ديوان عقاب النهار (( هواجيس ))

[عقاب النهار]

السلام عليكم ورحمة الله وبركاته
ها أنا اضع قصائدي بينكم
واتمنى ان ترتقى لذائقتكم

صلوا على رسول الله

[عقاب النهار]

رسنت انا مهرتي واسرجتها لاجلك=وجيوشها من بنات الفكر تبغاكا
عهد ٍ علي ما اجى عندك واقرب لك=ولاجيب انا اسمك واعيش اليوم ذكراكا
قطعت كل السبل عنك وعن وصلك=الا الغلا وسط قلبي صعب الادراكا
يمكن تناسيت ورب البيت بحلف لك=حاولت لكن عجزت اليوم لا انساكا
الله يسعدك في دربك وابافرح لك=واهل دمعي على بعدك وهجراكا
كن الغلا صار تحت امرك وعبد ٍ لك=والقلب كنه غدا عندك وبحماكا
تدري الي غبت اعد الوقت واحسب لك=متي على الله يدور الوقت والقاكا
عشقت هرجك قبل عرفك وبشرح لك=افرح الى جيب لي اسمك وطرياكا
حسيت باول لقا انى احد اهلك=واقول ياكيف انا بصبر بلياكا
ماتدري الى هرجت ابهر واطالع لك=وامزج جمالك مع هرجك وحلياكا
واعيش فى عالمى وادعي وأطلب لك=من شر حسادنا الرب ياقاكا
لا ماهويتك ابى اصلك انا وفصلك=ابيك وحدك ولا ابي حي ٍ سواكا
والله لو لا الملامه وقول ما اخبلك=عند اللذى ماتقّدر مثل شرواكا
لااجر انا الصوت فى اسمك وابندهلك=وقول انت اللذى من الناس انا اهواكا
واليوم جا من قطع حبلي مع حبلك=وابعد ورود الغلا وانبت لي اشواكا
والشيمه اللى تربينا به اطيب لك =تصيح فيني واصيح اليوم وانخاكا
ان شفتنى لاتناظر لي وبشهد لك=لو ترفع يدّك تسّلم باتعداكا
وضحت للى سألنى قال من شكلك=وشبك تغيرت قل يعقاب وش جاكا

[عقاب النهار]

انا وان هزني شوقي على الماضي أوقتٍ راح=طرالي من طرالي بالهوا غروٍ يرد الروح
اسير الحب متعذب غدا عمري حزن وصياح=دفنت الهم في صدري وكشفني دمعي المفضوح
انا لولا ظلام الليل يغطي دمعي الفضاح=يبين الحب في وجهي لناسٍ تفهمه بوضـوح
رفعتيني من الوادي على سفح الجبل سـواح=وتركتيني مع احلامي على ذاك الجبل مطـروح
انا في شوفتك لي علاج حسبت انك طبيب جراح=تعالج من وقع لجلك وزودت الجروووح جـروح
انا طبيت من شانك ابحر من الهوا سباح=ابي يمناك تنقذني اناظر وينها ماتلـوح
انا وشلون ابنسا ضحكتك واسلوبك المـزاح =مع الضحكه مع البسمه مع صوتٍ يجي مبحوح
ملكت الزين كل الزين ومن عندي خوذيه اوشاح=ولا غيرك سكن قلبي وغيرك لو يجي بيـروح
الا ياليت يتجدد زمان ٍ فات معك وراح=اعيد الماضي الحاضر بذكرى والزعـل مدموح
ذبحتيني ذبحتيني بسيف الحب دون سـلاح=وانا المذبوح من شانك ولالك بالهجر مصلـوح
الا ياهاجري بعدك مثل سيفٍ مع ذبـاح=وانا المذبوح يهل الثار ومن شافه تره مسموووووح

[عقاب النهار]

