ديوان الشاعر / محمد بن عبد الله السبيعي

[محمد السبيعي]

يسرني ويشرفني مروركم وتشريفكم

كما يسعدني تقبل ملاحظاتكم ونقدكم

[محمد السبيعي]

ماكل من قال احبك صادقً فيها= بعض العبارات تنطق دون معناها
لاتغرك الكلمة الي دوم توحيها =افحص مشاعر محبك لين تلقاها
وأن مالقيت الوفاء داخل معانيها =اعرف ترا وقتها فتره وينساها
بعض المشاعر توهق من يجاريها =ويضيع عمره عليها ويترجاها
لاتقول غلطة وابدمحها واعديها=احسب حسابك على الغلطه ومبداها
ولاتقول من شان محبوبي بمشيها =تكثر عليك الدروب وطول ممشاها
ارسم لنفسك حياتك وش مباديها =وارسم لغيرك خطوطً ما تعداها
ومشاعرك خلها للي يداريها = يستاهل الحب من قدر وداراها

[محمد السبيعي]

لا لا يغرك ياحياتي صدودك=مايتبع المقفين غير المهابيل
وأن كان زادبك الغرور وجحودك= وضنيتي اني انتظر واسهر الليل
غلطان مايثر بقلبي برودك =ولاشاقني حلو السهر والتعاليل
والله لو جيتي بكفك ورودك = وبكفك الاخر حنانً وتدليل
لاصد عن شوفتك وانسئ وجودك= واقول روحي صار دربك تساهيل
القلب عاف اليوم لمعة خدودك = وحمر الشفايف ما تداوي المعاليل
أول احبك واعتذرلك وارودك = واليوم عفتك ياقليل المحاصيل
ارجع على ماضيك زادة حدودك = واكسب من الدنياء العناء والغرابيل

[محمد السبيعي]

http://kll2.com/upfiles/gy327313.gif (http://kll2.com/)

الله من ليلاً مضى كله احلوم=ليلاً على العاشق يزيد المناحي


الله من ليلاً مضى كله احلوم=ليلاً على العاشق يزيد المناحي
بالحلم اسامرها وانا بلذة النوم=وتغيب عن عيني ليا صرت صاحي
والمشكله في حبها ماقبل السوم=والوقت عاندني بكل ارتياحي
لا يازمن ما هيب شرهات وسلوم=هذاك وقتاً من غثانا استراحي
حنا بوقتاً كلبونا به قروم=الا فقير المال رام المطاحي
وقتاً تساوى فيه ذربين ورخوم=لون صوت الذئب غير النباحي
يا عاذليني واتركو عنكم اللوم=دون الغضي لاتكثرو في نصاحي
الي على شاني وقف وَقف زيزوم=واعلن لهم ما غيرة ارضى المراحي
واصبحت انا وياه في وضع محتوم=ونرجي لعل الصبح يبدي الفلاحي
وندعي سوى لعلها تفرج اليوم=ويرضون بالقرب الحلال المباحي
لونها بالغصب ومجابه القوم=لرفع على من عاندونا سلاحي
واغوص بحر الموت لرضاه واعوم=ويسجل التاريخ قوة كفاحي
واسعد بقربه واهتني دايم الدوم=وتردد العالم غرابة نجاحي
وادخل قنس في اغرب حدث واشهر علوم=ويسجل الشي الغريب اقتراحي
لاكن وقتي اجبر القلب مرغوم=والحظ قصر في مقامه وطاحي
وصـــار الأمـــل فـــي قـربـهـا شـبــة مـعــدوم=وفــــي كــــل يــــوم اخــبــار تــدمــي جــراحــي
يالله يـــــا لــــــي عـــنـــدك الــغــيــب مــعــلــوم=اكـــتـــب لـــنـــا فــــــي مـبـتـغـانــا الـنـجــاحــي



الشاعر محمد السبيعي

[محمد السبيعي]

تدرون وشهي ميزة الناس ياناس= دين وأدب ومبادل الطيب بالطيب
وفعل الكرم وسوالفً ترفع الراس =ومراجلاً تذكر ولو انك تغيب
واحفظ لسانك عن نقل كل حساس = رتب كلامك قبل ماتقول ترتيب
والجار احفظ جيرته لا يجي باس = لاتصير غراته بمرماك وتصيب
وابعد عن الي خوته مالها ساس = جرفه هيال ورفقته نقص وتعيب
واحذر من النمام نقال الادناس = الي يشذب فعرض الناس تشذيب
وابعد عن اوكار الردى واهل الانجاس = الي فعايلهم جرايم وتهريب
واقبل نصيحة كل مخلص من الناس = اخذ النصيحه وبادل الطيب بالطيب

[محمد السبيعي]

لا والله الي اظلم الشام كله=من بعد ما غادر قمرها سماها
راحت وقفى القلب معها تتله=على السعودية وانا في رجاها
احبها واعشق هواها واجله=واعيف داراً ماتمر بثراها
وأن كان حبة عيب ولا مذله=انا حبيبة وافتخر في غلاها
فيها الحلاء كلة وانا قلت كلة=بنت الجمال وكل حسناً زهاها
القلب عاف الزين كثرة وقله=ولاعاد شاف من العذارأ سواها
في عيونها سهم المنايا تسله=لاسلهمن زادت حياتي شقاها
وخدودها بدراً كمل في محله=غطى على نور المدينة ضياها
وشفايفة تقطر عسل ماتمله=ورداً تفرعاً من حمارة كساها
وباقي المحاسن محتويها تجله=مافية شي من الحلاء ماحتواها
يهمني يرضى ويسعد بحله=وباقي البشر ماني بدور رضاها
عند الوداع ضيعت انا وش اقله=الا لجمله قمت اردد صداها
يازين هجرك لايطول بغله=عفت الحياة وعفت حتى هواها
يكفي في بعدك اظلم الشام كله=تعال نور ياقمرها سماها

