منصور الرويلي
07-22-2013, 12:29 AM
ياصاحبي لا تلعن الناس والوقت = الناس ضاقت من خفايا وجعها
حاول تبرّق بالزمن .. كان برقتّ = سنة إلة الكون ربي وضعها
صبرك على بلواك لو ذقت ماذقت = وان طولّت لا تسمع بقول بعها
ياكثر ماشفت بحياتي ولا ضقت = لو ضاق صدري ونتي ماسمعها
ضاقت مسافات الوطا كل ماشتقت = ماتتبع النفس العزيزه ولعها
لا مرت الذكرى على البال مافقت = أنزف قصيدي في غياهب دلعها
يا كذبةٍ فيها مع الوقت صدقت = كل المواقف بالوفا مانفعها
صبرت صبر أيوب ماكني أرهقت = مثل الكريم اللي عباته رقعها
ماشكي لغير الله مهما تضايقت = مثل النداوي لا تضايق شلعها
أشوم عن بعض المشاريه لا سقت = خيل الهقاوي والرسن مامنعها
ياليتني في واقعي .. ماتحققت = ماعفت ناسٍ عذرها ماشفعها
الراس شامخ ماذكر بيوم دنقت = على الفخر كف الملامه صفعها
ماجاد حظي في زماني ولا رقت = ولا جيت أدوّر عن خطاها سنعها
أموت وافي .. حالفٍ يوم مابقت = نفسي عن الحقران ربي رفعها
ولو تشتكي للناس من لوعة الوقت = النفس ماتبرى خفايا وجعها
.
.
حاول تبرّق بالزمن .. كان برقتّ = سنة إلة الكون ربي وضعها
صبرك على بلواك لو ذقت ماذقت = وان طولّت لا تسمع بقول بعها
ياكثر ماشفت بحياتي ولا ضقت = لو ضاق صدري ونتي ماسمعها
ضاقت مسافات الوطا كل ماشتقت = ماتتبع النفس العزيزه ولعها
لا مرت الذكرى على البال مافقت = أنزف قصيدي في غياهب دلعها
يا كذبةٍ فيها مع الوقت صدقت = كل المواقف بالوفا مانفعها
صبرت صبر أيوب ماكني أرهقت = مثل الكريم اللي عباته رقعها
ماشكي لغير الله مهما تضايقت = مثل النداوي لا تضايق شلعها
أشوم عن بعض المشاريه لا سقت = خيل الهقاوي والرسن مامنعها
ياليتني في واقعي .. ماتحققت = ماعفت ناسٍ عذرها ماشفعها
الراس شامخ ماذكر بيوم دنقت = على الفخر كف الملامه صفعها
ماجاد حظي في زماني ولا رقت = ولا جيت أدوّر عن خطاها سنعها
أموت وافي .. حالفٍ يوم مابقت = نفسي عن الحقران ربي رفعها
ولو تشتكي للناس من لوعة الوقت = النفس ماتبرى خفايا وجعها
.
.