ديٌوآٌنَ مُعَتكٌفٌ ذِكَرُىٌ [الأرشيف] - منتديات مشاعرهم الادبية

ذكرى الغالي

03-30-2013, 06:21 AM

بعـتـذر للشعر كتاب ورواه=من زلل حرفي ومن قولٍ هزيل
مَاتَجِد من حزم بعض إللي تراه=وماترى فيني سوى خلقٍ جميل
كل طيبٍ ماخذٍ مني حلاه=والردي ماله على مثلي سبيل
يامغلِّب حالك آرجو الإنتباه=إحسب حسابك ترى باعي طويل
هيه يا غادي ترى للناس جاه=لا تخادعني تقول إنك زميل
كل عاقل له بهالدنيا كماه=والذي ماله عقل ماله خليل
جيت لجل الشعر ما قصدي سواه=لو تبي غيره بتلقالك بديل
إنطلق في جو من مثلك غواه=ناس لو تسمع صدا الورقا تميل
لا توهم بي ترى خلفي دهاه=هم هل الصولات والسيف الصقيل
لو وصل شعري لعالي مستواه=مايغر المدح ذي الخلق الأصيل
زايد إعجابك بحرفي وش وراه=ما كتبته للرسايل والطبيل
آه من جهال هذا الوقت آه=مستحيل أرخي جناحي مستحيل
شاعرٍ كالنجم عالي في سماه=شامخٍ ماله على الساحه مثيل
وشاعرٍ خلف الحروف السود تاه=والقصد واضح ولايبغى دليل
http://kll2.com/upfiles/yYh34462.jpg (http://kll2.com/)

ذكرى الغالي

03-30-2013, 09:35 AM

http://kll2.com/upfiles/56z04233.gif (http://kll2.com/)

ودي اقول الحكاية

الحكايهجرح ضعفو
جرح قوه

http://kll2.com/upfiles/oLA35776.gif (http://kll2.com/)

قوتي ميزه وضعفي روعتي=وإن لحقني نقص لله الكمال
استمد من طيب اصلي عزتي=نايفه عالي شموخي كالجبال
إن عشق قلبي صدق بمحبتي=وإن عشيري مال عنه القلب مال
لا إنكسرله لا ولا احني قامتي=عيبٍ اخضع له وأنا بنت الرجال
غصب ادآري عن عيونه عبرتي=مابي يلمح دموعي بأي حال
وإن نزل دمعي وبل مخدتي=مابقى فيني على الظلم إحتمال
خان ماقدر عطاي وعشرتي=ماحفظ عهدي قطع حبل الوصال
كنت اظن عنده هناي وراحتي=وآثري أطرد لي سراب في خيال
كم تسبب في العذاب ولوعتي=كم تمادى في خطاه ولا يزال
آآه ياكثر الطعون وحسرتي=ماترك للود في قلبي مجال
احمد الله ماخسرت بدنيتي=كان ماني ربح ماهو رأس مال

كل جرح وكل فرح في نظـرعــيني تشــوّه

ذكرى الغالي

03-30-2013, 11:34 AM

مهما تغيب وتلتزم هيبة الصمت=يبقى غرامك داخل القلب ثابت
ياللي بعد وصلك وصدك تعلمت=إن الزهر من بين الاشواك نابت
يصرخ شعوري داخلي ماتكلمت=قلي إذا نفسك من الحب طابت
يانادرٍ بين البشر ما توهمت=إن الذكا في فطنتك لو تغابت
أقسمت لك ياروح واقسمت واقسمت=إن الوفا فيني لو الروح ذابت
يا شاعرٍ يزهابه الطيب والسمت=يضوي حضوره لو ضياالشمس غابت
عجل بوصلك يالغلا لو تكرمت=ترى عيوني عقب ماغبت شابت

http://im13.gulfup.com/2012-08-11/1344704889793.jpg (http://www.gulfup.com/show/Xs6yimne3cggco)

ذكرى الغالي

03-30-2013, 12:37 PM

http://kll2.com/upfiles/psy10602.gif (http://kll2.com/)

صباح الحب ياغالي صباح الخافق المنصاب=صباحي ليل من دونك وزود الشوق مضنيني
صباح الشوق ياأقرب لعيني من جفن لاهداب=صباح الخير ياعمري عساك ترقّ وتليني
تهيضت وسرى ليلي إلى من البدر قد غاب=تراك إنت الوحيد إللي غيابه حيل يشقيني
تعبت اصبر أشواقي وقلبي والصبر غلاب=كأن الشوق في صدري لهيب ونار تكويني
أنا إلى من لفى طيفك افز من الوله عالباب=واضمه حيل لأحضاني واحس إنك تحاكيني
غريبه دنيتي دونك أحس إن القراب أجناب=أحس كل القلوب إللي حوتني ماتكفيني
ترى والله لوتأمر على عمري فداك رقاب=عليم الله في صدقي تدلل يانظر عيني

ذكرى الغالي

03-30-2013, 07:22 PM

http://kll2.com/upfiles/Qwu58315.jpg (http://kll2.com/)

يِحاسِبني على الزله ولاحد منها معصوم=يخالف كل اطباعي يعاندني بِأحكامه
احس إنه مِجافيني بنظراته عتاب ولوم=ويتحاشى يحاكيني كأنه يعلن خصامه
غلاي ودنيتي..ناسي..نصيبي حظي المقسوم=كسرني صمته القاسي وحزنٍ بالحشا ضامه
غريبه ماهي اطباعه حبيبي محتويني دوم=علامه مايصارحني عن إللي كدر أيامه..؟؟
ولو كان الخطا مني يظل قدر الغلا محشوم=يِجّله كل مافيني..واعز النفس بِإكرامه
أنا غير البدر مالي ولا يحجب سماي غيوم=اببقى له ويبقى لي رفيق الليل واحلامه
ذبحني مّر إحساسي يبي يفصح عن المكتوم=يهيض قلبه الناسي ويطلق باقي سهامه
رجيته لايِعنيني يزود عالهموم هموم=عصاني راح يشقيني حكم عالقلب بِإعدامه
ياويلي مابقى فيني من اللوعه صبر وعزوم=جفا حلو الكرى عيني يمر الليل مانامه
على شان السنين إللي تِقاسمنا لذيذ النوم=تحاشى الشك ياخلي يفرقنا بِأوهامه
ولاتغويك نزعاتك تجنب دعوة المظلوم=وحاسب نفسك وذاتك وعيش بنفس لوامه

