عبدالله بن محمد العبدالله
10-18-2013, 04:58 PM
صباح الفل والنرجس وأحلى عطر من شانيـل=صباح الجو الأوروبي مطر وغيـوم منتثره
صبـاح يودع الظلمـا مع القمرا ونجم سهيـل=صباح يبوح للشاعر عن إحساسه وعن شعره
صبـاحٍ قـافي آصوغه على الألحـان والتفعيل=صباح الجو رومنسي ولحن يذوب الصخره
صبـاحٍ في محياكم يزيـن الفـن والتمـويـل=صبـاح ادوزن اوتاري واشل الصوت واجره
صبـاحٍ كل من شـافه يرد الصـوت به ويشيل=صبـاح يسمع العـالم بصـوتٍ عالي النبره
صبـاح يلملم أوراقي ويحـرق كل هـم الليـل=صبـاحٍ فيك يجمعني بعـد صبرٍ نفذ صبـره
صبـاح يطلق احـزاني ثلاثٍ من ورا التحليـل=صبـاح يذوب السكر ويشعل باللهب جمـره
صبـاحٍ مـا عرف سـوف ولا لكن ولا التعليل=صباح يحقق أحلامٍ ربت فـ القلب من صغره
صباح يبهـر دلالي على جمـرك بطعم الهيـل=صباح يكيف العاشق وينثر فـ الهوى عطره
صباح البحر والنورس وصوت الموج مثل السيل=صبـاح يداعب الشاطي ويضحك مده وجزره
صبـاح الوادي الأخضر مطرز بالنـدى والغيـل=صبـاح كفوفك البيضا تحن وتحضن الزهره
صبـاح الشوق واللهفه وكلمة أعشقك بالحيـل=صبـاحٍ يدفن الفرقـا ويحفر بالصدر قبـره
صبـاح رمـوش جـذابه ولحظٍ يجـرح التظليل=صبـاح يردد أشعاري ويحي باقي السهـره
صبـاح البـان يـا غصنٍ يميل ويعتدل ويميـل=صبـاح الرمش لا سلهم كلام الكون يختصره
صبـاح من الخيـال ابعد وأبعد من مدى التأويل=صبـاح أحـلام ورديه بنفس الجو والفكـره
صبـاح الخطـوه الأولى بداية ألف ميل وميـل=صبـاحٍ فيه يتحقق وعـد أمس وأمل بكـره
صبـاح العشق وجنونه و الا يـا ويل قلبي ويل=صبـاح يبدد الظلمـا وليلٍ طــال بي غدره
صبـاحٍ ينثر البلسـم ويطفي شمعـة القنديـل=صبـاح اعد لحظـاته من أول ما بزغ فجره
صبـاح ألـوان فستـانك وروعة دقة التفصيل=صبـاح النقش بالحنا بلون أدكن من الحمره
صبـاح يغني أشعـاري لقلبٍ مـا بقى به حيل=صباحٍ يجبر بخاطر ( ...... ) وقلوب منكسره
صبـاح الشـال لا طوح مع الطرحه مع المنديل=صباح حكـاية آلآمٍ وبحة صـوت مع زفـره
صبـاح أجمل من وجيهٍ غزاها الروج والتجميل=صبـاحٍ حقق أحـلامي معك يا خانق العبره
صبـاح الشهـد وورودك وطرفٍ يكره التدليـل=صبـاح الجيد والخاتم وعقدٍ يشتكي نحـره
صبـاح يقول بس أنتي ولا لك فـ البشر تبديل=صبـاح يبكي العـاذل ندم ويموت من قهره
صبـاح يجسد الواقـع ويمحي ما مضى ويزيل=صبـاح يسلمـك قلبي غصب والعين منبهره
صباح من الربيع أجمل وأجمل من ضفاف النيل=صبـاح الحب شي ثاني بلا سحر وبلا سكره
صبـاح يسكت الواشي ويقطع كل قـال وقيل=صبـاح العـاذل الأبكم وجمع أفـواه منثبره
صبـاح الخير يا ليلٍ طـويلٍ مثل ذيـل الخيل=صبـاح الليم رويـانٍ وجسمٍ ضامرٍ خصره
صباح النور يا عمري يا أجمل بنت في هالجيل=صبـاحٍ كل مـا اشوفك يزول الهم والحسره