اسمك على جسمك00وعقلك لكم قال= انك ملاك00وكل خلقه بتهواك
لا والذى00ثبت اراضيه بجبال=وسبع ٍ بسطها00وسبع فوقك تعلاك
ان الغرور اللى00كسا جسمك اهبال=وان التواصل معك00من شان حلياك
اصل الوفا طبعى00وهذى هى الحال=معك ومع غيرك00ماهو لأجل لقياك
ياللى تباهى00فى جمالك وتختال=عندى ولا تسوا00ترى اليوم طرياك
واللى براسك 00عندنا عده(000)=ماهو شرف حبى00 لمثلك وشرواك
جيتك على 00درب المراجل ولا احتال=فكر وشف عقلك00على وين وداك
ماجيت دارك لا00ولا جيت نزال= ادور القصره00ابى حروة احماك
كنت اشترى عرفك00على كل ابو حال=وبانت موارى جيرتك00يوم جيناك
مثلك مثل صوره00على شكل تمثال=صوره من الماضى 00بقى اليوم ذكراك
ماهو بنا اللى00يعقّب اليوم فنجال=تنشدى للى عرفنى00 اليا جاك
انا احمد الله00بالغلط مالى 00احبال=ولانى افرق00بين هذا وهاذاك
لاعدوا00 اعيال الحمايل00له ارجال=حنا نصبنا00بالمراجل00له اشباك
واللى ابالى00لبست الخصر والشال=منك ومن شكلك00ملايين تسواك
اللى غلاها بالحشا00ياملا مال=لا قلت احبك00قالت الروح تفداك
حطى الرحايل00وابعدى كل ولوال=لاتحسبينى شخص00انا باتمناك
وسلامتكم
عقاااااااااااااب النهاااااااااااار

[عقاب النهار]

شدى اعنان القوافى ,, ياحروفى واكتبى= لاضواك الليل وجاوب ,, كل ذيب لصوت ذيب
ارعدى ثم ابرقى ,, وامطرى ثم اسكبى = قاف من شب بشبابه ,, لاقرالى هو يشيب
سطرى لى بالمعانى ,, قاف شكله يرهبى = كنها لذياب شلفا ,, تذبحك والا تعيب
من صغر سنى وهمى ,, زاد لى والمشربى = مانفع بى طب شعبى ,, لا ولا ينفع طبيب
مالقيت الحب بأنثى ,, من وانا عهدى صبى =انحرمت من الامومه ,, ادعى مالى من يجيب
جانى من هو خالى وامى ,, لا وهوّ عمى وابى = هو صديقى هو عشيرى ,, هو رفيقى والقريب
هو ابوى اللى تكفل بى ,, وسهل مطلبى = ان طلبت السهل جابه ,, وان طلبت ايضا الصعيب
شال همى من وانا ,, طفل ٍ صغير ٍ والعبى = واحتزم للحمل شاله ,, يوم وافها النصيب
ساهر ٍ بالليل لجلى ,, عينه لى تترقبى = وان نظر دمعه بعينى ,, يستجّن ويستصيب
طفل مايدرى وش ابغى ,, بالطلب يستغربى = هو عطش هو جوع والا ,, يشتكى يبغى الحليب
واحمد الله صرت رجل اليوم ,, وافتل لشنبى = واعساى اقدر ارد ,, الواجبه لاغلى حبيب
يالله انى رافع ٍ يدَى ,, ومنك المطلبى = ياعظيم الملك يا من ,, هو دعى لك تستجيب
تحفظه واقدر على ,, ماهّو يوده او يبى = وانت عالم بالخفايا ,, ياعليم وياحسيب

[عقاب النهار]

جالك يسابق نبرة الصوت خطـي =
من هو شبيهك ساطع ٍ بالسما فوق
اللي يقـول انـه ينافسـك يبطـي=
يبطي عظم ياسيد الحسن والـذوق
لو ما الملامه خايف القول مخطـي=
من حر مابي يدفعه لاهب الشـوق
لا قول حتي عن العـذارا تغطـي=
عن عين حسادك تسبب لك العـوق
ياحارم ٍ نفسـك وللنـاس معطـي=
بسمه حلاها ترتشف زين منطـوق
يبقي صداها داخل القلـب يسطـي=
في غيبتك ينزف لها كـل معلـوق
لاتهـزك العـذال ياشـوق حطـي=
كل الرحايـل ماينافسـك مخلـوق
تدري وش اللي يرفع اليوم ضغطي=
ويصير صدري من عنا الهم مفتوق
اللي يقـول انـه ينافسـك يبطـي=
يبطي عظم ياسيد الحسن والـذوق