ذكرى الغالي

03-31-2013, 02:00 AM

http://kll2.com/upfiles/ukd32959.png (http://kll2.com/)جيت اخاطب بالشعر فكر المحايد=جيت آوضح مقصدي ماهي جزاعه
مايغير منهجي أهل المكايد=ماتهز الريح شامخ بإرتفاعه
الحياء مبداي والمرقى سنايد=والمعاني جت من آفكاري شجاعه
من بحورالعشق لا صغت الفرايد=لا تظنون الشعر عندي صناعه
عشت حلو الحب نيران ووقايد=ذقت مر الشوق حالي وبقناعه
ياكثير الهرج ياشين العوايد=خل عنك الهدر واسلوب المياعه
المشاعر والهوى ماهي نقايد=والقلوب الصادقه ماهي بضاعه
مانظمت القاف أنا لجل الفوايد=ماشكيت الوجد في رجوى شفاعه
هذا حال الحب في كل العقايد=وآآ عنا قلب المفارق وآآ ضياعه
صادق إحساسي وصغته بالقصايد=شاعرة وأعرف حدودي ياجماعه
http://kll2.com/upfiles/AgJ32959.png (http://kll2.com/)

ذكرى الغالي

03-31-2013, 03:10 AM

http://im39.gulfup.com/w3jK7.jpg (http://www.gulfup.com/?fSgC8C)

يامن ملك قـلــبــي وله هيبــة مــلك
حــاولت ابعــد .. بــــس قـربني غلاك

يـحــتاج لي قلبــك وأنا احــتـــاجلك
تـركـت لــي بعـضـك وأنا كلي معاك

لو مانت مـن ربعـي ولانـي مـن هلـك
لكن دمّي .. بـــه خـلايا من دماك

فـي وســــط قـلبي لو تهاجر منزلك
ماينقـفــل شـــباك شـــوقه فـي رجاك

يانجــم ساري فـي مـــدارات وفــلك
الارض ارضــك والسما تبقى سماك

تضوي حياتي طـلتك واتخيلك
يإللي تداوي علتــي بسمــة شــفاك

لله درك كـــيف تقــــــدر تمـتلك
قلبـي الـذي مايملـكـه شـخـص ســواك

ابحرت بإحساسي وقصدي يوصلك
واناغــم آنـفـاســي مـع نـســمــة هواك

ياما تمنيـتــك وكـم جـــيت اسـألك
عن سّر أحزآني بــعــد نــشــوة لــقـــاك

الــين قـلـبي مـــــن عــنا هجرك هِلك
لا ارتـاح فــي بـعـدك ولا ذآب بـدفـاك

ذكرى الغالي

03-31-2013, 09:54 PM

http://farm4.static.flickr.com/3144/2294322362_b03759de59.jpg

هديت الحب لك ورده عساها توصلك مني
عسى قلبك على وده ويسقيها عسل صافي

غلاتي صدق حبيتك وظلم الهجر عذبني
بِلهفة حب ناجيتك جبرني قلبي الوافي

تبعثرني سواليفك وأحضانك تلملمني
وأناجي بالخفا طيفك وطبعك للأسف جافي

آبي تلمس دفا شوقي وإحساسك يلامسني
وحس النبض بعروقي ينبْه قلبك الغافي

تلاشت كل طموحاتي وقل الوصل روعني
وتاهت كل خطواتي بهدر وكذب عرافي

هل إحساسي على بالك ترى إحساسك مصاحبني
حبيبي القلب مايحمل لك الا شوقي الدافي

أنا من دنيتي حسبي تردك لي وتنصفني
حلو وصلك بقلبي له مرابيع ومصيافي

آلا ياوردةً فاحت عبيرً حيل يسحرني
سنين العمر لو راحت يبقى عطرها ضافي

ذكرى الغالي

04-02-2013, 06:59 PM

http://www.gamr15.org/up/upfiles/P1P14146.png (http://www.alshmo5.com/vb/redirector.php?url=http%3A%2F%2Fwww.gamr15.org%2Fu p%2F)مارجـيـت مــن الـدخـيـل المنـفـعـه=وماهقيـت الضـيـم بيـديـن العشـيـر
ماشكيـت مــن الطـعـون الموجـعـه=وماقويت اصبر على موت الضمير
بــس قلـبـي لا طــرآ مــن ضـيـعـه=قـلـت يادنيا..الـنـدم مـافـيـه خـيــر
كــم سقيـتـه حــب صـافـي منـبـعـه=وإمتلـك هالقلـب وأصبـح لـه أسيـر
جــوع قلـبـه مــن حنـانـي اشـبـعـه=وجبـر كسـري فـي حساباتـه كثـيـر
لويبـي عمـري آجـي رهـن إصبعـه=ولو يناديني علـى الرمضـاء اسيـر
إن طلبـت رضـاه شِ إلـلـي يقنـعـه=كـــل مـاقـدمـت بعـيـونـه صـغـيـر
الـوفـا عـنـده غـصـون مـزعـزعـه=كـــل مـاهـبـت يفـرقـنـا الـمـصـيـر
كــــل مـايـلـمـح ســــراب يـتـبـعـه=وآعــذابــي دآم خـفـاقــه ضــريــر
سـهــم ظـلـمـه والـشـقـا مـايـدفـعـه=غـيـر ربٍ عـالـم الغـيـب وبصـيـر
ضيـق وصـلـه يوم..وفـراقـه سـعـه=سهل ظلمـه لي..وفـي عدلـه عسيـر
الاســـى مـــدري مـتــى بــأودعــه=يالله الجـألـك..وبـك دوم استـجـيـر

http://www.gamr15.org/up/upfiles/P1P14146.png (http://www.alshmo5.com/vb/redirector.php?url=http%3A%2F%2Fwww.gamr15.org%2Fu p%2F)

ذكرى الغالي

04-03-2013, 01:22 PM

http://kll2.com/upfiles/7N129667.gif (http://www.alshmo5.com/vb/redirector.php?url=http%3A%2F%2Fkll2.com%2F)

