يوم هب الوقت

[ماجد الحربي]

يوم هبّ الوقت وأعماني عجاجه
الفرج عيّا .. وأنا بالصبر راهي



ويوم مال وطال ميله وأعوجاجه
رحت أدوّر شي ٍ يشد إنتباهي



وشفت زولك مقبل ٍ مثل إنفراجه
كنّه اللي جايبٍ عزّي و جاهي



ياه ياضيقات صدري وإبتهاجه
تذكر آخر مرة ٍ شفتك ..متى هي



صاحبك من يومها زاد إحتياجه
وأمتطى ظهر المصايب والدواهي



سولف الليله على قلبي و ناجه
من بقى لي غيرك أفخر به وأباهي



يابعد من كدّر غيابي مزاجه
ويابعد من مرّت حروفه شفاهي



رغم حيرة قلبك ورغم إنزعاجه
الزمن .. ماغيّر احساسه تجاهي



ورغم وحشة بعدك وقسوة سياجه
كل حاجه فيك ظلّت مثل ماهي



الخجل في وجهك أول منتواجه
والبراءه في عيونك وأنت ساهي



وبسمتك لامن بغيت تقول حاجه
وغيرتك لاشفت كنّي عنك لاهي



قبل أشوفك .. والزمن عاقد حجاجه
أسأله : وش فيك ؟ وألقى العذر واهي



ويوم شفتك قلت للوقت وعجاجه
هيه ياللي في طعونك كنت راهي



أنت لو غيّرت فينا ألف حاجه
القلوب البيض تبقى مثل ماهي



فهد المساعد

[العنودالشمريه]

انتقاء جميل جدا
ماشاءالله
شكرا لك

[نايف الجابر]

صح لسانك
ولسان شاعرها

فعلا أنتقاء جميل

تقبل تحياتي

[ماجد الحربي]

العنود


سعدت بعطر مرورك العطر

اشكر لك رقي مشاعرك..

يعطيك العافيه

[مها يوسف]

يعطيك العافية اخي ماجد
اختيار جميل وموفق
الف شكر

[ذكرى الغالي]

سلمت يداااكـ
تقديري واحترامي
ذكرى الغالي

[ماجد الحربي]

نايف الجابر


اسعدني مرورك العزيز

اشكر لك رقي مشاعرك

لاعدمتك

[عاشقة الفردوس]

صح لسانك واعتلا شانك جميل جدا

[سلوى محمد]

صح لسِان شاعرها ويعطيك العافيه على الانتقاء الجميل

[ماجد الحربي]

جزيل الشكر لكل من شرفني بمروره

يعطيكم العافيه

[مهرة أصيلة]

ماجد الحربي قصيدة رائعة ارق التحايا لك

[حنين علي]

ماجد الحربي شكرا لك على اختيارك ويعطيك العافية تحيتي لك

[البحر الحزين]

الصديق ماجد الحربي زاختيار رائع جزيل الشكر لك