طلال بن نشار
09-29-2013, 05:46 PM
يــاهل الــولع قلبــي تــزايد فتوقه =قصده يسّـج بـديرتن مــابها أسوار
من فوق شاصٍ يعجب اللي يسوقه=مجــهزينه للمقــاطــع والأخـطــار
مضفٍ على كل الصحاري حقوقه=تّــوه جــديــدٍ كــل طبلونه أصفار
إلــيا شــلع تقول يــرخي سبوقه=فــرخٍ قــطامي ورّد عقــب محدار
الطيــر والــدربيل تــزهى شنوقه =والعــزبه اللــي زودهــا بـن وبهار
أمــل التـــوانك لا تهمــك عــروقه =وإضرب تهاتيه الخلا منــت محتــار
يحلا نسيم الصبح ساعة شروقه =بالفيضـة اللــي كلهــا نبــت نــوار
يــزيـــن بــدع القاف بحـلا طـروقه =بقـفــرٍ خــلاء مــاطبــها كــل دوار
إرم الحطب والـناس كــلٍ وشوقه =وجــذ الدلال الصفر فمصالي النار
ثــم إحـكر الفنــجال ويــزين ذوقه =بــريــةٍ يــطــرب لــهــا كــل زوار
الصـــيد واجـــد والنشاما تحوقه =غـــزايــرٍ دايـــم سمينات وخيار
إرم النـــظر مــافيه شئ يعوقه =برضِ خـــلاء ترتع بها دق الأبكار
العمـــر فانــي والليالي تسوقه =والرازق الله والمـخاليــق قـصّار
من فوق شاصٍ يعجب اللي يسوقه=مجــهزينه للمقــاطــع والأخـطــار
مضفٍ على كل الصحاري حقوقه=تّــوه جــديــدٍ كــل طبلونه أصفار
إلــيا شــلع تقول يــرخي سبوقه=فــرخٍ قــطامي ورّد عقــب محدار
الطيــر والــدربيل تــزهى شنوقه =والعــزبه اللــي زودهــا بـن وبهار
أمــل التـــوانك لا تهمــك عــروقه =وإضرب تهاتيه الخلا منــت محتــار
يحلا نسيم الصبح ساعة شروقه =بالفيضـة اللــي كلهــا نبــت نــوار
يــزيـــن بــدع القاف بحـلا طـروقه =بقـفــرٍ خــلاء مــاطبــها كــل دوار
إرم الحطب والـناس كــلٍ وشوقه =وجــذ الدلال الصفر فمصالي النار
ثــم إحـكر الفنــجال ويــزين ذوقه =بــريــةٍ يــطــرب لــهــا كــل زوار
الصـــيد واجـــد والنشاما تحوقه =غـــزايــرٍ دايـــم سمينات وخيار
إرم النـــظر مــافيه شئ يعوقه =برضِ خـــلاء ترتع بها دق الأبكار
العمـــر فانــي والليالي تسوقه =والرازق الله والمـخاليــق قـصّار