إنت الملك والكل من حولك جنود=وحبك بقلبي يالغلا ماتجهله
حكمت قلبي مثل حكم آل اسعود=غيرك يموووت ولاوصل هالمنزله

http://kll2.com/upfiles/xJg15618.gif (http://kll2.com/)
http://kll2.com/upfiles/xJg15618.gif (http://kll2.com/)

أنا ياساكنً قلبي آبيك وماقويت فراق=((عزاي بغيبتك صوره)) اناظرها تسليني
لك الله ضقت من نفسي وهالعالم بعيني ضاق=دخيلك لاتزيد القلب لوعاته تكفيني
وش إللي تخسره قلي لو إنك ترحم الخفاق=إذا مافيك تنصفني ياليت إنك تحس فيني
أنا مالي وطن غيرك غرامك يسكن الاعماق=احن لشوفتك واوله لحضنك يانظرعيني
وحيد إبغيبتك قلبي جليس الحبر والاوراق=يسامر بالخفا طيفك ويحس إنك تحاكيني
كثير الناس من حولي ولا غيرك بعيني لاق=ياأغلى إنسان يرجح بالمحبه في موازيني
آلا ياأغلى هدايا الكون بعدك يدمي الأحداق=عسى الله لايبارك في فراق حيل مشقيني

http://kll2.com/upfiles/ijM29667.gif (http://www.alshmo5.com/vb/redirector.php?url=http%3A%2F%2Fkll2.com%2F)

وبالنهايه لا تحاتي=تبقى في عمري وذآتي
أحلى إسم وأغلى كلمه=إنطقت فيهاااا شفاتي

ذكرى الغالي

04-03-2013, 11:46 PM

http://kll2.com/upfiles/usf65134.jpg (http://kll2.com/)يموت الحب والدنيا بلاوي=وغدرٍ يفقد العاقل صوابه

مريض القلب مامنه رجاوي=قضى عمره وهو يطرد سرابه

يكثر من هروجه والدعاوي=حضوره صار سيان وغيابه

حسبته حصن بالشدات ياوي=وآثاري هقوتي راحت طلابه

حسافه عالغدر له قلب قاوي=ياويله وين يهرب من عقابه

وأنا مالي عن الطيبه غناوي=ولو يقسى علي حضرة جنابه

لربي الحمد أجزلي العطاوي=جمال وعقل وأخلاق وذرابه

أصيله بنت أهل جود ونخاوي=ربيت بعز وشموخ ومهابه

ولاخيبت في يوم الهقاوي=ولو مكره علا مكر الذيابه

ذكرى الغالي

04-04-2013, 09:51 PM

http://kll2.com/upfiles/NN591664.png (http://kll2.com/)

أنا ياهم ماشلتك جبرني اليأس والحرمان
كسرني حظي العاثر ظلمني بأول أعوامي

آلا ياهم جاوبني وش آخر رحلة الأحزان
وش آخر قصة أوجاعي وجرحي ونزف الآمي

آحس إللي وسط بحرك غرق ماينفعه إنسان
اصارع عاتي أمواجك واشوف الموت قدامي

تعبت ابحر مع أحزانك واهدي موجك الغضبان
علامك ياحزن واقف مابين الفرح وأيامي

أنا مليت من ظلمك ولاظنك علي شفقان
دخيلك ياحزن إرحل وداوي خافقٍ دامي

وش إللي راح من عمري وش الباقي من السلوان
قضى عمري وأنا مدري اطالع موقع أقدامي

زرعت الفرح بأوهامي صبرت ولانبت أغصان
تعبت انطر أنا الفرحه تعبت أركض ورى أوهامي

ذكرى الغالي

04-05-2013, 07:59 PM

http://kll2.com/upfiles/lMR29787.gif (http://kll2.com/)

قصتي قصه عجيبه تذهل العقل الرزيني=كم لي اكتمها وضاق البال منها يافلانه
صدمتي في الحب طعنه آدمت القلب الحزيني=ياعسى من كان سبة لوعتي يلقى هوانه
فاضت جروح المشاعر والآسى زود آنيني=مادريت إن التنازل يابشر ولّى زمانه
جيت ابي روضة خفوقك بعدما ضاقت بعيني=فاسمعي من بوح قلبي اعترافه بالإدانه
وإقبلي مني اعتذاري إختلط شكي بيقيني=حرت اميز في دروبي إنخدع قلبي بحنانه
العشير إللي تنكر عقب ماضيع سنيني=مارحم حرقة فؤادي ماجبر كسري لعانه
إنحصر فكره بذاته مارحم ضعفي وليني=غرّ قلبي لين سلم له حياته بإمتنانه
خوفي العذال تشمت يظهر الحقد الدفيني=انشديه إن كان مؤمن بالمُهيمن جلّ شانه
ينصر المظلوم مهما طال ليل الظالميني=ليه ماراعى خفوقي ماحفظ عهده وصانه
هان قدره يوم حبه ولغلاه اصبح رهيني=ليه ماحكم ضميره واهو من نفس الديانه
ضحكته باقي صداها وعبق عطر الياسميني=والمكان إللي جمعنا غيبته هزت كيانه
اشهد إنه في فؤادي رآهن ويكسب ضنيني=من يسوي بي سواته لاحشا ماني جبانه
للوفا فيني علامه فارقه بينه وبيني=هذا من طيبي واصلي رغم تهميش الميانه
http://kll2.com/upfiles/lMR29787.gif (http://kll2.com/)

ذكرى الغالي

04-06-2013, 08:21 PM

لا صار كذبك مثل صوت المنابر=والغدر وياالظلم عندك فضيله
إقرأ على الاخلاق عم وغافر=وإعلم بإن مثلك مضيع دليله
ياخاين إحساسك بزيف المشاعر=إبعد عن دروب الهوى لا تجيله
تراك في الدنيا مسافر وعابر=عايش بستر الله وناكر جميله
دور لقلبك قلب للحب ناكر=تضحك معه ساعه وتطلق سبيله
إللي يذل غصبن من أرضه يهاجر=وأقسمت أنا ماأحيا بعمري ذليله
بأرحل من جروحك بعزة وأسافر=والحمد لله لو حظوظي قليله

http://kll2.com/upfiles/qnz79078.png (http://kll2.com/)

