منهو قده ... لـ زيد روما

[ياسمين]

منهو قَدّه ...؟!
يطلب العِشاق وِده ...؟!
لو يأشِر في يده محدٍ يرده
صار له بالهجر مُدة ... وانا اوده ...
انا اسهر له وهو بحضنه مخدة
من يلومه ...؟! طاب نومه ...
ليتني ذيك المخدة ... وإلا خالٍ ساكنٍ في وسط خده
آه ... من يجيبه لي واشده
والذي سوى عيونه ما اهده
لين اذوق التوت بـ شفاهه ...
وخوخاته بـ خده
هو لحاله ...
وآنا تاركني لحالي ...!!
ليش ...؟!
والله هذي موب حاله ...!!
ما شبع من طول صده ...؟!
آ ... يا بِرده
ما قطفنا منه تفاحة ... ولا شمينا ورده
بليلة العيد شفته ... متكحل ومتحني
والله ياهو ابتلاني وامتحني
يحسب اني بالجفى منه متهني
مادرى اني ...
همي هم ... وحالتي من جد حالة
في غرامه خاب ضني
ومهما كان ومهما صار ابقى بأمره ... وكل ما فيني حلاله
آنا كلي ...
كلي ... كلي فدوته من شعر راسة إلى قاعة ظلاله
وحافظٍ عهده ... و وده ...
وحالف إني ما ارده
وإن فتح للبعد باب إني لسده
ولو جمع رمل النفود وقال عده ... والي سوى هالنواهد يابعد قلبي لعده
يوم جاني ايتمايل وقال غني
قلت أغني
قال غني
قلت اغني لك واغني لك واغني
ولعن ابو من لا يغني
وآتشرف يوم البي له
وباقي اترجى وصاله ...
ومانسيت العشق والعِشرة
ولا خصره وخده
يوووه لو تدرون عنه وعن دلاله
وريحة انفاسه بشاله
وان ضحك ناظر هباله
غاب عني
غااااب وابطى
صار له من راح مُدة
بس ما بالبعد دبره
راح عــام ... وجانا عام ...
ماتغير فيني شي
آنا ... آنا على خُبره
بصدري عَبرَة ... وعيني عَبرَة ...
صرت للعِشاق عِبّرَة
يمكن ازعل منه ساعة ...
أو اعصب ...
ولو اروح بعيد ... اقصى ما اسوي ... بس اعاتب ...
وإلا ابكي شوي واستجديه ... واشره
وإن نويت المسالة تقلب زعل لويت كشرة
وماتغير شي ...
كل شي بالدنيا مُمكن
وآنا باقي بين ليت ... وبين يمكن
وبين حلم اليوم والا هَم بُكرة
وبـبقى صابر لو يمل القلب صبره
بس والله يالصبر من جد يوجع ...
فيه آه ... وفيه ضيق ... وفيه حَشّرَة
بس انا قررت ...
يا يجيني يا اجيه
يا يغامر يا اغامر
ما بقى بالعُمر واجد ... لازم القى حل اشوفه
ذبت كلي مثل شمعة تلسع ظلوعي وآسيح ...
ولا بقى بالعين دمعة ... بس اغني به وآصيح
اللي يبدولي ان حبيبي بالجفى " راعي طويلة "
والله إلا رحت ملح ...
ما بقى فيني فتيلة ... ولا بقى رجعة وصُلح
وإن بقى هالحال هوهو ما تغير
زار قبري يافديته
وإلا انا يا الله عسى ما زور قبره
آه لو تدرون عني ... و وش كثر قلبي يحبه
و وش كثر ابكي واعاني
واذا اخطى في هواي ... أو تَعَمّد في خطاه وما تعذر
انا اتعذر بداله عن خطاه ...
واقبل اخطائه واعذره ... شفتوا مثلي ...؟!
صاحبي مجنون عشق
ما هو عادي
حيل رومنسي ... وناعم ...
وبسمته عالم جنون ... وطبع هادي
بس يقهرني اذا يسافر لوادي ... وآنا يتركني بـ وآدي
اتلذذ في هواه
وفي جفاه ... ولو مكر فيني وربي اعشقه
يا حلو ريقه يوم يتخالط بريقي وياحلو غدره ومكره
للهوى نشوة
وللاشواق غشوة
وللحضن ... إغمايةٍ حلوة ... وسكرة ...
ويا هي سكرة
بس فعلا ...
الهوى مافيه حيلة ... والغلا مافيه دبرة
( ل زيـــد رومــــا _عبدالكريم المهنا_)

[رهام]

الله الله

رووووووووووعه

الجميله ياسمين

عبق الياسمين يقطر من إحساسك الرائع

تقديري

رهام

[محمد ال مهيد]

انتقاء راائع تسلم يمينك

محمد

[ياسمين]

رهام
عبق الحضور اجمل وزايد النور
لاعدمت تواجدك غالتي
دمت بود

[ياسمين]

القدير .. محمد ال مهيد
الجمال اطلالتك بمتصفحي
كل الود لك سيدي

،,

[العنودالشمريه]

روووووووووووووووووعه
تسلم الايادي
ياذوق

[ياسمينة]

الجميلة ياسمين

كلمات جداً رائعة


ذائقة متميزة كأنتِ


سلمت أناملك


تقديري

[ياسمين]

العنود

يسلمك يارب .. لك عروش من الياسمين

،,

[ماجد الحربي]

ذااائقه مترفه بكل تأكيد


حيااك .. ياسمين

إطلاله مطرزه بالجمال

سجلي مروري . وتقدير

[ياسمين]

القدير / ماجد الحربي
وحضور مترف اكثر وعبق

شكرا لاطلالتك العطره

ودي