[محمد السبيعي]

والله لولعها جمر يدفي البرد = والله لشعل في سماها غرامي
واكتبلها واهديلها مهجتي ورد= واخفض لها من هيبتي والمقامي
واذكره وقت الشتاء لو شرد شرد= البرد ابو نفرين يبغى اهتمامي
لا تتركيني يابعد غايتي فرد = اعيش في وحدة وبُعد وسقامي
ابغى بحضنك اهدي الورد للورد = وابغى بهمسك يستنير الكلامي
وابغى الموانع بيننا كلها جرد = وابغى معاك الود والاحترامي
وابغى معاك ابادل الأخذ والرد = وابغى سمانا يكتسيها الغمامي

[محمد السبيعي]

لو أن للعشاق نادي وجمهور= والله لغرد في سماء العالميه
واكتب دواوين الغزل طلعت النور= واغني الحان الطرب سمسميه
مشاعرً بالوصل ماتعرف الزور= وماشابها نوع النفاق وسميه
للي غلاها داخل القلب محفور = حفرة غلاء مهيب حفرة طميه
ابديتها وماني على البوح مجبور = حب الشرف يفرض عليك الحميه
يثور بركان الغلاء داخلي ثور = والوصل طول والمشاعر ضميه

[محمد السبيعي]

أنور الشام واخضرت روابيها=واستهلت بشاير مقدم الغالي
كم سهرت أليالي في حراويها=لين صار السهر همي وغربالي
ياعيوني تهني وافرحي بيها=وانضري ياعيوني منهو إقبالي
نور عيني وكل الناس تفديها=اشهد انه عزيز ومنزله عالي
فتنة الأرض قاصيها ودانيها=قبل اعرفه وقلبي دالهن سالي
يعلم الله جميع البيض مابيها=غيرها ماخطر لحظة على بالي
لا تلومون قلبي يوم يغليها=فتنةً زينها اخرس كل عذالي
العيون الوسيعه من يجاريها=من رمتني صويب وناحلاً حالي
والخدود اكتمل نور البدر فيها=والعسل مصدره من ريقها الحالي
والنهد مكتمل طلعة وزاهيها=واقفاً صدرها من غير حمالي
والخصر مقضباً للكف تعطيها=ناعم العود وان هب الهوى مالي
والردايف عظيم الكون معطيها=فتنتاً تطرق الأول على التالي
لو يطول العمر ماني بناسيها=مرخصاً في رضاها حالي ومالي

[محمد السبيعي]

http://kll2.com/upfiles/gy327313.gif (http://kll2.com/)

http://kll2.com/upfiles/szu73522.bmp (http://kll2.com/)




هو فيه شي لغيرهم تنبض قلوب=حرام ما تنبض لغير العذارا
ياكم شعرٍ في الغنادير مكتوب=وياكم سهرنا والنجوم انتبارا
وياكم كتبنا من هجيني ومسحوب=وياكم عيوناً من سببهم سهارا
إلي معاهن كل ممنوع مرغوب=والي نجاهر في غلاهن جهارا
والي بنظرنا ما بهن أي عذروب.=ألا السهر ولا قلوباً كسارا
والله لو نسكن عمارات وقصور=من دونهن لعلها لـلـدمارا
بوجودهم نرتاح والبال مسرور=لاخترت والله وفق الاختيارا
هم زينة الدنيا وهم منبع النور=ومن غيرهن نموت لو انتحارا
أخير من دنيا الترف نسكن قبور=ويكتب على قبرك شهيد العذارا





الشاعر
محمد عبدالله السبيعي



http://smiles.al-wed.com/smiles/13/i49589547_86280_4.gif
http://kll2.com/upfiles/rFR79429.bmp (http://kll2.com/)

[محمد السبيعي]

والله اني عارفٍ مابة جديد=غير همٍ كل يوم استقبله
مايلين روس لين له حديد = واحتوى وضع اليال المقبله
كيف برجي خير والدنياء جليد=كيف بحلم والمصايب مسبله
كيف بصبر واتحمل في المزيد=واليدين من الحلول مكبله
والله اني عرافٍ حظي فريد=وشايفٍ هذي ثمارة مذبله
كل ليلة من مزيدٍ في مزيد=من ومن غدر اليالي مخبله
اختلط دم المواجع والصديد=وكل ماضخت بجسمي يقبله
مالي الا الصبر يالحظ العنيد=وكيف ما كان القدر بستقبله

[محمد السبيعي]

http://kll2.com/upfiles/gy327313.gif (http://kll2.com/)

http://kll2.com/upfiles/szu73522.bmp (http://kll2.com/)