ذكرى الغالي

04-08-2013, 01:54 AM

http://kll2.com/upfiles/zEs98963.jpg (http://kll2.com/)
ياقضاة الحرف في شرع الكلام=إنصفوا في حكمكم بنت الرجال
قصتي قد غادرت عشرين عام=ابتداها حب وانهاها خيال
الليالي حالها شرق وشام=والعمر مابين ميلٍ واعتدال
ماعلى شرواي من طبع اللئام=الصبر عندي مثل صبر الجمال
مانظرت لنبش خفاش الظلام=طايحٍ قدره وأنا رمز الكمال
وش اسوي فيه يانسل الكرام=بعد ماني كنت اعده راس مال
والله انه صار في عيني حطام=لعنبو قلبٍ بحبه لا يزال

http://kll2.com/upfiles/Slx85757.jpg (http://kll2.com/)

ذكرى الغالي

04-09-2013, 12:04 AM

http://kll2.com/upfiles/mkD47487.jpg (http://kll2.com/)
ياجروح بالمحاني الدماء منها تسيل=لاتزيدي في عذابي مالك بصدري سعه

آه من هم بلاني واحرق القلب بفتيل=والسبب حاقد أناني ساترته الأقنعه

إرتوى الحب وحناني ثم تنكر للجميل=لاقرابه..لاحميه..لارجوله تمنعه

كنت اظنه عز شأني وافيٍ شهم أصيل=للأسف به خاب ظني وإنكسر قدري معه

كان فيه الله بلاني ألجمه مو مستحيل=ثْم اباشره بخطابي والطمه به واصفعه

روح (يافلان الفلاني) إكتشفت إنك (قليل =الحياء)..إن لم تصونه فأصنع إللي تصنعه

إبعد وفارق زماني لعنبو مثلك خليل=لوتبي ذلي فمالك غير رأسي تقطعه

إنت غصن للخيانه كل ماهبت يميل=دامني حره اصيله جاك ردي وإسمعه

إنت ماتسوى ترابي يالردي فكرك عليل=ماعليه من طعونك طبعك الله يقلعه

في الشوامخ وإنت داني إترك القول الهزيل=جعل يفدا المحصنات آلفين مثلك إمعه

ذكرى الغالي

04-09-2013, 11:34 PM

http://im28.gulfup.com/hLMN8.gifhttp://im28.gulfup.com/hLMN8.gifhttp://im28.gulfup.com/hLMN8.gifhttp://im28.gulfup.com/hLMN8.gifhttp://im28.gulfup.com/hLMN8.gifhttp://im28.gulfup.com/hLMN8.gifhttp://im28.gulfup.com/hLMN8.gifhttp://im28.gulfup.com/hLMN8.gifhttp://im28.gulfup.com/hLMN8.gifhttp://im28.gulfup.com/hLMN8.gifhttp://im28.gulfup.com/hLMN8.gifhttp://im28.gulfup.com/hLMN8.gif

حبيب الروح لو يشفي غليله=ترى مسموح لو روحي نحرها
عطيته قلب و جروحي عليله=سقيته حب ودموعي نثرها
أداري الحزن وهمومي ثقيله=ظلام الليل لدموعي سترها
أحس بغيبته كني قتيله=وحرة صرختي صدري قبرها
ياويله من عذآب الله ياويله=حياتي كم تمادى في قهرها
فؤادي مايخون ابداً خليله=يصون العهد لو خله نكرها
بطبعي بالغلا ماني بخيله=لخلٍ غالي روحي أسرها

ذكرى الغالي

04-10-2013, 10:24 PM

http://kll2.com/upfiles/Iu432499.jpg (http://kll2.com/)

الشعر لوما كتبته بصادق إحساسي هجرني=والله لو للصدق ديرة أنا أول من عنيت
ياقصيد الحب قله غير قيده ماأسرني=غير وصله غير قلبه مارجيت وماهويت
قله طيفه في غيابه بعاطر انفاسه غمرني=مارحمني من عذابي ماعتقني ماهتنيت
إشتكيته لليالي والحنان إللي قصرني=عاشقه والعشق بلوى ليتني به مابتليت
آه لو يدري زماني عن حنيني ماقهرني=قله إني فيه آراهن بالمشاعر مابقيت
لأنه أغلى من عيوني والوحيد إللي قدرني=إمتلك حبه شعوري والغلا له ماحييت
بحفظ بقلبي هيامي للوليف إللي غمرني=للهوى أسمى صفات وللوفا عز وصيت
http://im19.gulfup.com/2012-07-12/1342095949331.jpg (http://www.gulfup.com/show/Xhp27l98gat4)

ذكرى الغالي

04-11-2013, 09:58 PM

http://kll2.com/upfiles/DFC17125.jpg (http://kll2.com/)

يارفيق الليل لامنك قويت=تخلف وعودك فلا تنوي الغدر
طعنة بالظهر منك ماهقيت=ماسمعت بـ لاضرار ولاضرر
لاتقول إنك لهجري مانويت=ليه قلبك صايرن مثل الحجر
ياحلو وصلك ليا منك صفيت=بس قلبي وين يلقالك عذر
بعت عمري لك ومنك ماخذيت=غير هم وويل وصدود وهجر
لو آبي اعشق من أمثالك لقيت=بس مثلي وين تلقالك بشر
دامك إنت إللي تخليت وسليت=رح بدربك والله يحب الستر
احمد المولى بإني مـاابتليت=فيك واتغربلت بك طول العمر

ذكرى الغالي

04-16-2013, 07:18 AM

لايشكر الله من لايشكر الناس
http://kll2.com/upfiles/RdG44601.gif (http://www.alshmo5.com/vb/redirector.php?url=http%3A%2F%2Fkll2.com%2F)

