منصور الرويلي
07-31-2013, 11:45 PM
http://www.youtube.com/watch?v=86qrI88EtfI
.
دار فكري وأعتلى سرج الاصيله = مهرتن تليت بيديني رسنها
لاصهلت بالمعركه بنت الكحيله = من صهيل الخيل معروفٍ لحنها
مهرتي لادكت الميدان خيله = طبت الجمع الغفير ولا شحنها
مهرتي تشريفها مارضى بديله = مالها الا الفارس اللي ذاد عنها
فارسٍ لامن قبس نار الفتيله = ماحترى عفو الصدور ولا هدنها
له حضور وله مقام وله قبيله = والمراجل من صغر سنه ضمنها
لارتكى للمعضله لوهي ثقيله = شالها والمتن مايهتز منها
الجزيله بالمواقف تستويله =ياصدورٍ طيبه الفايت غبنها
عاش من عينه على راس الطويله = والرديه لاسقى ربي وطنها
شمت عنها يوم عشاق الهزيله = بالهزيله طشها أبليس وفتنها
ماحسبت حساب يالرؤس الذليله = والاخوه دم وجهي ماطعنها
مايخون الزاد من نفسه نبيله = والجذور الفاسده يظهر عفنها
ليه نشره والردى اصلاً فصيله = عرقها ضخ الردى دم ورهنها
الردي يبقى ردي مافيه حيله = وكل نفسٍ مالها غير امعّدنها
أن وقفت أخيل براق المخيله = امطرت لي والذخيره بمخزنها
وأن جلست أروم حد المستحيله = ونظرتي سبع الكواكب تحتظنها
عاش راسي للتسامح والفضيله = وابتعد عن زمرة الغدر ووثنها
بالامانه عيت النفس الاصيله = واحتميها لو غدى روحي ثمنها
إجمعو خيل الاماني كل ليله = والكرامه لحفوها في كفنها
ماجمعكم طيب .. تجمعكم فشيله = ياوجيهٍ دمها البارد دفنها
مايبرر غاية النذل الوسيله = خانه المبدى لو الكلمه وزنها
وان بغيتوا زبدة الهرج ودليله = مهرة الخيّال بيديني رسنها
.
.
.
دار فكري وأعتلى سرج الاصيله = مهرتن تليت بيديني رسنها
لاصهلت بالمعركه بنت الكحيله = من صهيل الخيل معروفٍ لحنها
مهرتي لادكت الميدان خيله = طبت الجمع الغفير ولا شحنها
مهرتي تشريفها مارضى بديله = مالها الا الفارس اللي ذاد عنها
فارسٍ لامن قبس نار الفتيله = ماحترى عفو الصدور ولا هدنها
له حضور وله مقام وله قبيله = والمراجل من صغر سنه ضمنها
لارتكى للمعضله لوهي ثقيله = شالها والمتن مايهتز منها
الجزيله بالمواقف تستويله =ياصدورٍ طيبه الفايت غبنها
عاش من عينه على راس الطويله = والرديه لاسقى ربي وطنها
شمت عنها يوم عشاق الهزيله = بالهزيله طشها أبليس وفتنها
ماحسبت حساب يالرؤس الذليله = والاخوه دم وجهي ماطعنها
مايخون الزاد من نفسه نبيله = والجذور الفاسده يظهر عفنها
ليه نشره والردى اصلاً فصيله = عرقها ضخ الردى دم ورهنها
الردي يبقى ردي مافيه حيله = وكل نفسٍ مالها غير امعّدنها
أن وقفت أخيل براق المخيله = امطرت لي والذخيره بمخزنها
وأن جلست أروم حد المستحيله = ونظرتي سبع الكواكب تحتظنها
عاش راسي للتسامح والفضيله = وابتعد عن زمرة الغدر ووثنها
بالامانه عيت النفس الاصيله = واحتميها لو غدى روحي ثمنها
إجمعو خيل الاماني كل ليله = والكرامه لحفوها في كفنها
ماجمعكم طيب .. تجمعكم فشيله = ياوجيهٍ دمها البارد دفنها
مايبرر غاية النذل الوسيله = خانه المبدى لو الكلمه وزنها
وان بغيتوا زبدة الهرج ودليله = مهرة الخيّال بيديني رسنها
.
.