[ برجك العاجي ]

[منصور الرويلي]

يانور عتمة سمايه نورّي جوي = خدك ينـوّر عـلــّيه ليلي الداجي
الهم بين الحنايا العوج متلوي = والجرح ينزف الم شحيت بعلاجي
صبري سلاحي وأنا مازلت متقوي =أقوى على الصبر ماتقوى على أسياجي
كنت أول أقول بسـّوي ولا أسوي = وأجمع أوراق السنين بداخل أدراجي
توي نويتك بقلبي يالغضي توي = عزمّـت أنزلك وأرقى برجك العاجي
بسكن عروشك وأعانق طاير الجوي = وأطلع معه غيمتك وأنزل على أبراجي
بجيك ضامي وأبنهج منك متروي = بشفي خفوقي وأبطلق عقدة حجاجي
أسقي ورودك غلاي وينهمر نوي = على جفاف الفياض ودعوة الراجي
غيثً تبشر رعوده صحصح الدوي = سحبه ترزم وبرقه يلعج العاجي
الى متى في عذاب الصد متلوي = طولت صدك وأنا للوصل محتاجي
ماني ضعيف آتحـّمـل بس من قوي = ومدامي أقوى ترى لك علمٍ مفاجي


.
.
.
.

[العنودالشمريه]

ااهلا وسهلا بك حياك الله
نص من الطراز الفاخر
سرني تواجدي والتمعن
صح لسانك مليار ولايكفون
وتسلم يمينك ولاهانت يسارك
دمت بخير لاينتهي

[همس النسيم]

نص فخم يامنصور
صح لسانك ملايين
ولا عدمنا حضورك البهي ياراقي

[أنين الأرض]

صـبــري سـلاحــي وأنـــا مـازلــت مـتـقــوي
أقوى على الصبر ماتقوى على أسياجي

قلم براق أدهشتني شجونه

واحساس بالحروف ينبض حتى جعل من الكلمات متحدث همام

تسلم يمناك وذائقتك
لك جل احترامي

[عاشقة الفردوس]

القدير الشاعر والاعلامي كل التقدير لنثركم المتميز سلمت الانامل

[محمد ال مهيد]

الله الله عليك ابداع وتمكن يستحق المتابعه

سجل اعجابي

محمد

[عبدالله الحضبي]

منصور دائما رائع شكرا لتميزك