( يالهند ) محاورة ساااامر + ابوتركي

[سااامر]

السلام عليكم ورحمة الله وبركاااته

احب ان اشارك في هذا القسم بمحاوره مجاراه بيني وبين صديق لي الشاعر ابوتركي
عندما كان مسافر للهند قبل سنه

ارسلت له عبر الايميل هذه الابيات



يالهند وين اللي تغيب عن العين=ايميله امقفل وخارج مداره

الخوف لامنه عشق له مزايين=واصبح لنا ( ميتاب ) صقر المغاره

افلامه اللي كم عشقنا من سنين=تصبح لبوتركي حقيقه بداره

الشعر خليته في موجز عناوين=وصليت عن بعده صلاة استخاره

لاوالله اللي غاب شعر الثقلين=اللي كسب فالاوله والصداره

الا اعتلا فالجو مثل الشياهين=واليا قعد بانت شموخ الاماره

واليوم نكتب لك من الشعر بيتين=ونرسل لك الموجز بكامل عباره

نبي قصيده ردها منك ذلحين=واحذر يساومها الزمن بنتظاره

والشاعر اللي مثل دورك اموصين=دام ارتقو بالشعر فن وحضاره






وهذ ابيات رد ابوتركي برسالة ::



سلام يلي خصنا في العناوين=من شاعر جانا في كل ازدهاره

انكان غبنا غيبتنا القوانين=في هالقرار اللي علينا قراره

الا اتصلنا يوم غبنا ليومين=التقنيه ماوصلتها التجاره

العشق لا تسأل بنا كامل الزين=ماهو على خبرك في عيني جهاره

طبيعة خضرا ثراها بساتين=والليل مانفرق بليله نهاره

[مها يوسف]

الأخ العزيز والشاعر الراقي عبدالله السهلي
سااامر
شكرا لك على الثصيدة الجميلة المعبرة
وشكرا للأخ الشاعر الكريم على الرد والمحاورة لأبياتك
دمت بخير مشكورين

[شيخه آل غانم]

الشاعر القدير \ عبدالله السهلي

الله يسعد روحك على جمال هذه المحاوره

انت وزميلك الشاعر \ ابو تركي

احترامي وتقديري لكما ؛؛

[العنودالشمريه]

روائع
ماشاءالله
سرني المرور بها
صح لسان الجميع
كونوا بخير

[الشاعر ماجد بن رتيق]

ألله الله
صوت وصدي رائعان
صح اللسان وسلم القلب و تسامى البنان
وفقكم الله
و رعاكم
و أبقاكم



تقديري و زاكي تحاياي

[عبق المشاعر]

جميل جدا ماخطته يداكم
رائعان بل اكثر
صح لسان الجميع
ودمتم بود


















تحيتي
عبق المشاعر