[عقاب النهار]

صفى نبع الوفا منى // ونبعك كدر المشرب=وجيتك رافع الرايه// وجيت ابسيفك امضارب
قضيتك قسمة ٍ ضيزا// جمعت اطرح ولى تضرب=دخلت البحر لعيونك// سفينة حب والقارب
اشوفك حلمي العابر// اشوفك لى امل واقرب=مثل من يرجى المولى //شهاده يومه امحارب
يصيح الليل بغيابك//ينادي الشرق للمغرب=تنكس لك عيون الشوق // بقلب ٍ صار متضارب
اخاف البعد من حبك// عيون ٍ دمعها سرب=غشاه الدمع باسبابك//من اللحيه الى الشارب
ربيع القلب هو شوفك//خظار القلب له يطرب=زماه الوسم من وسمك//وعشبه صار متقارب
تمنيت اسمى بشفاتك // حروف ٍ ودى له تعرب=تمنيت الهوى كاس ٍ// فكفك لي وانا الشارب
تحكم بي مثل (Federer)// الى منه مسك مضرب=وتحكمنى كما القاضى// على المسجون والهارب
عجب لله فى خلقه // ولا من خلقه استغرب=يغيض اللى مثل جنسه// بسيف من الحلا ذارب
يبرمجنى غلا شخصك// على التشويش يتكهرب=اشوفك عرش مع بابل// وسور الصين مع مارب
تبعتك بالغلا ورد ٍ //تبع شمسه قبل تغرب=واشوف ان القمر انتى // طبيعى مانى متغارب
خلاص الحكم في يدك// ولا قادر على المهرب=بكلمة حب منك لى // تروض كيفى الخارب
ماعد اسأل طيب الحب //اذا من حبك امجرب=سهوم الموت بغيابك// على المتنين والغارب

[عقاب النهار]

السلام عليكم ورحمة الله وبركاته
بدون مقدمات متواضعه وكيبورديه
اتمنى ان تنال استحسانكم وبعض من قبولكم
اشكر كل من انار المتصفح
بالتكرم بالنظره
لهذه المتواضعه









مدخلــــــ




شوف كيف الـدم فـى كفـك سطـا
000من جروحى وانت روحى جب جواب
لاتقـول الجـرح منـك جـا خطـا
00000والعتب مايبـري دمـي والصـواب
العطـا نعمـه وجـا منـك العطـا
00000خنجرين وصـار بعيونـي ضبـاب
ما اشوف اللى علـى ارضـه وطـا
000000والسما مـن دونهـا كـون حجـاب
مابقى به شـى مـن ستـر وغطـا
0000000دام بيـدك مـن قفـل باليـد بـاب
خذ من المضمون لـو بعـد البطـا
000000ما بقوله تحت وخطـه فـى كتـاب













مرسـول- وقـف -وانتظرنـي بحاكيـك
---------------سـا- ألك-بالله-وصـل العلـم راعـيـه


من قبـل- مـا- تلمـس يدينـه أياديـك
-----------الصاحب اللي - مادرى بـي - واداريـه


ابيك- تمضـى- بالعجـل فـى مساريـك
-------------وتعطيه -قلـبٍ -لاهـب الغـدر كاويـه


قلـه امانـه- مابقـى-شـى - خافـيـك
---------------هـذا النخـل- شحـت- عليكـم سوانيـه


اللى قطع - عهد ٍ -فـلا -هـو مخليـك
--------------مهمـا - تخـلا الخـل - ماهـو مخليـه


من عاش - جوه-تارك الخلـق -شاريـك
--------------طبق -مثـل- بالغيـر ( مـا لا بيعنيـه)


