العمري
03-31-2013, 12:55 PM
يا سبحان من صور
تقول اوصف حلاك وفنّد الأخيَر من الأخيَر
***** تريد تشوف نفسك في عيوني كيف .. يا احلى الناس
واقول .. ايش أقدر اوصف فيك .. وشْ خلّي وشْ تخيّر
***** اذا حتى اللجين بمعصم ايدينك يصير الماس
واذا اللؤلؤ تساقط من جبينك والزهر حمّر
***** تشرّبه العيون وْينتشيه الفكر والهوجاس
وصوّر حالتي كنّي محارب بين كر وفر
***** يعد .. إنّ الهزيمه .. من عيونك .. والاسر نوماس
تفضل رجّع احساسي عليك الله .. ابا اتذكر
***** معك بعض الذي منّي .. نسيته .. في حِمَى الالعاس
لعلي أقدر اتخيّر .. مزايا عْيوبك النّدّر
***** والآقي للشموس العذر ليه اتغيب في الاغلاس
مدامه.. ليلك إن غطّى .. نهارك ما يغيب .. اسفر
***** ذهب من بين شلال الظلام وشعّت الاقواس
وليه البدر موصوف الحسن .. كل ما كبر يصغر
***** وحِسنك كل ما تكبر .. كبر وتعتق المياس
اذا من حول جيدك .. مرت النحله عسلها در
***** يداوي كل شي .. إلاّ الهوى العذري يزيده كاس
وانا هذا الدليل اللي .. غرقتك في البحر والبر
***** اموت ان جيت من خارج نطاقك بالتقط الانفاس
كانك بين روحي والنفس و الصدر تتبختر
***** تراقب نبض قلبي والفكر والشوق والاحساس
وانا كل ما يمر الوقت .. احبك اكثر واكثر
***** فوادي غصن شوق .. وعشقك العصفور والنسناس
وتبغيني افند في وصوفك ايش .. تتصوّر
***** وانا حد العمى .. ما شوف غيرك.. في الامل والياس
لبستك في عيوني نور.. مآ هو نور .. شمس وبدر
***** تفاصيلك يشيب الها الوليد وتجعله .. رمّاس
ويصرخ .. ايش نوصف فيك .. وانت الملح .. والسكر
***** مرارك والحلا .. لاجمل .. ملذات الحياه اقياس
وتبقى في عيوني غير .. يا سبحان من صوّر
***** كأن الكون من غيرك .. جسد .. مافيه روح وراس
وكنّه كل شي فيني .. معك ضدي .. و يتضجّر
***** اذا حاولت من غيرك .. أنام وغمض الانعاس
عبدالله صالح العمري
تقول اوصف حلاك وفنّد الأخيَر من الأخيَر
***** تريد تشوف نفسك في عيوني كيف .. يا احلى الناس
واقول .. ايش أقدر اوصف فيك .. وشْ خلّي وشْ تخيّر
***** اذا حتى اللجين بمعصم ايدينك يصير الماس
واذا اللؤلؤ تساقط من جبينك والزهر حمّر
***** تشرّبه العيون وْينتشيه الفكر والهوجاس
وصوّر حالتي كنّي محارب بين كر وفر
***** يعد .. إنّ الهزيمه .. من عيونك .. والاسر نوماس
تفضل رجّع احساسي عليك الله .. ابا اتذكر
***** معك بعض الذي منّي .. نسيته .. في حِمَى الالعاس
لعلي أقدر اتخيّر .. مزايا عْيوبك النّدّر
***** والآقي للشموس العذر ليه اتغيب في الاغلاس
مدامه.. ليلك إن غطّى .. نهارك ما يغيب .. اسفر
***** ذهب من بين شلال الظلام وشعّت الاقواس
وليه البدر موصوف الحسن .. كل ما كبر يصغر
***** وحِسنك كل ما تكبر .. كبر وتعتق المياس
اذا من حول جيدك .. مرت النحله عسلها در
***** يداوي كل شي .. إلاّ الهوى العذري يزيده كاس
وانا هذا الدليل اللي .. غرقتك في البحر والبر
***** اموت ان جيت من خارج نطاقك بالتقط الانفاس
كانك بين روحي والنفس و الصدر تتبختر
***** تراقب نبض قلبي والفكر والشوق والاحساس
وانا كل ما يمر الوقت .. احبك اكثر واكثر
***** فوادي غصن شوق .. وعشقك العصفور والنسناس
وتبغيني افند في وصوفك ايش .. تتصوّر
***** وانا حد العمى .. ما شوف غيرك.. في الامل والياس
لبستك في عيوني نور.. مآ هو نور .. شمس وبدر
***** تفاصيلك يشيب الها الوليد وتجعله .. رمّاس
ويصرخ .. ايش نوصف فيك .. وانت الملح .. والسكر
***** مرارك والحلا .. لاجمل .. ملذات الحياه اقياس
وتبقى في عيوني غير .. يا سبحان من صوّر
***** كأن الكون من غيرك .. جسد .. مافيه روح وراس
وكنّه كل شي فيني .. معك ضدي .. و يتضجّر
***** اذا حاولت من غيرك .. أنام وغمض الانعاس
عبدالله صالح العمري