شبيحة الكفر زادة في تماديها=وأطلق رسنها خبيث الشام وأعوانه
قامت تبيد البشر معاد تاويها=وأطفال رضع بنهر الدم غرقانه
وقواته الملحدة الامر معطيها=سياسة الارض محروقه وخربانه
هد المنازل على الي ساكنً فيها=وخل الشوارع بدم الشعب مليانه
قام ايتخبط مايدري ويش تاليها=غبي نسى قدرة الوالي وسلطانه
لابد ما يشرب من الكاس مسقيها=ويذوق طعم الهوان وقوا حقرانه
ولابد ما تفرح عيونً مبكيها=وتشفى صدورناً بقهر الظلم غليانه
ياربي ارضك وخلقك لا تخليها=ارواحهم يالولي للنصر شفقانه







الشاعر
محمد عبدالله السبيعي


http://smiles.al-wed.com/smiles/13/i49589547_86280_4.gif
http://kll2.com/upfiles/rFR79429.bmp (http://kll2.com/)

[محمد السبيعي]

ياما على شانك فقد جفني النوم=وياما على شانك كسرت المحاذير
وياما سكن في هاجسي افكار وحلوم=واذا شردلي فكر تاتي تفاكير
لا والله الي صار في حبك علوم=ولا والله الي فاق كل التفاسير
وان كان عذالي تبي تكثر اللوم=من شان حبك ارفض اللوم واغير
انا ادري ان الحب قاسم ومقسوم=وانا ادري انه لو كُتب شي بيصير
وانا اعرف اني فيك هايم ومغروم=ولااريد منك غير عطفاً وتقدير
في كل يوم اقول وش يخفي اليوم=وصرت اقراء بوجه الزمن كل تعبير
قامت تزيد همومي همومها هموم=يالله عسى مهي بداية مخاسير
حتى بنومي صرت انا القاك واقوم=واجدك حلم وصار لحظات ويطير
وقدام نور الفجر يخفي له نجوم=بموت احبك بس تصبح على خير

[محمد السبيعي]

http://kll2.com/upfiles/gy327313.gif (http://kll2.com/)



http://kll2.com/upfiles/szu73522.bmp (http://kll2.com/)

انا الذي ماقول يعطوني الناس=المرجله فعلي ومكسب يميني
الحمد لله سمعتي ترفع الراس =ماقول للسمعه تروح وتجيني
اتعب على كسب المراجل بنوماس=واحسب حساب الهرج لايقتفيني
واعز نفسي عن مخاوات الانجاس =ضعاف النفوس الي رداها مكيني
وابعد عن النمام نقال الادناس=الي لقولي دايماً يحتريني
واحذر من الغدار واصير حساس=لان الردي ماله شهامه وديني
أكليب موته صار من غدر جساس =الي ومن غدرة وكيدة دفيني
وأن كانها بالشعر مرسم وقرطاس =بنات فكري يكتبنه يديني
ازاحم الشعار ماقول لاباس=واشب ناري والفخر معتليني


الشاعر
محمد السبيعي
http://smiles.al-wed.com/smiles/13/i49589547_86280_4.gif
http://kll2.com/upfiles/rFR79429.bmp (http://kll2.com/)

[محمد السبيعي]

أحبها لو قالت أني مودك=واعشق دلعها نور عيني ولو زاد
يا سيدي افرح ولاحداً بقدك=صاحبك ما يسمع هروجاً ونقاد
ولو كل من في الأرض يا قف بضدك=ماني مصدق فيك واشي وحساد
سلمت لك روحي رهينة بيدك=واعلم ترا ماني عن الحال نشاد
همي وغاية مطلبي كسب ودك=وليا حصل ماني باللفضل جحاد
هذا منى نفسى ولا بغى مصدك=خلك عطوف وكثرت الصد مافاد
مدامنى مابين جزرك ومدك=مافية داعي نطلب الناس الإمداد
ياسيدي حالي تعذب ببعدك=وياسيدي ماذي بحالات الاجواد
ارجوك رجواء تصدق اليوم وعدك=وترحم محباً ينتظر منك الانجاد

[محمد السبيعي]

ياجوهرة عشقي وشيطانة افكاري=ياملهمتني قصيد الحب وفنونه
يامن خذتني وخلت بس تذكاري=يامن فتني وصرت اليوم مجنونه
قلت المشاعر فداك ابيك تختاري=واخذتي القلب وش فادتني احصونه
وقعدت بأسمك اردد واكتب اشعاري=يزين فيك القصيد وتطرب لحونه
لا عادة الله زمان الحب واقداري=الي رمتني بدرب العشق وجنونه
أول مع الناس مال الحب من طاري=واليوم غصت البحر واضهرت مكنونه
متى على الله تخلص رحلة اسفاري=ومن مركب الشوق ناخذ بس مضمونه

[محمد السبيعي]

تقول امانه يا محمد جميله =هذي الصور كانت بحفلة خطوبة
مابي تجاملني بكلمة ثقيلة=جبر الخواطر ليت تنسى دروبه
خوذي كلامٍ ماحصل لي بديله=يافتنةٍ فيها جمال وعذوبة
لو قلت حلوة ياحياتي قليلة=حتى قمرنا شوفي اعلن غروبه
والشمس تحكي عنك قصه طويلة=قصة جمال وطيب طفلة لعوبة
وكل الكواكب في المجرة ذليلة=وصارت بدورتها تقول امغصوبة
وبين النهد عطرٍ يفوح وتشيله= ياوردةً فيك الندى والرطوبة
ومن شاف خصرك لا تثنى ياويله=لو كان عايش في حياته صعوبة
وردفٍ عليه من المفاتن وسيلة =ينسى بها المؤمن كبائر ذنوبه
من بعد هذا ما بقى ياجميلة = الا اباركلك بيوم الخطوبة