صادف غرورك-برمجه- فـى -مباديـك
--------------ان الغـلا- صفحـه- علـى اليد-طاويـه


السلـم مـن - سلمي-سلامـة - معنيـك
----------------الليـل الاظلـم - لـه - نهـار - مقفيـه


كنت اكبر - اصروح الغلا- فـى معاليـك
---------------وأساس-ثابـت -بالوفـا- مـن يوازيـه


ونكرتنـى- كنـى -عـدو ٍ - معـاديـك
---------------وبكيت - قلب ٍ _ كـان- بعـدك- يبكيـه


لاتقول _ وشبك -بسألك - انـت وشفيـك
---------------طبيـب- مثلـك_ مالقى-مـن _ يداويـه


باتت - مشاعـر خاليـه_ اولـه- فيـك
-------------تبقي- صدي ذكري_على - قلـب غاليـه


قاسي زماني _فى -زمانـي _ واماشيـك
-----------مشاك_ مع غيرى_لمـن كنـت_ اخاويـه


غرك حكـى - معسول-كنـه _ يداريـك
----------------مسكيـن - مثلـك بـس _ ربـي ينجيـه


جيتـك وفـا- واليـوم _مانـي بنهايـك
---------------هذا زمان ٍ - فيه- مـا اكثـر _ بلاويـه


اعظم غلا_حب ٍ سكـن - فـى محانيـك
------------واعظم خيانه- شخص _ بايع ل/ شاريـه


يامجمل_ احساس- المشاعـر_ بوصيـك
--------------اصدق _ شعورى جـاك- افهـم معانيـه


ان _ كان عينك نظرتـه_ فـى مواطيـك
------------ف/نا- رفعت الراس _ عمرى ما - اوطيه






مخرجـــ


ليه تجرحنى وانـا كلـى ألـم00000000000
ليـه شتتـه وانـا بعـدك ألـم
دام منـت بحبنـا فاهـم ملـم000000000000
تدري ان النار مصدرها الشرار
هي كوتنى وانت ما تفقـه بهـا00000000000
وانت همك عز وجاهه وال/بها
تضحك ودارى انا رايـح بهـا0000000000
تدرى ان النار مصدرها الشرار
امتلكت بدنيتى احلـى الاماكـن0000000000
ماخبر مخلوق غيرك فيه ساكن
كيفي وكيفك كفـا لكـن ولكـن0000000000
تدري ان النار مصدرها الشرار

[عقاب النهار]

السلام عليكم ورحمة الله وبركاته

اتمنى مع هذا الصباح ان تروق لكم هذه الكيبورديه

وصباحكم اجمل اليوم ودوم وشكر لمن انار المتصفح

بأطلالته

صلو على رسول الله محمد صلى الله عليه وسلم



مدخلـــ



حلفت باللى زينك فى عيونى= انك ملك بالارض وغيره عبيدك

ليت الملا فى رحمتك يتركونى=اقرب من الكلمه بنطقت وريدك



على حبك بديت امشى // وسارت فى غلاك اخطاي=مثل طفل ٍ نوا الممشى // يحاول بس مايقوا

لمح عينك على كفك // وقلب ٍ ساعي ٍ لرضاي=طلع قلبه على حبك //ولا غيرك ابد يهوى

الا يامملكة حبي // الا يابلسمي وشفاي=الا ياهيبة الحاكم //والا ياكلي والمأوى

انا بينى وبينك // لى عواذل يعزفون الناي=يرقص جنها فرحه //وغيره قلبها يشوا

رجيت الورد من نبعك// امانه يوم صرتى ماي=تصوني الورد لايذبل// بدونك صار مايسوى

انا اللى كنت من ماضى// وفى شوفك انا مبداي=عرفت الحب هو انتى // وروحى لروحكم فدوى

تراك اقرب من الكلمه // على لسانى ونطق اشفاي=كواكب يوم انا نجم ٍ //على ارضك بس اهو يهوى