ياقصيدي لانخيتك جُد بأبيات جزيله=وصل إحساسي رجيتك للوفي سمح الخصالي

عجزت حروفي تعبر يوم جيت اشكر جميله=واشهد انه ماتوفيه الدواوين الجزالي

شاعر بوحه بهرني في معانيه الجليله=والذي ينقد قصيده مالقى نقده مجالي

كل خصله في سموه من فضيله في فضيله=بين قومه له مكانه عاليه والصيت عالي

صعب اوصل إمتناني واجزي الطيب بمثيله=وكل طيب ماخذً منه صفاته بالكمالي

في ختام القول عذري كانت ابياتي قليله=والسموحه يافريد القاف ياذرب الفعالي

http://kll2.com/upfiles/RdG44601.gif (http://www.alshmo5.com/vb/redirector.php?url=http%3A%2F%2Fkll2.com%2F)

ذكرى الغالي

04-16-2013, 08:34 AM

رساله حب من قلبي بدمعات الغلا تنساب=لمن هو يستحق مدحي وتزهابه دواويني
حبيبي كل مافيني من اللوعه أحسه ذاب=احن لعطر أنفاسك ولمسة شوق تغويني
فقدتك ياوطن عمري وجرحي بالحشا ماطاب=أبي لآخر نفس فيني آراعيك وتراعيني
أنا مابي سوى قربك يطمن خافقي المرتاب=أحبك لو يروح العمر وإلى من مت ترثيني
أحبك كثر ماصديت عن عيني بدون اسباب=أحبك كثر ماتطري على بالي..وناسيني
أحبك من قدمك لهامتك وأهواك أنا بإعجاب=أحبك من هنا لأبعد مسافات توديني
أحبك واعرف بقدري ولااطمح أنا لالقاب=طموحي إنت وأحلامي لانك مني وفيني
ياعشق ونشوة الذكرى بحق الخالق الوهاب=تفرح قلبي المغرم من اللوعه تداويني
حشالله ياقرم البواسل من نخى ماخاب=نخيتك ياأمل عمري رجيتك لا تخليني

http://www.iraqnaa.com/ico/image/016.gif

ذكرى الغالي

04-17-2013, 11:31 PM

مــد خ ـــل

سامريني ياحروفي
بين صمت و بين بوح
دآم وصـله أمـنية في عـالم الحـلم السعــيد

http://kll2.com/upfiles/cnM12535.gif (http://kll2.com/)

خلني المس وجودك واشعر بعطرك يفوح=ودي اسكن في حدودك وانعم بقربك ياسيد
لاتجاري بالقصايد جاري إحساس جموح=تصبح اشواقك وقايد وهذا هو بيت القصيد
أن كتبت الشعر قصدي يوصلك خافي الجروح=والحنين إللي بقلبي ينعش الحس العنيد
مابتنصفني حروفي ماتكفي لو ابوح=جيت ابوصفلك شعوري ماعرفت اكتب مفيد
ماهويت إلا وصالك مالي بغيرك طموح =ماعنيت إلا لشخصك ماعلي إمن انقيد
إنت مثل الروح عندي بعدك أيامي تروح=كل مافيني يحبك قول واطلب ماتريد
لوتبي عمري فديتك..إمتلك قلب وروح=إنت تآمر ياغلاتي وأنااعطي لك وأزيد

مـ خ ــرج

يامنى العين وضياها وسط قلبي لك صروح
يعلم الله يوم شوفك ياعديل الروحعــيد

ذكرى الغالي

04-19-2013, 01:14 AM

http://kll2.com/upfiles/qON30961.jpg (http://kll2.com/)

آلا ياسلوة الخاطر آبيك اليوم تسمعني=قصيدي إنت به معني وكم سخرت لك قافي
غرامك يادفا بردي لهيبه حيل ذوبني=علامك حلمنا الوردي أحسه غادر لحافي
سواليفك معي نغمه أرددها وتطربني=تزيح القلب عن همه يافايق كل لوصافي
أحس إنك مثل طفل يلاعبني ويعجبني=يعاتبني أنا مهمل وأجي يمه بكل مافي
معاك الحب شي ثاني ونارالشوق تشعلني=بضمك حيل لأحضاني دفاك البلسم الشافي
ترى لو أنت لي شاري توصلني وتفهمني=رغم حبي وإصراري أقول اليوم لك كافي
ترفق بي وخاف الله بربك لا تضيعني=ترى قربك دوى العله..حرام تسبب إتلافي
أبي منك وعد تبقى بعمري ماتفارقني=كما بدر السماء ترقى بعشق حيل شفافي

ذكرى الغالي

04-23-2013, 03:18 PM

http://im31.gulfup.com/4Pa7G.jpg (http://www.gulfup.com/?1s1S5p)
من بعد غنتني لحون إنتظاري=وغيابك اظمااني وثلج الصبر ماع
كفرت بأنك بأول الوقت شاري=وآمنت بأنك تالي الوقت بياع
ما عاد لي خاطر اسامح واداري=والحال متأزم .. سبب زود الاوجاع
ماعاد في مجهولك البحث جاري=واقول هذي عاقبة شين لطباع
مادمت في وصلي هواك اختياري=حسب المزاج وحسب ترتيب الاوضاع
ترى الفضاء ماضاق من نجم ساري=ولا البحر يظلم ليا عثرب القاع
وان كنت جاهل عن معالي مداري=اسأل عيون الشمس مع كل ذعذاع
واذا العشق به نكستي وانكساري=لابو جروح الحب وطعون الأضلاع

http://im34.gulfup.com/f1AYJ.jpg (http://www.gulfup.com/?HIksJC)

ذكرى الغالي

05-01-2013, 09:33 PM

http://kll2.com/upfiles/T1S30961.jpg (http://kll2.com/)كثر ماقلت في نفسي اببدأ رحله النسيان =تموت الروح ياروحي ويبقى حبكم ضافي
تصدق حتى لو آنسى وجودي اذكرك يافلان=يحبك كل مافيني غرامي ماآظن خافي
ترى وإللي خلق خلقه من انس ومن جماد وجان=فداك الروح ياغالي وكل العمر لك صافي
غناتي لايجي في بالك ابد اقوى على الهجران=انا لاخر نفس ودي نخلد حبنا وافي
أدارِيْ الحزن والعبره أحاول اظهر السلوان=وأنا قلبي نفذ صبره..حموله هدت اكتافي
نخاك القلب لاترْدْه بحق الخالق الديان=ترى قلبي على عهده ووحدك غاية أهدافي
أنا من دنيتي حسبي تبقى لي ياأغلى إنسان=حلو وصلك بقلبي له مرابيع ومصيافي
http://kll2.com/upfiles/T1S30961.jpg (http://kll2.com/)

