محمد السنيدي
10-13-2013, 01:30 AM
رفيق السفر من هو يبوق برفيقه=لاني بهيّن ولا رضيت المهانه .
. ترى السفر يكشف علوم الخليقه =لاشك ظني فيك ماهو بمكانه .
. زال القناع اللّي وراه الحقيقه=والطبع يظهر.. لو يطوّل زمانه .
. والمعدن اللّي شفت يخدع بريقه=وغير الذهب معدن يزول إلمعانه .
. وأنا هقيتك رجل سمح الطريقه=صافي الضمير ولا ضمرت الخيانه .
. ماهو من أصلك ,لك جذورٍ عريقه=أبوك ,وجدّك ..قبله العهد صانه .
. ذكرتني نوح ,والأراضي غريقه=ترك الشقي وإن كان ولده وشانه .
. وآدم ,أبو قابيل .. قاتل شقيقه=وإبراهيم ,أبوه آزر..صانع أوثانه .
. الطبع ثوبٍ وكلٍ لابسٍ مايليقه=وكلٍ تخيّر في المجالس مكانه .
.ومن عادتي نظم المعاني الرقيقة=لكن شعوري في قصيدي بيانه .
. غزاك شعري والأعنه طليقه=مالك ملاذ .. ولو طلبت الحصانه .
. اسأل عدوي كم تعنى بريقه=لامن طرو اسمي يحرك لسانه .
. غاراتنا بالحق .. بأسٍ وضيقه=على العدى والنصر ..العفو زانه .
. اسوة نبيٍ ..بالمعاني عميقه=اللي فتح مكه بسطوة سنانه .
. وصلاة ربي عد نسل الخليقه=على اللذي بالحق أدى الأمانه
و سلامة روسكم ,,
. ترى السفر يكشف علوم الخليقه =لاشك ظني فيك ماهو بمكانه .
. زال القناع اللّي وراه الحقيقه=والطبع يظهر.. لو يطوّل زمانه .
. والمعدن اللّي شفت يخدع بريقه=وغير الذهب معدن يزول إلمعانه .
. وأنا هقيتك رجل سمح الطريقه=صافي الضمير ولا ضمرت الخيانه .
. ماهو من أصلك ,لك جذورٍ عريقه=أبوك ,وجدّك ..قبله العهد صانه .
. ذكرتني نوح ,والأراضي غريقه=ترك الشقي وإن كان ولده وشانه .
. وآدم ,أبو قابيل .. قاتل شقيقه=وإبراهيم ,أبوه آزر..صانع أوثانه .
. الطبع ثوبٍ وكلٍ لابسٍ مايليقه=وكلٍ تخيّر في المجالس مكانه .
.ومن عادتي نظم المعاني الرقيقة=لكن شعوري في قصيدي بيانه .
. غزاك شعري والأعنه طليقه=مالك ملاذ .. ولو طلبت الحصانه .
. اسأل عدوي كم تعنى بريقه=لامن طرو اسمي يحرك لسانه .
. غاراتنا بالحق .. بأسٍ وضيقه=على العدى والنصر ..العفو زانه .
. اسوة نبيٍ ..بالمعاني عميقه=اللي فتح مكه بسطوة سنانه .
. وصلاة ربي عد نسل الخليقه=على اللذي بالحق أدى الأمانه
و سلامة روسكم ,,