حسين ابن عمران
12-30-2012, 09:18 PM
حصريا .. كيبورديه لكم ...
كرسي وحيد وكومة اوراق واقلام = واحلام وعيون المسا تحتري شي
مدري قصيده او هي اضغاث الاحلام = مدري شغف اوهي بعد لهفة الغي
مدري التعب ولد بي اجموح واقدام = اوهو السهر خلفني الميت الحي
ياصاحبي لا شفتني طحت قدام = قل للعرب ترشف من اعيوني المي
قل للعرب ماهمني حكم الاعدام = الموت موتي ياعرب بكر اشوي
توه تفتق بالعقل فكر والهام = والحرف توه قام بالفكر يطري
وانا بعد توي على عزف الانغام = قمت اتراقص بين هذي وهذي
توي عرفت ان اكثر العالم اقزام = والشمس في كفي وانا للبشر في
الله يامسرع مشت ذيك الايام = وياكثرها حاجات في صدري اهني
احسن اخفيها عن الناس وانام = والى ضواني الصبح علمت وش هي
مادم به كرسي واوراق واقلام = واحلام وعيون المسا تحتري شي
بانام ياعل المسا ينبت احلام = تسوى الى قمنا نسولف بها اشوي
كرسي وحيد وكومة اوراق واقلام = واحلام وعيون المسا تحتري شي
مدري قصيده او هي اضغاث الاحلام = مدري شغف اوهي بعد لهفة الغي
مدري التعب ولد بي اجموح واقدام = اوهو السهر خلفني الميت الحي
ياصاحبي لا شفتني طحت قدام = قل للعرب ترشف من اعيوني المي
قل للعرب ماهمني حكم الاعدام = الموت موتي ياعرب بكر اشوي
توه تفتق بالعقل فكر والهام = والحرف توه قام بالفكر يطري
وانا بعد توي على عزف الانغام = قمت اتراقص بين هذي وهذي
توي عرفت ان اكثر العالم اقزام = والشمس في كفي وانا للبشر في
الله يامسرع مشت ذيك الايام = وياكثرها حاجات في صدري اهني
احسن اخفيها عن الناس وانام = والى ضواني الصبح علمت وش هي
مادم به كرسي واوراق واقلام = واحلام وعيون المسا تحتري شي
بانام ياعل المسا ينبت احلام = تسوى الى قمنا نسولف بها اشوي