تراك الطعم لى والكيف // تراك لعلتى ادواى=وتراي المر بحضورك // مدامك قطعة الحلوى

حياتى لا تلومينى // اذا جيتك انا من اقصاي=احب الحب من حبك// واموت بهذى البلوى



مخرجــــ



حاولت اكابر واتكبر واعاتبك= ولقيت نفسي فى غيابك اسيرك

[عقاب النهار]

السلام عليكم ورحمة الله وبركاته

هي متواضعه وتقع بين ايديكم

اتمنى ان تنال القبول وبعض الرضى منكم

والتمس العذر

ان اخفقت بعدم صياغة القصيده

على المعنى المطلوووب





يجتمع الالم والحزن

ويبقى العذاب فى قلب ٍ احب من احب

رغم حلاوة الحب يبقى فى لذته عذاب ولكن

ان اجتمع قلبين في جسد واحد

وتعاهدا على الحب وبقى

حلقت الوصل لقاء

القلوب الى ان





تحكم الايام بعد دورتها

بأن الحب لن يستمر رضيت ام أبيت

فلا بد





من











الفراق







الفراق









الفراق









كلمه سهل نطقها

ولكن قاتله









لقلوب ارتسمت على ان

تبقى سويا مهما حصل











ولكن





ومع كل هذا





حكمت هذه الكلمه



وحكمها صارم







وبالاصرار







يتم تنفيذه











اترككم مع هذه

المتواضعه



























شكر من القلب لمن انار المتصفح

وقرأ هذه البسيطه والتى

هى اقل ما اقدم لكم











0







0







خل /استحث الحزن // واركب مطايااااه=وارحل واخلى // ياغلايا /دياااااااااارك

جريت انا اللوعه // وجربت انا الاأأأه=وشبيت فى قلبى //لواهيب /نااااااارك

مثل الغريب اللى // زعج صوت ويلااااااه=والا الكسير// اللى وقع/ بالمعاااااااارك

والا اليتيم اللى// يبي من تبناااااااه=والا اللذى موته// على القلب/ دااارك

والا الذى يمشى // وحتفه تقفاااااه=خلووه ربعه// مالقى من /يشااارك

الحظ لاوقف //عن اللى/ تمناه=ماتنفعك صفقة// يمينك/ يسارك

ياغاية المغرم //وياداه ودواه=ليتي قريبك //وان عصى الوقت /جارك

يكفيني شوفك //بهجة القلب /ورضاه=الشعر/ وحشة ليل/ ووجهك/ نهارك

دامك /خذيت القلب// كله من اقصاه=ياعونة الله/ يا لــ / قوة /دمارك

تدري/ احبك حب// واقسمت /بالله=ان ضامت الايام// انا اخذ/ بثارك

تدري/ شعاري بالهوى// ويش/ مبداه=حاكم وانا المحكوم// وفـ /يدي/ قرارك

واقول/ لابن ادم //ان من فداياه=الا عيوني// بس ابعرف /مسارك

بعيش/ فى بحر الأمل// واترجاه=ترجع وانا //ببقي /اعيش/ انتظارك

لاتلومني/ لو صحت/ بالصوت /عزاه=الحمل/ فرقا/ والجمل /صار/ بارك

بطوح عقالي //على الحظ //وانخاه=تجيبك الايام// واقطف/ ثمارك

حقي على غيرى// من الغرس /مجناه=ازرع /ويحصد /غيرنا /ويتبارك

ياذا الحمام //اللى /على الغصن باعلاه=ماجاك /خلك /تالى الليل /زارك

تنوح //ولاشفت الغضى /وش حلاياه=ولا عرفت الهم /وفتقت /زرارك

ولا عرفت الهم// وليل /المعاناه=حدك /الى ضاقت /تبين/فرارك

ارحل/وخل الهم// للى تلقااه=اللى لـ / همه// قال /هذا /مطارك

ابختمه/ فى كاس/ علقم /وذقناه= من هو/ على موتى/ يجيني /يبارك

[عقاب النهار]

