم سدول=وتوشّحت كل البسيطه ظلامه
ماعندي ولا شغل والعقل مشغول=منحاش عن جو المدن والقمامه
منحاش عن ناسٍ تكثّر من القول=ولا لهم بالمرجلة والشهامه
بعض البشر ودك ليا اطريته تقول=فلان ولد فلان ولك الكرامه
منقّلين هروج مامعهم عقول=ياجعلهم فدوة هذيك اللثامه
لثامة اللي خلّف العقل مسلول=اللي رمى ثم صوبتني سهامه
ابو ثمانٍ كنها صفّة اللول=وجه البدر لا صار جزّة تمامه
يطري علي واقول يا حيّ هالزول=اللي ملك عقلي وغيّر نظامه
عليه وجدي وجد شايب ومشلول=يبي المقام ولا تشيله عظامه
تنخاه بنتٍ ورعها الصبح مقتول=وتبيه ياخذ حقّها من خصامه
يصفق بكفّينه ولا في يده حول=ودموع عينه مثل وبل الغمامه
ثم طاح فوق الارض والمنظر يهول=من حرّته يومه عجز عن مقامه
واصبح وهو من فوق الاكتاف محمول=موتة قهر ماهي بموتة رخامه
على الذي فرقاه ماهو بمقبول=اللي مسبب للمعنّا هيامه
عليه اجرّ الصوت واقول لاحول=واجاوب بصوتي نياح الحمامه
وادعته وقلت اللقا فيك مامول=وصافحته مصافح غلا ببتسامه
قلت الوعد متى اللقا قال مجهول=اذكرني انت بخير ومع السلامه
قلت الذكر بذكرك من غير ماتقول=ذكراك ماتنسى ليوم القيامه
نوآف آلعضيّآني
11/2012