راجح دايل المشعلي
04-12-2013, 10:21 PM
راحت سنة جتنا سنة وأنت غايب = يعني عذاب العام يبقى معي عام
امن الغياب المر ويش أنت جايب = الآم والله ماعلي قلة الآم
( كل عام و أنت الحزن ) يااغلا الحبايب =يا من حدا عن شوفته عرف واحكام
أتعبني المسرى و برد الهبايب =معا طريق(ن) كله أحلام ووهام
حتى و لو عنيت عوس الركايب = مامر أبو همام بيمر همام
فهمت ولا اعيد دام السبايب = كذبة شهر أبريل من تسعة أعوام
أتصدق أن الموت ظلم القرايب =وأن الصراحه طيب والكذب هدام
بغض النظر عن من بدا باالحرايب =وعن من زرع ورده ومن يزرع الغام
أنت الحبيب اللي من الوصل هايب =وأنت التقي اللي عن البعد ماصام
أصبحت عن حزن المقابيل نايب =من عقب ماأنت بسبت أفراح الايام
وأن عودت منه... وكبر... وطلايب = فاالصقر صقر أن لازم الوكر و أن حام
هل تعتقد بني من الشوق ذايب ؟! =ذايب!! ولا كن عادت الحر لاشام
يكفخ عن الزله عطيب الضرايب =بعيد عن درب(ن) توطته الاقدام
راحت سنة فيها الشقا و العجايب =خليط بين الضحك ودموع الايتام
أخر مدارات الحياة النصايب =واول مسارات المحبين الاقدام
ماكل رآي(ن) يعجب الناس صايب = لا غرتك كبر الأسامي والاحجام
ياثامنة سبع الأمور العجايب = هاذي الحقيقه و الخبر عاجل!! وهام!!
الا المحبه ماتجي باالغصايب = والله يذل الشرك ويعز الاسلام
مرت سنة تتبع سنة وأنت غايب =وأنا على ذا الحال من تسع أعوام
( كل عام وأنت الحزن يا أغلا الحبايب )=و عطني على صبري نياشين ووسام
امن الغياب المر ويش أنت جايب = الآم والله ماعلي قلة الآم
( كل عام و أنت الحزن ) يااغلا الحبايب =يا من حدا عن شوفته عرف واحكام
أتعبني المسرى و برد الهبايب =معا طريق(ن) كله أحلام ووهام
حتى و لو عنيت عوس الركايب = مامر أبو همام بيمر همام
فهمت ولا اعيد دام السبايب = كذبة شهر أبريل من تسعة أعوام
أتصدق أن الموت ظلم القرايب =وأن الصراحه طيب والكذب هدام
بغض النظر عن من بدا باالحرايب =وعن من زرع ورده ومن يزرع الغام
أنت الحبيب اللي من الوصل هايب =وأنت التقي اللي عن البعد ماصام
أصبحت عن حزن المقابيل نايب =من عقب ماأنت بسبت أفراح الايام
وأن عودت منه... وكبر... وطلايب = فاالصقر صقر أن لازم الوكر و أن حام
هل تعتقد بني من الشوق ذايب ؟! =ذايب!! ولا كن عادت الحر لاشام
يكفخ عن الزله عطيب الضرايب =بعيد عن درب(ن) توطته الاقدام
راحت سنة فيها الشقا و العجايب =خليط بين الضحك ودموع الايتام
أخر مدارات الحياة النصايب =واول مسارات المحبين الاقدام
ماكل رآي(ن) يعجب الناس صايب = لا غرتك كبر الأسامي والاحجام
ياثامنة سبع الأمور العجايب = هاذي الحقيقه و الخبر عاجل!! وهام!!
الا المحبه ماتجي باالغصايب = والله يذل الشرك ويعز الاسلام
مرت سنة تتبع سنة وأنت غايب =وأنا على ذا الحال من تسع أعوام
( كل عام وأنت الحزن يا أغلا الحبايب )=و عطني على صبري نياشين ووسام