ذكرى الغالي

05-02-2013, 08:44 PM

http://kll2.com/upfiles/FiF03743.gif (http://www.alshmo5.com/vb/redirector.php?url=http%3A%2F%2Fkll2.com%2F)

http://kll2.com/upfiles/GJu03743.gif (http://www.alshmo5.com/vb/redirector.php?url=http%3A%2F%2Fkll2.com%2F)

ردية من الآرشيف بيني وبين ولد عمي

http://im28.gulfup.com/isr37.gif

سلام الله على ذكرى عدد نبت النفل وزهور
وعد ماهلت مزون السحايب غيثها الهمال

http://im28.gulfup.com/hLMN8.gif

هلا حياك ياغالي عدد من بالمقام يزور
عزيزٍ منزلك عالي وهبك الله كريم خصال

http://im28.gulfup.com/isr37.gif

أناالمشتاق والمغرم أناالمنهي وأناالمأمور
عسى الله يمهل أيامي وأكيد بوصلك العذال

http://im28.gulfup.com/hLMN8.gif

حبيب الروح لاتهتم تجاهل هالحقد والزور
حسيبه ربي العالم ترى عمر الردي ماطال

http://im28.gulfup.com/isr37.gif

آلا يالله ياعالم بخافي القلب والمضمور
ترد الواشي الظالم ويحصد خيبة الآمال

http://im28.gulfup.com/hLMN8.gif

ولامنه سرى حزنك غدا قلبي معك مكسور
لاني قطعةٍ منك خفوقي يتبعك في الحال

http://im28.gulfup.com/isr37.gif

أقول إللي يبي الفرقى وهو يسعى لها ويدور
ترى ياعاذلي تشقى وماتلحق سراب اللآل

http://im28.gulfup.com/hLMN8.gif

فلا تغتر بالداني ترى الدنيا متاع غرور
وكل إللي نرى فاني ويبقى صالح الاعمال

http://im28.gulfup.com/isr37.gif

ولو إنه خذا عبره بسيطه من شعاع النور
عرف إن الظلم زايل مثل فيّ العصر لازال

http://im28.gulfup.com/hLMN8.gif

ترى الاعمار لوطالت عقب ظل القصور قبور
صروف الدهر لومالت بقاها يالحبيب محال

http://im28.gulfup.com/isr37.gif

أنا ماجيت أدور من وراء الاشعار لي جمهور
ولكن جيت أنا لجلك ابهدي لك بيوت جزال

http://im28.gulfup.com/hLMN8.gif

فديتك يابعد عمري فديت إحساسك المنثور
أحبك حب لوتدري بحجمه يذهلك إذهال

http://im28.gulfup.com/isr37.gif

أضيع بعالمي دونك وقلبي بالحزن مفطور
عساني فدوى لعيونك ترى لقياك رأس المال

http://im28.gulfup.com/hLMN8.gif

تخيل حالتي عقبك وآهات الحزن والجور
أداعب بالخفا طيفك وارد آبكي على الاطلال

http://im28.gulfup.com/isr37.gif

حياتي فرحها بيدك وقلبك يالضنا له دور
وعيدي بالهوى عيدك نقضيها فرح ووصال

http://im28.gulfup.com/hLMN8.gif

تراك إللي تمنيته غرامك بالحشا محفور
وفيك إللي ترجيته عريب الجد وياالخال

http://im28.gulfup.com/isr37.gif

غلاتي راحتي عندك وقلبي في الهوى معذور
أنا مقوى على بعدك ومابي للنوى مدخال

http://im28.gulfup.com/hLMN8.gif

دفايه وأجمل أيامي بدونك دنيتي ديجور
تصدق وإنت بأحلامي تجي وتلد لي بأقبال

http://im28.gulfup.com/isr37.gif

معاك الحب شي ثاني وطعمه بالحلا مغمور
ياكل الحسن أغرآني دلال ورنة الخلخال

http://im28.gulfup.com/hLMN8.gif

أبيك العاشق الثآير وحضنك للدفا مذخور
وكل إللي تبي صاير بقربك يستريح البال

http://im28.gulfup.com/isr37.gif

أحبك حيل في غيابك وفي قربك غلاك يثور
أحبك موت وأحيابك وحضنك واحتي وظلال

http://im28.gulfup.com/hLMN8.gif

وأنا نفس الغلا وأغلى بعد نفس الشعور شعور
وذا صنع الهوى بأهله مشاعر صادقه تنهال

ذكرى الغالي

05-03-2013, 08:28 PM

http://www.alshmmar.com/vb/images/bsm.gif

لو تنشرى كل الحروف بـ غالي=لو جاد لي وزن الشعر وبحوره
لو أكتب بماء الذهب أقوالي=لو جبت درعٍ جودته مشهوره
مايدرك إللي بخاطري مثقالي=مايوصل حدوده وعمق شعوره
ماكل ماترجي القلوب تنالي=خسران من جاراك في المعموره
تزهى بك الاشعار ثم تختالي=بعض البشر يبقى بعزة نوره
فاضت لك أبيات القصيد إجلالي=لوغاب مثلك حاضر مأثوره
رايك حكيم وكلمتك بأفعالي=شعرك فريد وبك تزين سطوره
ياعالي كل مافعلته عالي=بوحك ترى ماله مثل بحضوره
يا .... لو السعد ينكالي=أعطيك من زاد الفرح مذخوره

ذكرى الغالي

05-08-2013, 08:02 PM

منحرف حظي وعمره ماتسنع=كن أيامي غدت لأمره مطيعه
واقف ضدي ويتحدا ويمنع=وصل لقيانا وكم موعد يضيعه
ياوجودي والحزن مني تشبع=وجد مظلوم وماحصل شفيعه
كم على بعدك أنا قلبي تقطع=ياهناء عمري ويازهرة ربيعه
في غيابك كيف مدري وش بأصنع..؟؟=والزمن غدار من يأمن صنيعه
إسكن بقلبي وبشغافه تربع=لاتقاطعني فراقك ماأستطيعه
أعشقك بإحساس كل العالم أجمع=والغلا لك إنت وحدك في الطليعه
كيف بتناساك والخافق تولع=بك..؟ وأيامي تمر دونك شنيعه..؟
كيف وعيوني على طاريك تدمع..؟؟=كيف وأشواقي تضيق بهالوسيعه..؟؟
قول وش يرضيك ياعمري..؟؟ وإسمع=صوتي إللي بح من طول القطيعه
ياحبيبي لو تخاف الله ترجع=لاتضيع نشوة الوصل البديعهhttp://kll2.com/upfiles/ClK43108.jpg (http://kll2.com/)