صبـاح أجمل عطوراتي يا كل الذوق يا شانيل=صبـاح انفـاسك العذبه مع دمعـات منتثره
صبـاح يودع الظلمـا مع القمرا ونجم سهيـل=صباح يبوح للشاعر عن إحساسه وعن شعره
صبـاحٍ قـافي آصوغه على الألحـان والتفعيل=صباح الجو رومنسي ولحن يذوب الصخره
صبـاحٍ في محياكم يزيـن الفـن والتمـويـل=صبـاح ادوزن اوتاري واشل الصوت واجره
صبـاحٍ كل من شـافه يرد الصـوت به ويشيل=صبـاح يسمع العـالم بصـوتٍ عالي النبره
صبـاح يلملم أوراقي ويحـرق كل هـم الليـل=صبـاحٍ فيك يجمعني بعـد صبرٍ نفذ صبـره
صبـاح يطلق احـزاني ثلاثٍ من ورا التحليـل=صبـاح يذوب السكر ويشعل باللهب جمـره
صبـاحٍ مـا عرف سـوف ولا لكن ولا التعليل=صباح يحقق أحلامٍ ربت فـ القلب من صغره
صباح يبهـر دلالي على جمـرك بطعم الهيـل=صباح يكيف العاشق وينثر فـ الهوى عطره
صباح البحر والنورس وصوت الموج مثل السيل=صبـاح يداعب الشاطي ويضحك مده وجزره
صبـاح الوادي الأخضر مطرز بالنـدى والغيـل=صبـاح كفوفك البيضا تحن وتحضن الزهره
صبـاح الشوق واللهفه وكلمة أعشقك بالحيـل=صبـاحٍ يدفن الفرقـا ويحفر بالصدر قبـره
صبـاح رمـوش جـذابه ولحظٍ يجـرح التظليل=صبـاح يردد أشعاري ويحي باقي السهـره
صبـاح البـان يـا غصنٍ يميل ويعتدل ويميـل=صبـاح الرمش لا سلهم كلام الكون يختصره
صبـاح من الخيـال ابعد وأبعد من مدى التأويل=صبـاح أحـلام ورديه بنفس الجو والفكـره
صبـاح الخطـوه الأولى بداية ألف ميل وميـل=صبـاحٍ فيه يتحقق وعـد أمس وأمل بكـره
صبـاح العشق وجنونه و الا يـا ويل قلبي ويل=صبـاح يبدد الظلمـا وليلٍ طــال بي غدره
صبـاحٍ ينثر البلسـم ويطفي شمعـة القنديـل=صبـاح اعد لحظـاته من أول ما بزغ فجره
صبـاح ألـوان فستـانك وروعة دقة التفصيل=صبـاح النقش بالحنا بلون أدكن من الحمره
صبـاح يغني أشعـاري لقلبٍ مـا بقى به حيل=صباحٍ يجبر بخاطر ( ...... ) وقلوب منكسره
صبـاح الشـال لا طوح مع الطرحه مع المنديل=صباح حكـاية آلآمٍ وبحة صـوت مع زفـره
صبـاح أجمل من وجيهٍ غزاها الروج والتجميل=صبـاحٍ حقق أحـلامي معك يا خانق العبره
صبـاح الشهـد وورودك وطرفٍ يكره التدليـل=صبـاح الجيد والخاتم وعقدٍ يشتكي نحـره
صبـاح يقول بس أنتي ولا لك فـ البشر تبديل=صبـاح يبكي العـاذل ندم ويموت من قهره
صبـاح يجسد الواقـع ويمحي ما مضى ويزيل=صبـاح يسلمـك قلبي غصب والعين منبهره
صباح من الربيع أجمل وأجمل من ضفاف النيل=صبـاح الحب شي ثاني بلا سحر وبلا سكره
صبـاح يسكت الواشي ويقطع كل قـال وقيل=صبـاح العـاذل الأبكم وجمع أفـواه منثبره
صبـاح الخير يا ليلٍ طـويلٍ مثل ذيـل الخيل=صبـاح الليم رويـانٍ وجسمٍ ضامرٍ خصره
صباح النور يا عمري يا أجمل بنت في هالجيل=صبـاحٍ كل مـا اشوفك يزول الهم والحسره
صبـاح أجمل عطوراتي يا كل الذوق يا شانيل=صبـاح انفـاسك العذبه مع دمعـات منتثره