درب الخـراب

[عبدالله الصقري]

متّبــع درب الخـراب يعـــاب
كـ الّلـذي يرقى كثيب مهـيـل

أو كما نجم ٍ يطيح شْـهــــاب
يحتـرق بـالجـــوّ قبل يـغـيــل

هزّني صمت الـفــؤاد و ذاب
لين دمعـي غــرّق المنــديــل

عشت مع صادق ومع كذّاب
تـهــت بين الظل والتـظليـــل

بين بيبـــان المــوافـــا بــاب
مــات مفتــاحـه بـكـفّ بخيل

حـرّم المعبــود شرع الغــاب
في هدى التـنـزيـــل كل دليل

بين قطع رقـاب وعتق رقاب
مثل ما بين الســرا و النيــل

العفـاف اطهر و اعـزّ ثـيـاب
و العزيــز بـدون دين ذليـــل

دين جـاعـل كل شي بـكتــاب
منــزل التـــوراة و الإنجيـــل

غـافـر الذنب العلي التـــوّاب
مخـزي اهل الفيل بالسجّـيـل

[همس النسيم]

صح لساك يالصقري ولا هنت
على هالمقطوعة الجزلة
سلمت ولا ندمت

[عبدالله الصقري]

القديرة
همس النسيــم

يسلمك ربي على هالحضور الجميل

دمتي بكل خير و عطــاء

ولك ودّي و تقديري و احترامي