فهد الثمالي
05-20-2014, 02:08 AM
http://www13.0zz0.com/2010/08/05/13/565221701.jpg (http://vb.svalu.com/)
تعال واسمع هاجسن طايره حام = صقرن حرار وكفخته عز مصيون
اخذ الكلام اللي عن الصدق مانام = واخذ الصحيح اللي على شطر موزون
واقرا حروف الجزل من شاعرن شام = نفسه لهرج الهزل والكذب والخون
الوضع في آخر زمنّا ترى عام = والعمر جرّب وقت قاسي ومسنون
يتغيّر الواقع وتتغيّر احكام = ويزيد مع زود العمر كان تدرون
صار الزمن شطرنج واحجار وارقام = ميدانها لونين لونن غلب لون
دنيا تعز ارخوم وتذل الاكرام = وترفع مقام اللي على الكذب ملسون
ايقوم حظ الشين والذرب ماقام = وراعي المكيده عندهم حاز مضمون
اليا كذب في حيلته فوقهم دام = واليا صدق قلبه لهم عاش مغبون
واتبدّلت بقياسهم وضع الافهام = عكس اتجاه المفترض صار يمشون
وخطّة فهيم تكسّر احجام باحجام = والناس تنزل سلم الحق في دون
وحيله تقص ايدين من حدّ الاكمام = وحيله تكبّر اصغر الناس ويكون
يكبر صغير النفس مع زود الآثام = وحجم الكفو صاير محدد ومركون
ادنى صفات اللؤم ترفع بنمّام = والصدق والمعروف ماعاد يبنون
حظ الذي يشقى على الحق ماضام = ماغيّره بهرج ولا يسرقه لون
ما انحاز في ظلم وظليمه ولاهام = يم الردى والشر فعلن ولاعون
ايراقب اللي خالق الكون علّام = يعرف حدود النفس والعقل متقون
الشرع والملّه وحسْنات الاسلام = والصدق والنيّه لفعلك ترى صون
خلك بتقوى الله ومواصل ارحام = وأد الامانه راقب اللي على الكون
واذكر وخل الذكر تعطير الانسام = وصل الفروض الخمس واعمل بمسنون
وبالوالدين احسان والبر وانعام = والحسن بالجيره مع الرفق مضمون
الدايم الخالق ولا احدن ترى دام = وكلّن حسابه يتبعه عقب يعنون
اثنين في قبرك ملوكن ولزّام = عن اسمك ودينك نبيّك يِسَألْون
اللي ظلم نفسه على النفس لوّام = ماقالها وتضيع يوم انّ يدنون
ياالله تنوّر مرقدن وحش واظلام = وتحسن خواتيم العمل قبل يلقون
تغفر ذنوبن اضرمت نارها اضرام = وتبدّل السيّه بحسنه ويطفون
وختامها صلّوا النبي عدّ من صام = واعداد من طاف الحرم يوم يسعون
على احمد المختار رحمه وترجام = للناس بكتابه مع اعجاز موزون
الشاعر فهد الثمالي
تعال واسمع هاجسن طايره حام = صقرن حرار وكفخته عز مصيون
اخذ الكلام اللي عن الصدق مانام = واخذ الصحيح اللي على شطر موزون
واقرا حروف الجزل من شاعرن شام = نفسه لهرج الهزل والكذب والخون
الوضع في آخر زمنّا ترى عام = والعمر جرّب وقت قاسي ومسنون
يتغيّر الواقع وتتغيّر احكام = ويزيد مع زود العمر كان تدرون
صار الزمن شطرنج واحجار وارقام = ميدانها لونين لونن غلب لون
دنيا تعز ارخوم وتذل الاكرام = وترفع مقام اللي على الكذب ملسون
ايقوم حظ الشين والذرب ماقام = وراعي المكيده عندهم حاز مضمون
اليا كذب في حيلته فوقهم دام = واليا صدق قلبه لهم عاش مغبون
واتبدّلت بقياسهم وضع الافهام = عكس اتجاه المفترض صار يمشون
وخطّة فهيم تكسّر احجام باحجام = والناس تنزل سلم الحق في دون
وحيله تقص ايدين من حدّ الاكمام = وحيله تكبّر اصغر الناس ويكون
يكبر صغير النفس مع زود الآثام = وحجم الكفو صاير محدد ومركون
ادنى صفات اللؤم ترفع بنمّام = والصدق والمعروف ماعاد يبنون
حظ الذي يشقى على الحق ماضام = ماغيّره بهرج ولا يسرقه لون
ما انحاز في ظلم وظليمه ولاهام = يم الردى والشر فعلن ولاعون
ايراقب اللي خالق الكون علّام = يعرف حدود النفس والعقل متقون
الشرع والملّه وحسْنات الاسلام = والصدق والنيّه لفعلك ترى صون
خلك بتقوى الله ومواصل ارحام = وأد الامانه راقب اللي على الكون
واذكر وخل الذكر تعطير الانسام = وصل الفروض الخمس واعمل بمسنون
وبالوالدين احسان والبر وانعام = والحسن بالجيره مع الرفق مضمون
الدايم الخالق ولا احدن ترى دام = وكلّن حسابه يتبعه عقب يعنون
اثنين في قبرك ملوكن ولزّام = عن اسمك ودينك نبيّك يِسَألْون
اللي ظلم نفسه على النفس لوّام = ماقالها وتضيع يوم انّ يدنون
ياالله تنوّر مرقدن وحش واظلام = وتحسن خواتيم العمل قبل يلقون
تغفر ذنوبن اضرمت نارها اضرام = وتبدّل السيّه بحسنه ويطفون
وختامها صلّوا النبي عدّ من صام = واعداد من طاف الحرم يوم يسعون
على احمد المختار رحمه وترجام = للناس بكتابه مع اعجاز موزون
الشاعر فهد الثمالي