القلوب البيض

[ماجد الحربي]

يوم هبّ الوقت وأعماني عجاجه
الفرج عيّا .. وأنا بالصبر راهي



ويوم مال وطال ميله وأعوجاجه
رحت أدوّر شي ٍ يشد إنتباهي



وشفت زولك مقبل ٍ مثل إنفراجه
كنّه اللي جايبٍ عزّي و جاهي



ياه ياضيقات صدري وإبتهاجه
تذكر آخر مرة ٍ شفتك ..متى هي



صاحبك من يومها زاد إحتياجه
وأمتطى ظهر المصايب والدواهي



سولف الليله على قلبي و ناجه
من بقى لي غيرك أفخر به وأباهي



يابعد من كدّر غيابي مزاجه
ويابعد من مرّت حروفه شفاهي



رغم حيرة قلبك ورغم إنزعاجه
الزمن .. ماغيّر احساسه تجاهي



ورغم وحشة بعدك وقسوة سياجه
كل حاجه فيك ظلّت مثل ماهي



الخجل في وجهك أول منتواجه
والبراءه في عيونك وأنت ساهي



وبسمتك لامن بغيت تقول حاجه
وغيرتك لاشفت كنّي عنك لاهي



قبل أشوفك .. والزمن عاقد حجاجه
أسأله : وش فيك ؟وألقى العذر واهي



ويوم شفتك قلت للوقت وعجاجه :
هيه ياللي في طعونك كنت راهي



أنت لو غيّرت فينا ألف حاجه
القلوب البيض تبقى (http://www.5foq.com/vb/t314296.html)مثل ماهي





لِـــ مرهف الإحساس فهد المساعد http://www.5foq.com/vb/5foq/smile/266.gif (http://www.5foq.com/vb/t314296.html) http://www.coool-girls.com/vb/images/smilies/127.gif (http://www.5foq.com/vb/t314294.html)

[وهم الحياة]

صدق الشاعر

وصدق ناقلها

بيض الله وجهك

وبارك الله فيك

[ايمااان حمد]

عزّ الله ان القلوب البيض تبقى مثل ماهي
القدير/ ماجد الحربي
صح لسان قايلها
وسلمت ذائقتك الرائعة
لروحك رذاذ المطر
...
...
ايمااان حمد

[مها يوسف]

الآخ العزيز ماجد الحربي
شكرا لك على اختيارك الجميل
الف شكر

[مزاحم الشريدة]

ياماجد ياماجد ياماجد

كلمات تهزج في الروح

والزمن حتما سيغيّر احساسة

ابدع فهد المساعد احسن ابداع

كل الود .