[محمد السبيعي]

الله من جفنٍ عن النوم عيا=لين السهر اصبح على العين موان
بسباب من حبه لواء القلب ليا=واصبحت انا والشوق من شانه اخوان
الخد بدرٍ تالي الليل ضيا=والورد يشحذ شفته حمر الالوان
لا واهني من زار جدة مسيا=ولاواهني من صار للزين عوان
وانسى بقربه كل شيٍ شقيا=ولاهمني لو جى فالاصحاب عدوان
يسريبي الهاجوس غصبٍ عليا=واعزف على شانه من الحاني الوان
واكتب قصيدي فوق نجم الثريا=وانزله للارض واحفظ بديوان
حتى الشعر ياتي لوصفه بهيا=وافي معي لجله وللغير خوان
واليا عصاني غصب عنه إيتهيا=مادامني لاجزل معانيه صوان

[محمد السبيعي]

مافيه عاطف ولا معطوف = ضاعت لغتنا بطاريكم
ماني بدرس اللغة مكلوف =لاصار مافيها اساميكم
إنَ وقاموسها محذوف =والعطف منا ونعطيكم
ياسيــــــد والتعب مخلوف =الله يوفق مساعيكم
ماكل شخصً يجي ملهوف =لا صار مهوب يغليكم
وانا نضمت بغلاك حروف =وعهداً على الدوم يرضيكم
القلب عندك واكيد تشوف =ولو تطلب العين بعطيكم
لاكن روف بمحبك روف =يوم باع غيرك وشاريكم
شف معجبيني بعينك شوف =نسيتهم والأمل فيكم
يالله دخيلك تجينا صدوف =تحرق فؤادي وتشقيكم

[محمد السبيعي]

الدانة الي شوفها يبهر العين=بنت الدلع والغنج بنت النعومة
بين العذاراء صنفت شيخة الزين=واللي ينافسها تضييع علومه
يافاتنه مجنونكم حبكم لين=ماباقي الا انه يشقق هدومه
واعذر بكل البيض مايعجبه زين=يامنوته ياغايته ياحلومه
والله ما حطيت في حبكم دين=من بنك قلبي دافعٍ لك رسومه
وعهداً قطعته ماتضامين بعدين=والعهد لو موفيت وشهو لزومه
اموثقه توثيق حكم السلاطين=الي بتوثيقه تسود الحكومه
والي بقلبي مختفي له تعرفين =من يوم صرتي له سماه وغيومه
القلب واحد واشتركنا به ثنين=والله يعين القلب ماكثر همومه
والمشكلة طال انتظاري لها سنين=واللي يلوم العاشق الله يلومه
مع كل يوم اقول يالله يامعين=افرج لعبدك ماتهنئ بنومه
وقمت اتبع الأمال مدري على وين=وشفت الأمل ليلٍ تساقط نجومه

[محمد السبيعي]

يازين لا تاخذك الايام وتغيب=الوقت كم فرق حبيب وحبيبه
الوقت مايرحم ولا يريد ترحيب = ضيفاً ثقيل وكل شيٍ يجيبه
اخذت من غيري دروس وتجاريب = وعرفت سهله دوم يظهر صعيبه
واليوم لا تطول ترا في الجفاء عيب = لاصرت متعافي ولابه مصيبه
ترا التغلي عذب الحال تعذيب=وانا اشوفك راضٍ بتعذيبه
وأن كان قصدك تجرب القلب تجريب=لا تجربه دنياي بعدك كئيبه
اما تجي وجروح قلبي بك طيب = ولا علاجي صعبً القاء طبيبه

[محمد السبيعي]

ياصاحبي وش بلاك تغير المله=مكان طبعك جفاي وكثرت احزاني
الناس تطلب من الله غفرت الزله=وتطلب ثوابه وترجي منه الاحساني
وانته تكابر وتعلن قولتك لله=وليانصحتك رفضت وقلت غلطاني
محب اكثر جدالي معك لا والله =مدامني في نظرك اصبحت انا الجاني
مدام سلم الهوى مادلك بدله=لا تعتلي بالشجر وتميل الاغصاني
لابد يومً تعرف الدرب وتدله=وتقول كثرت غروري وين وداني
خلك على فطرتك تسلم من العله=لاتصير يومٍ لطيف ويوم شيطاني
ولاني بجابرك بالرفقه على الذله=اما تجيني رضئ ولا بتنساني

[محمد السبيعي]

مدامنـي اكتـب ولا فيـة تنديـد=من حقي اوصف حسنك الي كسبتي
الاسم هبـة والوصايـف تفاريـد=والكون كلة في جمالـك سحرتـي
وهذا ظلام الليل ياخذ مـن الجيـد=اليا نزل لردف وانتـي استقمتـي
وشعاع نور البدر من وجهك أيزيد=يالي بنورك ذا الكواكـب حرقتـي
واليا نضرت الصدر وشفت التناهيد=سبحان من صور جمـالاً ملكتـي
تفوق في حسنك نجـاح المساعيـد=وبعذوبتك كـل الخلايـق فتنتـي
وإذا نويت أوصفك من دون تمجيد=أنتي خلقك الـرب فتنـه وكنتـي
وأنا أسيـرك والليالـي شواهيـد=وما يوم عن بالي نسيتك وغبتـي