ذكرى الغالي

05-09-2013, 10:38 PM

http://www.delegnt.net/vb/images/imgcache/2012/02/104.jpg

إختلاف الرأي يا زين الخِصال
آمر حاصل من قديمٍ في الهوى

لاتكابر سيدي عَطنِي مجال
إحقر العاذل فحِقرانه دوى

غاية الواشي يفرقنا...محال
لويحاول ... ثم يحاول ماقوى

الغلا صافي لكم عذبٍ زلال
لِمني بجنووون لاتطري النوى

لِي مع قلبك مواثيقٍ ثقال
حبنا دايم رفيع المستوى

شوقي أضناني أبي وصل ودلال
دوم قلبِي من هواكم ماأرتوى

عِيش بِإحساسك معي علم وخيال
إسكن بقلبي وبعيوني سوى

يِعلم الله لك غلا فوق الخيال
لا لمحتك نور فرحي لي ضوى

حبنا كامل ولله الكمال
حب ماقد صار أبداً وإستوى

ذكرى الغالي

05-12-2013, 10:56 AM

http://kll2.com/upfiles/zXF56059.jpg (http://kll2.com/)

لاتجاري بالقصايد وش اسوي بالقصيد
جاري أشواقٍ وقايد مد لي حبل الوصال

لاتقول إنك تبيني وإنت يالغالي بعيد
والعذاب إللي بعيني في غيابك شي محال

راعني وإروي حنيني حقق الحلم الوحيد
وابشر بحضن يضمك يالغلا حب ودلال

إنت لامن غبت عني يصبح الخافق فقيد
إنت ربحي إللي كسبته بالمحبه راس مال

إنت فخري وإعتمادي إنت إلهام القصيد
إنت لي غاية مرادي والصدق لازم يقال

بأعذب الاحساس جيتك والامل ترجع اكيد
مستحيل انسى فديتك يالوفي حلو الخصال

كيف ابسلى واتخلى عنك يانبض الوريد
كل مافيني فدا لك والغلا فاق الخيال

قلت لك كل الصراحه غير حضنك ماأريد
أعشقك وأعشق ترابك حس بي يابن الحلال

http://kll2.com/upfiles/8SK55603.jpg (http://kll2.com/)

ذكرى الغالي

05-14-2013, 02:25 PM

نهيت القلب مافي الشوق حيله
يبي قربه و زلاته غفرها

أنا مابي من الدنيا بديله
هناء عمري ولعيوني نظرها

ولو يقسى على الذكرى الجميله
يظل غالي على ماهو خبرها

أحبه حيل وإن يخطي أجي له
تسابقني الخُطا وأتبع آثرها

تجي فيض المشاعر له ذليله
يسوقه شوق خفاقٍ جبرها

ونطوي صفحة الهجر الطويله
بـِ ليلة عشق يدفيني جمرها

يخليني أميرة ألف ليلة
وأحكي له سوالف عن سِحِرها
http://kll2.com/upfiles/phn40582.jpg (http://kll2.com/)

ذكرى الغالي

05-14-2013, 02:50 PM

قصيدة شعر أهديها لمن له في الحشا مرقاب=ملك روحي ملك فكري وحبه في شراييني
مادآم إن القصيد اصدق تعابير الوله بخطاب=بظل أكتب قصيدي يالغلا حتى تلاقيني
دخيلك بس سامحني إذا قافي أمامك شاب=بحق الله مهما قلت ماوفيت لك ديني
مكانك في وسط قلبي وفاتح في الصميم أبواب=تعال إرحم عنا حالي ياليت ترق وتليني
تجي وتروح هالدنيا وأنا مالي سواك أحباب=رفيق الدرب ياروحي ومن غيرك يواسيني
أبي وصل وغلا منك وتعطيني بدون حساب=أحبك وأعشق ترابك وأبي حضنك يدفيني
عطيتك عشقي وشوقي وجاء الخافق لكم طلاب=أنا ماأقوى على الفرقا أبي بالوصل ترويني
ولك سقت العمر فدوه وأمرك يالحبيب مجاب=احس إني ملكت الكون حين القاك بيديني
لعلمك مستحيل أنسى غلاتك ياأقرب الاقراب=عساك تدوم ياغالي وتبقى بهجة سنيني
http://kll2.com/upfiles/SbS94736.jpg (http://kll2.com/)

ذكرى الغالي

05-14-2013, 10:21 PM

ماظنتي يوصف قصيدي هيامي
ينصف شعور(ن) داخل القلب راسي

والله لولا إني أخاف الملامي
لأصيح باأعلا الصوت من جور باسي

كافي فضحني الشوق بين الانامي
ماكان طبعك ياهوى البال قاسي

مليت ثوب الحزن والجرح دامي
شالي رداة الحظ همي لباسي

إن طال صمتي لايظن إنهزامي
والله ماتخضع عزومي لياسي

مادام بي روح ولي قلب ظامي
بأغرف وبمليء من صفا العشق كاسي

http://kll2.com/upfiles/AgJ32959.png (http://kll2.com/)

ذكرى الغالي

05-15-2013, 11:14 AM

http://www.7ophamsa.com/up/uploads/images/7ophamsa-ccf52f051c.png (http://www.amer8.com/vb/showthread.php?t=21368)

