كسرت القلم

[مساعد الحارثي]

بسم الله الرحمن الرحيم

غالي على قلبي ارسل لي الصوره وقال اسوي عليها قصيده تناسب الصوره

https://fbcdn-sphotos-c-a.akamaihd.net/hphotos-ak-frc1/425791_410589155673639_1581221110_n.jpg

كسرت القلم


وانا من فرح قلبي بوصلة غلا الغالين = اخذت القلم بكتب تراحيب لعيونه
ولكن بدل مااكتب كسرت القلم نصفين = علمت انهم ملفين للدار من دونه
مع كسرته كن حد طعن قلبي بسكين = وكنهم يبون الجرح لي يوم يبقونه
ووالله لولا خوف شي يوصله بعدين = لروح انشد اهله وش بلاهم يخلونه
ويالصبر وينك حاجتي لك تجي ذلحين = تهون ونين القلب من كثرة اشجونه
وبلسبك ثوب امسح بكمك دموع العين = وتستر خفايا روح للزين محنونه
ابا اطلع ولاحد شافني ظن حالي زين = وهو لو يدقق يعرف بحالي اشلونه
علي واجب استقبل ظعون الذي ملفين = وانا واجبي مهما حصل ماانقصر دونه
لاني اشوف الواجب انه شبيه الدين = وراعي الوفاء مايعتذر عند مديونه
ويالشوق لاودك معي اقبل ابشرطين = تقع تحت امر الصبر وتطيع قانونه
وحاذر تحاول تقرب عيوني الثنتين = وتظهر وتفضح سر قلبي ومكنونه
انا وانت ياشوقي على الصبر متفقين = لما الله يجيب اللي هله مايجيبونه


وسلامتكم

[مها يوسف]

الأخ العزيز الشاعر والكاتب القدير
الفاضل مساعد الحارثي
شكراً لك على الأبيات الجميلة والمعبرة
بجد كلمات من القلم ووصلت القلب
دام القلم والخاطر ودمت بخير
الف شكر يا عزيزي

[مساعد الحارثي]

القديرة مها يوسف

يسعدني ويشرفني حضورك وعذب مرورك

ويكمن الجمال في تواجدك

والروعة في ردك

تقبلي مني باقة ورد

وشكري وتقديري وسلامي واحترامي

[عبق المشاعر]

سلمت يمناك وصح لسانك على هذه الذائقه
حضور يستحق الاحتفاء
دمت بخير لاينتهي
























تحيتي
عبق المشاعر

[مساعد الحارثي]

الرائعة عبق المشاعر

اسعدني مرورك وشرفني حضورك

وصح بدنك لاهنتي


مع باقة ورد


شكري وتقديري وسلامي واحترامي

[محمد ال مهيد]

صح لساانك وبيض الله وجهك

ابيات رغم قصرها الا انها راائعه

سجل اعجابي

محمد

[همس النسيم]

ماشاء الله يابو هادي على هالمقطوعة الجميلة
التي عانقت المشاعر بجزالتها رغم قصرها
صح لسانك وصح كلك
ولا تحرمنا من جديدك

[سالم محسن الفهمي]

القدير / مساعد الحارثي صح الله لسانك كتبت فابدعت

[مساعد الحارثي]

القدير محمد ال مهيد

اسعدني حضورك وشرفني مرورك

وصح نبضك لاهنت

ويسلم راسك وكل غالي عليك


مع باقة ورد


شكري وتقديري وسلامي واحترامي

[مساعد الحارثي]

جميلة الحضور ورائعة المرور

همس النسيم

نورتي الصفحة ويسلم راسك وغواليك

مع باقة ورد

شكري وتقديري وسلامي واحترامي

[مساعد الحارثي]

القدير محسن سالم

اسعدني حضورك وشرفني مرورك

وصح نبضك لاهنت

ويسلم راسك وكل غالي عليك


مع باقة ورد


شكري وتقديري وسلامي واحترامي

[الأصيلة]

نص راقي وكلمات جميلة وسطور ذهبية
تغنت بنا في ارجاء الكون بعذوبة ورقة
الف صح الله السانك وعلا شانك
شكرا لك على جميل الطرح

دعواتي

[مساعد الحارثي]

القديرة الاصيله

يسعدني مرورك ويشرفني حضورك

ويسلم راسك وكل غالي عليك


وصح بدنك لاهنتي


شكري وتقديري