[محمد السبيعي]

ياما عطيتك حب محـداً عطاكيـه=وياما زعل مني كثيرين لرضـاك
وياما سهرت الليل وانتي رقدتيـه=وياما فرح قلبي لطيفك وطريـاك
وصار الجزاء الهاتف بوقتي قفلتية=وش عاد برجي دام هذاي سواياك
قلب الوفاء وشبك بلحظة طعنتيـة=والشك والغيرة علـى ويـن وداك
وشلون ماضينا بسرعة نسيتيـة=وشهو جوابك عند طيفي ليا جاك
لا لاتقول انساء وقلبـي ملكتيـة=يصعب علي انساء ملامح محيـاك
لان السبب حباً بقلبـي زرعتيـة=وزان الحصاد ويحتري قطف يمناك
واليوم راجع في حساباً حسبتيـة=واذكر وراك الي على النفس بداك
واحذر يغرك كـل شيـاً سمعتيـة=ماكل من زارك من الضيم يرعـاك
انا الوفاء باقـي بقلبـاً كسبتيـة=ولولاك عاف الحب والناس لولاك

[محمد السبيعي]

اشتقتلك والي خلق حـب وفـراق=اشتقتلك شوقـاً يفـوق الجنونـي
اشتقتلـك اعـداد مـالاح بــراق=واعداد ماتسكب مطرهـا المزونـي
ولاحداً بلايمني ليا صرت مشتـاق=ولاصرت في زينك تفوق الضنوني
واليوم انـا سلمتلـك كـل الاوراق=وحطيت في وصفك قصيد ولحوني
ولاصار قلبي وماحوت كل الاعماق=صار بيمينك وانت وحـدك تمونـي
ياسيدي للقلـب لاتصيـر سـراق=انا اعرف انـك للامانـه تصونـي
وان كان خنت العهد واصبحت بواق=اعرف تراء قلبك معايـا واخونـي
لاكن نصيحه نتفق قبـل الاشـراق=قـدام لاتكثـر علينـا العيـونـي
ونكتب لنا في صفحة الحب ميثـاق=ونحـط عنوانـه لحـد الكفونـي

[محمد السبيعي]

ياكثر لامن شفـت الانـذال صديـت=مالـي برفقتهـم عساهـم بعيديـن
ولاني بحب الهيس ولـد الخراتيـت=حتيش لـو يملـك قصوروملاييـن
ولاني بقول القول من دون تثبيـت=رجلاً مجرب واعرف الشين والزيـن
اشفق على رفقت هل الطيب والصيت=ولا الردي جعلة وراء دولة الصيـن
ماني بـدور مـن وراهـم تفاتيـت=ولا اتمصلح مثـل نـاسٍ ملاعيـن
من خلقتي مبديـت لنـاس مبديـت=اعز نفسي مانتضر فزعـت معيـن
رزق البشر مضمون من والي البيت=والناس لو تعطي تبـي ردة الديـن
اشوف لي ناسٍ رخـوم وسرابيـت=باموالهم صارو ملـوك وسلاطيـن
واشوف من يفتح لضيفانـة البيـت=بسباب فقرة صار ينعـت بمسكيـن
دنياً تغير بيـن مبخـوت وبخيـت=وصارت ثعالبها تفـوق السراحيـن
والمعذرة ان كان بالوصف موفيـت=ماكل من يرمي يصيـب النياشيـن

[محمد السبيعي]

فعلاً تغيرتي وصـارت حياتـك غيـر=وعلي تكبرتي وين انت رايـح ويـن
ذاك العهد خنتي وش صار من تقصير=وحبي تجاهلتـي غـروك يامسكيـن
قستي وقدرتـي واخطيتـي التقديـر=وادري توهقتي وحظك وفالـك شيـن
واليوم لو فقتي لا ترسلـي التبريـر=حضرتي او غبتي معاد لـي تطريـن
مدام كذا صرتي غـدراً بـلا تفسيـر=انساك لو كنتي فتنـه وزينـك زيـن
ولو كان تعذرتي وقلتي خطاء مايصير=واسف ولو قلتي نذراً علـي تبطيـن
رحتي وريحتي قلبـاً معـاك يسيـر=ومن يوم فارقتي وانا قريـر العيـن

[محمد السبيعي]

احب فيك الحب ألا اشبعه شبع=يانجم يالي في سماي متعلي
الله خلق ذا الكون كله على سبع = وانا انخلق حبي بلقاي ومحلي
يكفيني اسمك طابعه بالحشاء طبع =يامن ملاء عيني وروحي وكلي
يامن ملكني وصار شوفه من الربع =يامن فتني وصرت باسمه اهلي
يالي غلاها صب في خافقي نبع=نبع الوفاء مهوب نبع التسلي
الشاهد الله في غلاك اتبعك تبع=لعلي اظهر في محيطك لعلي
غرقت في حبك وضاقت بي السبع=والكون كله ضاقبي واعتذرلي

[محمد السبيعي]