البارحه لاداعين ٍ لى ولامجيب=فى ليل موحش مفتقد للوناسه
شبيت نارى للدلال المجاذيب=واخذت فنجال ٍ يطير عماسه
ذريت وجهى عن سموم اللواهيب=وغصت البحور بقاف شعرى وقاسه
وطرقت انا ابياتى سيوف ٍ محاديب=يطرب له اللى هاوى الشعر ساسه
وفكرت بالدنيا وخظت الاصاعيب=ومريت فى جور الزمن وانتكاسه
لبست جلد الشاة لاشك انا الذيب=اعرف قوانين الحيل والفراسه
اخذتها الدنيا دروس وتجاريب=ماهى شهاده عن فصول الدراسه
تدرى وش اللى يجرح القلب ويصيب=شخص ٍ جحد طيبك بالاقدام داسه
وتدري وش اللى للرجل دايم ايعيب=من يجحد المعروف وعقله براسه
وتدرى وش اكبر جرح دامى ولا يطيب=ان الاسود اتموت وتبقى الـ /بساسه
مات الفرح ماعاد ابي اى ترحيب=دام الذهب قفى وباقى نحاسه
ياوجد حالى وجد من عارضه شيب=باول حياته صار همه لباسه
وافى ولاقصر بفعل المواجيب=وكثروا عليه اهل الحسد والـبلاسه
ياذا السحاب احذر عن النجم لايغيب=ماتجيبه الحيله وكثر السياسه
مافاد ياجساس غدرك مع اكليب=واكليب صاحب ملك وراعي رئاسه
ادمح واجامل كنى ماشفت تخريب=واغضى وكنى من فقد كل حواسه
اضحك على روحى بحيله وتلعيب=على حسن نيه تركت النجاسه
وان كان تجهلنى فغيرى لك ايجيب=وافى مع الاجناب ولابى خساسه
انا ولد من ذاع صيته على الطيب=بين القبايل غير ربعه وناسه
على نهج فعله اخذناه تدريب=كل ٍ على جسمه خذا الثوب قاسه
بعطيك جمله رتبه خير ترتيب=لاتضيع المعنى يقولون حاسه
ان قاله الله شدن الركب يالذيب=مارجع ولو فمك على الكوع باسه

[عقاب النهار]

