منصور الرويلي
04-19-2014, 02:07 AM
مرحوم ياللي تفتخر فيه الاحفاد = زيزوم ربعه ماتجي الناس نصفه
.
.
مرت ثمان سنين والحزن عنوان = مرت ثمان سنين والجرح ماطاب
طافت بي الذكرى على موج حرمان = وأسترجع الهاجس تفاصيل الاسباب
ذكرت أبويه .. ياسلايل كحيلان = يومنه شاف الموت كشرّ بالانياب
في موقفٍ هول المصيبه بالاعيان = أسمع وصاته واكثر الناس غيّاب
يقول (يامنصور) : للفعل برهان = وأقول يفدونك طويلين الاشناب
منها بقيت بنظرته عالي الشأن = في لحظةٍ دمعي على الخد سكاب
رفعت راسي وأشعر الهم بركان = أحس في صدري نياشين وحراب
ناديت بأسمه من على راس مابان = اللي رحيله أودع القلب منصاب
أسمه نماري به على مر الازمان = أسمٍ يعرفونه قريبين وأجناب
زيزوم ربعه سيرته تعمر أوطان = لو غاب راسه طيّب الصيت ماغاب
من يذكره بالخير ماهوب خسران = ومن يحفظ عهود الرجاجيل ماخاب
هو فزعة المظلوم كان الدهر شان = فعله مثل نارٍ على راس مرقاب
قصة حياته بالفخر سر وأعلان = شيخٍ تفاخر به عريبين الانساب
(أبويه) اللي شامخ الراس ماهان = من قو باسه عاش للطيب طلاب
لقيت في ظله عن الضيم مزبان = وحققت ذاتي وأنفتح للامل باب
أعيش في قربه من الخوف بأمان = ياستر منهو جاه ضايق ومرتاب
من يوم غاب ودنيتي هم وأحزان = ودموع عيني حايره وسط الاهداب
يا وآلدي هيجنت بك عذب الالحان = والشعر بأسمك يسلب عقول الالباب
ولي الفخر أهديك بالشعر ديوان = دوّنت به كل التفاصيل بكتاب
الموت بندق والمخاليق نيشان = والعمر لحظه والقدر سيف الارقاب
يا الله . يا المعبود . يامديّر الاكوان = تجزاه عنا خير يارب الارباب
وتجعل مقره جنة الخلد بأحسان = وتغفر أذنوبه كثر مافك الانشاب
وتمطر على قبره من الغر هتان = من مزنةٍ تسقي بها سهول وأهضاب
.
.
.
.
.
.
مرت ثمان سنين والحزن عنوان = مرت ثمان سنين والجرح ماطاب
طافت بي الذكرى على موج حرمان = وأسترجع الهاجس تفاصيل الاسباب
ذكرت أبويه .. ياسلايل كحيلان = يومنه شاف الموت كشرّ بالانياب
في موقفٍ هول المصيبه بالاعيان = أسمع وصاته واكثر الناس غيّاب
يقول (يامنصور) : للفعل برهان = وأقول يفدونك طويلين الاشناب
منها بقيت بنظرته عالي الشأن = في لحظةٍ دمعي على الخد سكاب
رفعت راسي وأشعر الهم بركان = أحس في صدري نياشين وحراب
ناديت بأسمه من على راس مابان = اللي رحيله أودع القلب منصاب
أسمه نماري به على مر الازمان = أسمٍ يعرفونه قريبين وأجناب
زيزوم ربعه سيرته تعمر أوطان = لو غاب راسه طيّب الصيت ماغاب
من يذكره بالخير ماهوب خسران = ومن يحفظ عهود الرجاجيل ماخاب
هو فزعة المظلوم كان الدهر شان = فعله مثل نارٍ على راس مرقاب
قصة حياته بالفخر سر وأعلان = شيخٍ تفاخر به عريبين الانساب
(أبويه) اللي شامخ الراس ماهان = من قو باسه عاش للطيب طلاب
لقيت في ظله عن الضيم مزبان = وحققت ذاتي وأنفتح للامل باب
أعيش في قربه من الخوف بأمان = ياستر منهو جاه ضايق ومرتاب
من يوم غاب ودنيتي هم وأحزان = ودموع عيني حايره وسط الاهداب
يا وآلدي هيجنت بك عذب الالحان = والشعر بأسمك يسلب عقول الالباب
ولي الفخر أهديك بالشعر ديوان = دوّنت به كل التفاصيل بكتاب
الموت بندق والمخاليق نيشان = والعمر لحظه والقدر سيف الارقاب
يا الله . يا المعبود . يامديّر الاكوان = تجزاه عنا خير يارب الارباب
وتجعل مقره جنة الخلد بأحسان = وتغفر أذنوبه كثر مافك الانشاب
وتمطر على قبره من الغر هتان = من مزنةٍ تسقي بها سهول وأهضاب
.
.
.
.