يالله ياعـالـم بـكـل السـريـرة=ياواحـداً ترجيـة كـل الماخاليـق
يافارجـاً ليـوب عقـب تعسيـرة=ومنقذاً ذا النون بعد المغاريـق
انـك توفقنـي دروب المسـيـرة=وتزيدني من نور فضلـك تباريـق
وتفرج هموماً وسط قلبـي كثيـرة=تزايدت مابيـن غربـاً وتشريـق
نامت عيون الناس وعيني سهيـرة=وتساوت الاوقات من دون تفريـق
واخذت انا اسئل كل شخصً واشيرة=لعلـي اجدلـي رجـالاً مطالـيـق
قالـو بلنـدن مابـة الا تغبـيـرة=وهمك يزيد وفرجت الصدر بتضيق
لاكن خذلك كـاس وسكـي وبيـرة=وقسم نهارك بين رقصاً وتصفيـق
وشوف البنات الشقر في كل ديـرة=تلقا معاهـن كـل حـبً وتشويـق
قلت العفو مافيكـم اريـاً يسيـرة=ضعتـو وضيعتـو دروب التوافيـق
ماني بمن يمشـي دروبـاً حقيـرة=ولاني بخبـلاً عايشـاً بالتصافيـق
اخذ من الحكمـة بـراي وبصيـرة=واترك كلام ملفق الهـرج تلفيـق
وصلاة ربـي عـد ميـلاً نسيـرة=على نبيـاً طبـق الحـق تطبيـق

[محمد السبيعي]

هات القلم ولا بقوم وآجيبه=بكتب قصيدة قافيه اسمها ريب
نويتها وماهي عليه غريبه=اجيدها وليه معاها تجاريب
والقاف لو يصعب عليك تعريبه=اعربه لو ما وجدله تعاريب
واذا صعب تاصل مداه وتصيبه=خله على الي مايبي له تداريب
والله وانا اخو نوره اني لاجيبه=ويبطي ما يلقى معذربي به عذاريب
اذا بغيته في الغزل والحبيبه=ولا بغيته في الهجاء والتحاريب
ولا بغيته في الزمن وتعذيبه=ولا بغيته بين بُعد وتقاريب
والدين ما ننساء جزاء ونصيبه=مافيه لا لومٍ ولابه تثاريب
وحق الوطن حنا ذراه وطبيبه=لا ولعة مابين شرق وتغاريب
وختمتها من بن فكري وطيبه=ماني بدور في الدلال المصاريب

[محمد السبيعي]

محمد السبيعي سرى في وادي
.............وادي غرام العشق يقطف عشبه
فيه الزهر يشفي غليل فوادي
................وفيه الغزال إلي تسبح ربه
يوم شافني فز وعلي ينادي
.............زعلان وقتي ما عرفت احسبه
وشلون متأخر على ميعادي
................وإهمالي لميعادنا ما حبه
ضميتها مبي تزيد عنادي
..........و من ريقها حلو العسل أرغبه
اشر على صدره وأنا ورادي
...........ولا كل من ورده يبي يكسبه
بين النهود يفوح عطر وكادي
...........كوكو شانيل من بينهم يسكبه
و بخصرها ماشفت شيً عادي
...............عودة لياناً والهوى يلعبه
جمر العشق من بيننا وقادي
.............واثر الجمر أنا سبايب شبه
قالت ترفق لا تصير مفادي
..............ماتشوف حلو ارياقنا منصبه
بعد الهناء قلنا اللقاء ينعادي
...........والموعد القادم عسى نسعدبه
من بعدها غادرت ذاك الوادي
..............وادي الغرام ألي أسرني حبه

[محمد السبيعي]

دامه مع الذكرى يبي ينزف الجرح=ابعد وذكراك القديمه ما بيها
ما جيت ادور تعطي لصدتك شرح=جيت اقطع حبال الوصل وافهميها
انتي جمعتي صح وأخطيتي الطرح =وأنا ضربت ولا قسمت أحتريها
انتي غرورك سارحٍ بالخطاء سرح =وأنا الكرامه مكسبي واشتريها
يالي بنيتي بقمة الذل لك صرح =انا المراجل لو تطول اعتليها
واليوم اسمك سبب لمهجتي قرح=وعلاجها فرقاك يا مبتليها

[محمد السبيعي]

حاولت الخص وشهي ابرز وصوفك=ولقيت كل الزين لك ستر وحجاب
الورد ياخذ رقته من خدودك =وحلو العسل لمر من شفتك ذاب
وحجاج كمل بالمزايا عيونك=وعيون فتنة ما تجمل بالأهداب
والتين يأخذ زمته من نهودك=شيً يفوق الوصف ويثير الإعجاب
وخصراً نحيل وينثني في ميولك=ما دنسوه إلي يسمون الأصحاب
وردفاً سرح بالعقل لاقصى حدودك =لو شافه الكافر ذكر ربه وتاب
عذروبك أن الدين اكبر عيوبك=يوم أن غيرك بدل الدين بتراب
وأنا أسيرك محكمتني قيودك=من وين ما سجيت معك الهوى طاب

[محمد السبيعي]

انا الغريب الي قطع عدت اميال.=اسعى وراء رزقً عسى الله يجيبه
وانا الذي مشكي من الدهر لامال.=اصبر على يسر الزمان وصعيبه
وانا الذي مشفق على رفق الانذال.=ارافق الي بالقاء ينبديبه
ويا ناشداً عن وضعنا كيف الاحوال.=ابشرك اطول مابغى واجيبه
وابين في الشدات مهاب الاهوال=وابعد عن دروب الرخوم المريبه
واغيض عدواني بماطول وانال=ورثاً ورثته ماكسبته غريبه
وصلاة ربي عد ما هل همال=على رسولاً كلنا نقتديبه

