ضرغام العراقي
03-18-2010, 05:51 AM
فكرتها من رائعة يوسف السباعي فارس الرومانسية
رواية " ردَ قلبي "
بطل الفلم
ماگلك بطل
والدور الي كل يوم لو دور البطل بالناس ما اثر
ومااحسبه فخر
دور البطوله هواى لو ضيف الشرف گبل البطل يظهر
افلام شكثر تلگله على التلفاز
وافلام شكثر في واقعك تظهر
ومعروف البطل گبل النهايه ايموت لو ياخذ حبيبه بسرعه هو وفر
ولاهايه تصح
لا ذيچ هم وياي
منك يا حبيبي راح شتعذر
مااعيشك حلم
عن الحقيقه ابعيد لو اوعدك وعد بس انه ما اگدر
ولا تبني حلم لو فارس الاحلام صفط بس حچي لا قدم واخّر
وقصتي ويه الزمن مكتوبه بالدمعات
ومخرجهه الحزن ويّاي ما قصّر ...
ايعيد المشاهد دون اي اذنوب
ويگلي بعد حزنك واريد اكثر
وانتاج الفلم بسنين عمري الضاع واتّاني ربح لو عمرك اتبعثر؟
وتفائل تگلي كل الف تبدء ميل
شتفائل اذا اباولهه واتعثّّر ...
هم مثلي شفت فد يوم مرّك عوز يالساكن قصر ما تعرف العسكر!؟
بسك واقتنع ماتدري بيه شلون گدامي بحر وبظهري الف خنجر
بسك واقتنع ممتابع الاحداث معروفه النهايه اتخيل المنظر
لا انته تصح لا فوز طبعاَ بيك
وجائزة الفلم للغير تتحضر ...
يعني :
قررت بس هذه واقع حال
اعلن بعتزالي راحه وتكّتر...
ضرغام العراقي
رواية " ردَ قلبي "
بطل الفلم
ماگلك بطل
والدور الي كل يوم لو دور البطل بالناس ما اثر
ومااحسبه فخر
دور البطوله هواى لو ضيف الشرف گبل البطل يظهر
افلام شكثر تلگله على التلفاز
وافلام شكثر في واقعك تظهر
ومعروف البطل گبل النهايه ايموت لو ياخذ حبيبه بسرعه هو وفر
ولاهايه تصح
لا ذيچ هم وياي
منك يا حبيبي راح شتعذر
مااعيشك حلم
عن الحقيقه ابعيد لو اوعدك وعد بس انه ما اگدر
ولا تبني حلم لو فارس الاحلام صفط بس حچي لا قدم واخّر
وقصتي ويه الزمن مكتوبه بالدمعات
ومخرجهه الحزن ويّاي ما قصّر ...
ايعيد المشاهد دون اي اذنوب
ويگلي بعد حزنك واريد اكثر
وانتاج الفلم بسنين عمري الضاع واتّاني ربح لو عمرك اتبعثر؟
وتفائل تگلي كل الف تبدء ميل
شتفائل اذا اباولهه واتعثّّر ...
هم مثلي شفت فد يوم مرّك عوز يالساكن قصر ما تعرف العسكر!؟
بسك واقتنع ماتدري بيه شلون گدامي بحر وبظهري الف خنجر
بسك واقتنع ممتابع الاحداث معروفه النهايه اتخيل المنظر
لا انته تصح لا فوز طبعاَ بيك
وجائزة الفلم للغير تتحضر ...
يعني :
قررت بس هذه واقع حال
اعلن بعتزالي راحه وتكّتر...
ضرغام العراقي