آبي عدلك .. آبي جورك .. آبيك اليوم تسمعني
قصيدي إنت به معني وكم سخرت لك قافي

هواك بدنيتي حاكم وعدل الوصل يشملني
بدونك عالمي ظالم بلا رحمه وإنصافي

اطيع امرك مع شورك وتتجاهل وتخذلني
ياكيف أرضي لك غرورك وبذلي عندك إجحافي

أنا عندك كما ظلك فشرقني وغربني
وطول العمر مااملك غرامي ماأظن خافي

أدارِيْ الحزن والعبره وأشواقي تلوعني
ترى قلبي نفذ صبره..حموله هدت اكتافي

سألتك بالذي كمل طباعك ليه تهجرني
آبي نرجع مثل أول وننسى هجر وخلافي

أبيك وماأبي غيرك وحدك من تملكني
حشا لله ماغيرك جعلته غاية اهدافي

تعال اصيرلك موطن وتستعمر وتسكني
أحبك إنت لايمكن اقاوم جيشك اللافي

http://www.7ophamsa.com/up/uploads/images/7ophamsa-ccf52f051c.png (http://www.amer8.com/vb/showthread.php?t=21368)

ذكرى الغالي

05-19-2013, 06:17 PM

http://kll2.com/upfiles/5eg87054.png (http://kll2.com/)
هلا بإللي مشاعرها تشاركني تشرفني
هلا بإللي لها في داخلي قدر ومنزالي

هلا يازهرة جادت قصيد حيل يطربني
بحور الشعر لو فاضت بيبقى حرفها عالي

قصيدة شعر أهديها مع كل الثناء مني
ياكيف اشكر لك شعورك وأرد الطيب بأمثالي

أحاسيسك معي نسمه تعطرني وتنعشني
تزيح القلب عن همه وتحيي كل آمالي

كم اشقاني هوى من هو بِـ قل الوصل روعني
أبي قربه أبي حضنه وحظي ماتهيالي

اهوجس في ظلام الليل وأشواقي تلوعني
وطول البعد طاويني وخلي مارحم حالي

لحرفك نشوة في روح ذكرى ماتفارقني
ولك يازهرة المغرب عظيم القدر وإجلالي
http://kll2.com/upfiles/yJ486719.png (http://kll2.com/)

ذكرى الغالي

05-24-2013, 11:49 PM

http://farm4.static.flickr.com/3144/2294322362_b03759de59.jpg

ماظنتي تقدر حروفي تعبر
توصف لها زود الغلا في كياني

يجبر لها شعري ولو هو مكسر
ولإسمها طعم الشهد في لساني

نفس الحروف الاوله لكن السر
للأم دفا وإحساس وشعور ثاني

لعيونها نظرات بالحيل تسحر
ولصوتها نبره طرب في زماني

أميرتي نسمة ربيع تعطر
عمري بنفحات المنى والاماني

تكبر وينمو حبها في يزهر
ويبقى غلاها ساكن بالمحاني

ذكرى الغالي

05-28-2013, 12:25 PM

http://im39.gulfup.com/w3jK7.jpg (http://www.gulfup.com/?fSgC8C)

لاتظن إني نسيتك وإنت حبك في فؤادي
إنت روح الروح مهما رحت ياغالي بعيد

كيف ابسلى عنك وأنسى ياحياتي ياودادي
كل ماله والغلا لك يابعد عمري يزيد

إنت حبي إنت كلي إنت لي غاية مرادي
إنت من أعزف وأغني له وأكتب له قصيد

إنت عزي إنت فخري إنت ذخري وإعتمادي
إنت بعد الله ياغالي لذكراك الرصيد

إنت لامن غبت عن عيني لك الخافق ينادي
عد إلى ذكرى ترآها غير شخصك ماتريد

إنت لك حب وعشق وإشتياق غير عادي
كيف ابسعد وإنت ياوجه السعد ماإنت سعيد

ياأعز الناس عندي في الحضر هم والبوادي
دوسري عشت سيد طول عمرك وإبن سيد

تاج رأسي لو بأكتب عنك مايكفي مدادي
كيف لا وإنت من أهل الطيب والمجد التليد

قبل أشوفك يالغلا دنياي ماتعرف سهادي
وأحمدالله أحمدالله شوفتي لك يوم عيد

لك بقلبي حب صادق في ضميري وإعتقادي
والامل ترجع حبيبي ونرجع من جديد

مستحيل أرضى بغيرك في جميع انحاء البلادي
لا ولايمكن أخونك وإنت نبضي والوريد

ذكرى الغالي

06-14-2013, 08:10 PM

الشعر لوما كتبته بصادق إحساسي هجرني
والله لو للصدق ديرة أنا أول من عنيت

ياقصيد الحب قله غير قيده ماأسرني
غير وصله غير قلبه مارجيت وماهويت

قله طيفه في غيابه بعاطر انفاسه يمرني
مارحمني من عذابي ماعتقني ماهتنيت

إشتكيته لليالي والحنان إللي قصرني
عاشقه والعشق بلوى ليتني به مابتليت

آه لو يدري زماني عن حنيني ماقهرني
قله إني فيه آراهن بالمشاعر مابقيت

بحفظ بقلبي هيامي للوليف إللي غمرني
للهوى أسمى صفات وللوفا عزٍ وصيت

ياضمير الحب قله كان قلبه مانصرني
مات كل إحساس عندي وانتهى الامر وقضيت
http://im13.gulfup.com/2012-08-11/1344704889793.jpg (http://www.gulfup.com/show/Xs6yimne3cggco)

ذكرى الغالي

07-12-2013, 07:13 PM

http://kll2.com/upfiles/lMR29787.gif (http://kll2.com/)

ياهلا بإللي قصدني بالشعر
واضح المعنى وبلسان صدوق

الشكر له و الثناء ثم العذر
وإن قصر حرفي فـ له كل الحقوق

له مكانه فوق هامات الفخر
غير كل الناس قدره فوق فوق

باني له في وسط قلبي قصر
شاعر صادق ومتواضع خلوق

لا حكى ينفح من حروفه عطر
المشاعر تتجه له والخفوق

بين أبياته يمر ليلي سهر
وحدي أقراها وبي لهفه وشوق

موعدي صدفه معه وأحلى قدر
ومن عرفته في غيابه ماأروق

لا نقض عهدي ولا عمره غدر
حافظ ودي وللفزعه سبوق

كل ماضاقت بي الدنيا ظهر
غصب خلا الحب يسري بالعروق

جل من خلاه مابين البشر
شمس تسطع للوفاء ضي و شروق
http://kll2.com/upfiles/lMR29787.gif (http://kll2.com/)