[محمد السبيعي]

ياما على شانه سهرت اسود الليل=وياما تذكرتـه وهـو مادريبـي
وياما عطيته حب من دون تقليل=وياما سهل لجله محال وصعيبي
واليوم فاق القلب من بعد تضليل=وعرفت منهو بالشدايـد حبيبـي
روحي بدربك دام صارت تساهيل=وانا بروح ومنك فات النصيبـي
ولانتنظرني في الليـال المقابيـل=النفس طابت لو تحضر وتغيبـي
الان بان الفجر يانجمـة سهيـل=وشعاع نورك مقتفيـه المغيبـي
مليت من حباً قليـل المحاصيـل=حباً لمثلك صـار شيـاً معيبـي
انا بطيبي نلت كـل المواصيـل=وانتي غرورك مستمر ما يطيبـي

[محمد السبيعي]

الله يبدل حــالة الضيـــق بأحــوال=ويعــدل أوضـاع علـى مرهـا منـت
مغـــير بـرد وليـل وأحلـوم وأمــال=وأنا اردد ليـــت مـا كــانت وكــنت
من ثقلهــا تقـــول متحمـــل جبـال=حملٍ أطيقه وحمل من ثقله أذعنت
وحمولها لو هي علـى كتفـي ثقـال=أنا لهـا مـا قـول يافــلان وين أنت
لو أنهــا مـرت على غيري رجــال=بـانت خفــايـاهم وأنــا مــا تبـينت
أخفيت همـــي عن منـافــق وعذال=ناسٍ تدور لشمــاتـــة علــى سنـت
أهــل الوجيــه الشهب نقالـة القال=إلـــي تتـبــع زلتــك ويـن مــا بنت
يبطون ما يلقون فـي ســيرتي فال=أســدهـــا بـوجيهــم مــا تهـــاونت
وأوجــه أماـلي على خــالـق الحال=الي بكلمــة كــن بفضلــه تكــونت

[محمد السبيعي]

ياما حلاة الليل لأصرت وياك =حتى ولو كنا على شاشة الكام
وشلون لو كملت حلمي بلقياك =وأصبحت حضي واهتني فيك وأنام
الله لايقطع رجاء من ترجاك =ألي لشوفك عذبة عد الأيام
لأتقول ناسيني وأنا كلي أهواك =حرام تظلمني وأنا كلي هيام
أنسى جميع الناس ولا أنت مانساك=يفدك جمساً ناحلاً كله اعضام
أنا وحيد الحب لايمكن اجفاك =لو كان كل الناس صاروا لك أخصام
يكفيك حبي مزعل الناس لرضاك =وما همني لو لامني فيك لوام
والله ثم والله لولاك لولاك =ماغوص بحر الحب غاطس وعوام
وان كان حظي خانني وابعد خطاك=يكفيك شوقي ياصلك عبر الأحلام
وأنا الذي ماشوف بالناس شرواك=في وصف حسنك ينتهي حبر الأقلام
لحظة حبيبي انتظر صرت وياك=نبغى نسولف افتحي شاشة الكام

[محمد السبيعي]

يا ناشدً عن ظروفي ويش مشغلني=لا ترفع الضغط و الاخلاق خربانه
العام ادوج ولآبه شي يشغلني=واليوم صمت الملل بهد جدرانه
يامشغل القلب كثر الشوق غربلني=واكبر دليلي قصيدي فيك والحانه
والمشكلة كثر ما انا أفهمك تجهلني= اتعبتني والمشاعر فيك ولهانه
كم قلت لك اترك الهجران وأوصلني =لا تقطع الوصل دام الروح شفقانه
كثر التغلي وزود البعد يقتلني=لأصرت فاقد وصل والعين سهرانه
وانته عن الحب والإحساس تسألني=ما كنك الي سكن قلبي وشريانه
واليوم وصلت معاد اتفيدك امهلني=والحب من صوبكم قفلت بيبانه

[محمد السبيعي]

ياما شكينا الــهـم حتــى تعبنا
وياما سهرنا الليل والناس نيام
وياما على الخدين دمعاً سكبنا
وياما تعبنا فـي رجى عـد الايام
سلط على الفرقـاء وحظـاً نكبنا
وسلط على قلبٍ غدا كله اهيام
صارت ظروف الوقت دوم اتغلبنا
ومشاعرٍ بالوصل ما تفطر صيام
وعزومنا لمقاومـــه ما تــخدمنا
الا أن رب الكـون يكتـب لنا قـيام

[محمد السبيعي]