السلام عليكم ورحمة الله وبركاته



صلوا على رسول الله





من اكبر الجروح اللتى

لايمحاها الزمن جرح من غالى

ولكن

ماهو ادهى وامر

ان كان من دون سبب

يتغير بلحظه ويصبح القاضى والجلاد

وينفذ الحكم ولم يأبي

حتى ولو بكلمه

من بعد

زمن

ويكابر

ويرى انه على حق



ولكن



للزمن دوره

وربما يندم الانسان ولو بعد حين

هل لك ان تصفح عنه ام تفعل مافعل بك

ام تسامح وينتهى كل شى



وان كان ذنبك بالعقاب انك

كنت تفعل ماهو بصالحه



هل يكون بسهوله

تجرع الهم جرعه جرعه

حتى تستلذ بطعنات

تريد قتلك

ولكن

على الامد البعيد





ليتنى المس منكم الاجابه

ويكون الحكم على منكم انتم

فانا رغم كل ما فعل باقى على عهدى

لن اتغير وهذا طابع فى نفسي

ابقى محب ولكن ابقى بعيد

لن اوؤذيه ولن

اتوسل اليه حتى لو طال الزمن



مدخل





عزتى والطبع فينى والشموخ

--------- مارضيت الذل ولا احب الاهانه

كان يرضاها من الخلق الدلوخ

---------- منزلى عالى ولا احب الطمانه













لهيب الصيف لا عوُد * ورمضى القيض جت ضدك= فرشت الكبد لك ماطا * عن الرمضي على دربك

حسبتك بالغلا الاول * بدون اشعور ما عدك= تربع وسط عرش القلب *وتاتى الخلق من عقبك

تمون وتامر وتنهى* قسم بالله ما ردك=لانك قطعه من روحى * ورب البيت انا احبك

قسيت بصالحك لحظه*وبان اليوم لى صدك=على كيفك *تحت امرك*ومهما قلت ماسبك

بكيت بلحظة اغيابك*ودمعه حارت بخدك=زعل * غيبه* عتب* فرقا*قسي فيها علي قلبك

تبي ترحل على كيفك*حبيبي مثل ماودك=أمانه يوم تسأل به*تقول الحق فى ربك

اذا كان الجفا طبعى*واذا فى يوم انا ندك=بلهجتنا وبالبفصحى* تقول اليوم ماخطبك

نصيحة من سهر ليله*كتم سده قبل سدك=نثر دمعه خفا* لامن باسمك* واحد ٍ نبك

ترى من عارضك*فى شى *وعن رغبه اهو لدك=وعاند مايبي خلقه*تضاحك به وتضحك بك

يبي لك عز ولا تعتاز*ويحذر قول وش قصدك=بعيد ٍ عنك وبالشده * تشوفه دايم ٍ جنبك

تري ثوب الغرور ان كان *فى لبسه يجي قدك=محد فصل مثل خامه*وكل ٍ مايبي قربك

تباهى بالعقل لكن *اذا جور الزمن هدك=وطاح الفاس* بوسط الراس*يكون الكي اهو طبك

على متن الهوى يلعب *بعقلك جزرك ومدك=من امواج السطر* طوفان*سببها كلمتى وشبك

اسامح طيب من عندى *واحسه راح من عندك=عسي الله يرحم احوالى* ويفرج ربنا كربك













مخرج



لاجل الوفا واهل الوفا والعزيزين

00000ارمى جروحى وسط روحى على الصمت

مابى اغثك يامنى القلب والعـين

0000000 وانت الحبيب اللى بـبعدك تألـمت

[عقاب النهار]

السلام عليكم ورحمة الله وبركاته



صلوا على رسول الله





مدخـــــــــــل







مابقى غيرك على عرش الغلا=غيرك انتى والملا تحتك حرس

من لفيت وقلتى حي الله هلا=صاحت الاقراع بقلبى والجرس

طار غيرك عن فؤادى وانجلا=وانتى من حبه بقلبى هو غرس

















































دوك قلبى وافتحه فى راحتينك=انصفه نصفين وف/يدك قسمه

بتلقى صورة خد ولمحه لحاجبينك=ان ذكرك أبهم بين مبسمه

من خيالى قبل لا صافح يدينك=فى وسط قلبي مكانك رسمه

خلك المنشا لقلب ٍ صاح وينك=ياسحابٍ جا بعد ريح انسمه

ماكمل بالزين زين الا بزينك=يادوا قلب العليل وبلسمه

من يقول انك حلا كنه يهينك = الحلا منك اؤخذ هذى سمه

اعتبرنى دمعه تسكن مقلتينك=لو تطيح اموت وبعدك يحسمه

تدري لو عينى تجى لحظه بعينك=ضاعت اعلومي وهرجي طلسمه

مابقى فينى مكان الا يدينك=من محيطك لا محيطك وسمه

ليتك البستان واجنى ياسمينك=انتظر قطف الزهر فى موسمه

ارفق بحالى رحم لى والدينك=توجك قلبي جميع الاوسمه



































مخـــــــــرج









رميتنى فى سهم صايب ولا تدرى=قص العروق وسكن فى داخل افوادي

جرحه عميق ونزف من حبكم بدرى=بقتص حقى والاظلم دايم البادي

[عاشقة الفردوس]

اللهم صل وسلم وزد وبارك ع سيدنا محمد وع اله وصحبه وسلم تسليما كثيرا

[رقة احساس]

سلمت على روعه طرحك
نترقب المزيد من جديدك الرائع
دمت ودام لنا روعه مواضيعك

لكـ خالص احترامي

[ريهام عيد]

سلمت على روعه طرحك
نترقب المزيد من جديدك الرائع
دمت ودام لنا روعه مواضيعك

لكـ خالص احترامي