عبدالله بن محمد العبدالله
11-21-2013, 07:45 AM
سافرت في ذات يومٍ معْ طريق الهَدا=النيَّه مبيَّتَه ... والوجهه ميمَّمَه
ما راح (م)العمر راح ... وشوق قلبي غدا=يزِّف بشرى الهُدى ، تايب لبس محرمه
النثر له منتدى ... والشعر له منتدى=اقروا دعاء السفر ... ثم اربطوا لاحزمه
كم عشت صبر وملامه ... والطريق اجردا=وطرقت باب الأمل ... باكُفِّي المعدمه
من بوح صدق المشاعر ... كم شدا من شدا=ومن نازف اعماق قلبي ... كم حكت ملحمه
يغازل الليل نجم سهيل والفرقدا=ويقلِّد البدر نجمات الثريَّا اوسمه
ويشيل قافي عنادل صبح معها صدى=شعري ، يلامس شواطي غاية المُلهِمَه
من قال ليله سرى ... لا يحتري مرقدا=ومن هام ... يصبر على اللوعات والسلهمه
يا بخت من بات رايق جَو ... باله هَدا=ما قام في معترك ليله ... يعد انجمه
يا صاحبي ... والشموع اللي غدت موقدا=حاذر على ضوَّها ... والصدر لك مُعْجَمَه
خذ ما تبي ... من خوالج مُهجتي ... ما عدا=سرٍ قديمٍ قضيت العمر وآنا اكتمه
وجه المعنَّى غدا حزين ومورَّدا=وقلبه من الذنب ذاب ... وقام يلهج فَمَه
بالحمد والشكر ... يرجو ربه السؤددا=يا رب شفِّي الرضى عبدك عصى فارحمه
التوبه اعلنتها ، وعلى طريق الهُدى=الشرّْ رَد (ا)قدمه ... والخير ساق (ا)قدمه
ما راح (م)العمر راح ... وشوق قلبي غدا=يزِّف بشرى الهُدى ، تايب لبس محرمه
النثر له منتدى ... والشعر له منتدى=اقروا دعاء السفر ... ثم اربطوا لاحزمه
كم عشت صبر وملامه ... والطريق اجردا=وطرقت باب الأمل ... باكُفِّي المعدمه
من بوح صدق المشاعر ... كم شدا من شدا=ومن نازف اعماق قلبي ... كم حكت ملحمه
يغازل الليل نجم سهيل والفرقدا=ويقلِّد البدر نجمات الثريَّا اوسمه
ويشيل قافي عنادل صبح معها صدى=شعري ، يلامس شواطي غاية المُلهِمَه
من قال ليله سرى ... لا يحتري مرقدا=ومن هام ... يصبر على اللوعات والسلهمه
يا بخت من بات رايق جَو ... باله هَدا=ما قام في معترك ليله ... يعد انجمه
يا صاحبي ... والشموع اللي غدت موقدا=حاذر على ضوَّها ... والصدر لك مُعْجَمَه
خذ ما تبي ... من خوالج مُهجتي ... ما عدا=سرٍ قديمٍ قضيت العمر وآنا اكتمه
وجه المعنَّى غدا حزين ومورَّدا=وقلبه من الذنب ذاب ... وقام يلهج فَمَه
بالحمد والشكر ... يرجو ربه السؤددا=يا رب شفِّي الرضى عبدك عصى فارحمه
التوبه اعلنتها ، وعلى طريق الهُدى=الشرّْ رَد (ا)قدمه ... والخير ساق (ا)قدمه