ياهيه خلك صافي(ن) في نواياك
.....................تكسب رضــاء ربـك وهــــذا منانـا
مـابيـن ..هـذا ..وهـذا ..وهـذاك
.....................ضاعت حـلول ألمشكله في قضـانا
ما كل من يضحك معك يطلب رضاك
.....................بعض البشر اكـــبر طموحـه عنــانا
وأن كان سر علومنا وصلت أعداك
.....................كثرت طيور ألحوم في أعـلا سمـانا
لا تصير ثرثارٍ بما تخفي أحشاك
.....................اكتـم علــى ســــرك تعيـــش بأمـانا
وكلمة ثقة لا تصير هي دوم مبدأك
.....................بعض الثقة تجلب عليـك ألهــــوانا
كم واحدً ياخذ علومك وعداك
.....................قانونهــم ما وصـــل منــه كفـــــانا
والي مقابل ما حصل منك اعطاك
.....................لا تقول طيب من حــــلاله عطـــانا
سلعه شراها منك بالمال واغواك
.....................وبنار غــــدرة اشتـــواك وكــــوانا
هذي نصيحة صادق الود وعفاك
.....................من بعدهــا لا تقـول صـــد ونســـانا
وأن كان منت مغيراً في نواياك
.....................خــلك بعيــد ولا تقـــــرب حمـــانــا

[محمد السبيعي]

تقول احب القصيد وفيه مفتونه=وانا احبه واعدل مايل اوزانه
واليادعاني حنين الشوق للحونه=ابدعت في نظمة وبنيت قيفانه
واحفظ بيوته عن النقاد واصونه=ماني بحط بهيال الجرف سيسانه
اثبته ما يجي ميلات بركونه=واخلى نفوس من تقراه طربانه
انا وفيه ولا يمكن لي اخونه=وانا له الحاكم المطلق وسلطانه
وانا له العاشق المخلص ومجنونه=من يوم جيته وانا شيخه وسلطانه
ارتبه مايجيب الهزل مضمونه=وعن الرذيله مقفل دوم بيبانه

[محمد السبيعي]

ياسيدي ما قلتلي وش لونك=
ماتعرف اني ميتً من دونك=
واجمل من لحون الحمام لحونك=
الله يكتب في الحياه امالي =
واسعد ليامني نظرت عيونك =
واقول عونك ياحبيبي عونك =
من يوم صار معرفي مجنونك=
بعيش وافنى وانت عندي غالي=
لاكن لا تخلف معاي ضنونك =
صون الغلاء وانا بعد بصونك =
مادامني بين البشر مضنونك =
لا تزيد في همي ولا غربالي =
ويحرم علي اموت انا ما خونك=
واعيش معجب في حلاك ولونك
ومحمد اسمي اكتبه مفتونك =
واضع على جدول رضاك اعمالي =
تدرين وشهي ميزتك وفنونك =
ماني بقايل في الوجه يفدونك=
ولاني بشايل هم ماحبونك =
صحيح واجد وانت قدرك عالي=
فيك الادب والدين لو يشنونك=
وفيك الغلاء الي معذبً مسجونك=
وفيك الجمال وماحلاها حسونك=
ياسيدي. ما.فيك.. شيً .. بالي =
من بعد ذا لاتقول لا يغونك =
والي هدفهم بان لا يهمونك =
ماهمني لو دوم ما يبغنونك=
تبقى عزيز ومشغللي بالي=

[محمد السبيعي]

ياخوي الغربة الحظ ابتعد=بين هم وبين غربة واشتياق
واهني منهو على الممشى استعد=من دياراً مابها غير النفاق
الوعد قدام واعطيك الوعد=لادنى وقت الموادع والفراق
والله انه عندي احلا الرعد=وابرك الساعات والذ افتراق
ديرةً ياخوك مافيها سعد=كلها نكبات واحيان اختناق
لاتقول الحظ قايم ماقعد=وانت شايف صرت اسوقه مايساق
متعبً حالي ومشتقيني بعد=والصبر مفتاح والدنياء وفاق

[محمد السبيعي]

عذبتني ارجوك خفف عذابي=مهوب حق الي تسوي بمغليك
يكثر ما شرعت للوصل بابي =ويكثر ما صديت عني وانا ادعيك
وارسلت لك مليون مرة خطابي =وشرحت لك ماقفيت جافي وناسيك
وبينتك لك وين الخطاء والصوابي=مبيك تسمع هرجة الغير تشقيك
بينت لك ماخفيت عنك جوابي=واقبلت لك مخلص ووافي وشاريك
لاتقول كل احلامنا ذي سرابي=المشكلة مفتاحها بين اياديك
لا تسمع العذال لحظة غيابي=الي سوالفهم عن الحق تعميك

[محمد السبيعي]

ضاق صدري بين هم وبين هامه=هم غربة وهامة المجد اعتليها
وارتكيت إلها على ركبة وقامه=والمراجل لو تبيع نشتريها
الضعافه للرجل نقص ورخامه=والكفؤ كلمة وكلاً يهتويها
والرجال الها مواقف واحتدامه=والصعاب تهون للي يشتهيها
والردي لو تدفعه يم الشهامه=ولو تسوقه للمراجل مايجيها
دافنً راسه مثل راس النعامه=وينتظر وش مدة الناس بيديها
قلتها وانا لها فخر ووسامه=الجزيله فعلتي وأنا اهتويها
دامي هليمي من سبيع الكرامه=عزوةً فعل المفاخر محتويها
اركدوا مافيه عدل بلا استقامه= والعلوم أن طولت ينلد فيها
يالله أني طالبك طلبت سلامه=توفق النفس الشقيه وتهديها

[رقة احساس]

سلمت على روعه طرحك
نترقب المزيد من جديدك الرائع
دمت ودام لنا روعه مواضيعك

لكـ خالص احترامي

[ريهام عيد]

حلوه كتير موفق