الشاعر سعد العمري
06-19-2014, 09:35 PM
بسم الله الرحمن الرحيم
قصيدة (طب العيون)مجاراة الشاعر سعد العمري لقصيدة الشاعر محمد بن فطيس ( دكتور العيون ) واتمنى تنال إعجابكم ,,,,
يالشاعر اللي وصل للريفي زبون=أنت الجزيل اللي على الجزله بنيت
جتني بيوتك وارده فالتالفون=واعذب لحون الصوت فيها بيت بيت
شعرك لمؤمن هيض اللي ينظمون=وانا على نظم الفرايد ماخليت
أكتب واجاري بالشعر من يكتبون =واروي عطش روحي بشعري لاضميت
جعل العمى يخطيك في طب العيون=مادامت الصوره وفا ولها وفيت
ياكثر من يجحد هواه ومن يخون=وانت العديلك لاجحدت ولا نسيت
الله يعين اللي تلوته الشجون=وانا عن اللي مثل شوفي ماجفيت
مني سلام(ن) عد همال المزون=ياصل لمن في حبها عمري فنيت
بذكر غلاها والعرب ماينكرون=إني على سبة هواها ماهويت
الجادل اللي حسنها يبري الغبون=تبقى بجوف القلب عشق(ن) مابقيت
ماضن فيه بزينها بين الزيون=لو عمت ببحور الهوى ولا سميت
صارت بعيني مال وازين مالبنون=واغلا غلا فيما جنيت وماشريت
أكسب غلاها مثل منهم يكسبون=المال باليورو ودينار الكويت
هي فرحتي هي سلوتي لويعذلون=هي بلسمي وان لامست جرحي شفيت
ماطيق فرقاها ولا اطيق الحزون=وان حلت الفرقا تعاميت ولهيت
أسهر ولو كل الخلايق يرقدون=مادام بدر الليل مبعد ماغفيت
هي سر قلب(ن) في ذرى صلب المتون=ماعشت لو في سرها فشت وعريت
سليت سيف الشعر لعيون الفتون=واضرب بحد السيف لامني حكيت
وان قالو الشعار مالا يفعلون=فعلي يبيّن لامدحت ولا هجيت
الرب واحد والبشر له يعبدون=واستغفره من كل وقت(ن) به سهيت
الشاعر / سعد ال درويش العمري
قصيدة (طب العيون)مجاراة الشاعر سعد العمري لقصيدة الشاعر محمد بن فطيس ( دكتور العيون ) واتمنى تنال إعجابكم ,,,,
يالشاعر اللي وصل للريفي زبون=أنت الجزيل اللي على الجزله بنيت
جتني بيوتك وارده فالتالفون=واعذب لحون الصوت فيها بيت بيت
شعرك لمؤمن هيض اللي ينظمون=وانا على نظم الفرايد ماخليت
أكتب واجاري بالشعر من يكتبون =واروي عطش روحي بشعري لاضميت
جعل العمى يخطيك في طب العيون=مادامت الصوره وفا ولها وفيت
ياكثر من يجحد هواه ومن يخون=وانت العديلك لاجحدت ولا نسيت
الله يعين اللي تلوته الشجون=وانا عن اللي مثل شوفي ماجفيت
مني سلام(ن) عد همال المزون=ياصل لمن في حبها عمري فنيت
بذكر غلاها والعرب ماينكرون=إني على سبة هواها ماهويت
الجادل اللي حسنها يبري الغبون=تبقى بجوف القلب عشق(ن) مابقيت
ماضن فيه بزينها بين الزيون=لو عمت ببحور الهوى ولا سميت
صارت بعيني مال وازين مالبنون=واغلا غلا فيما جنيت وماشريت
أكسب غلاها مثل منهم يكسبون=المال باليورو ودينار الكويت
هي فرحتي هي سلوتي لويعذلون=هي بلسمي وان لامست جرحي شفيت
ماطيق فرقاها ولا اطيق الحزون=وان حلت الفرقا تعاميت ولهيت
أسهر ولو كل الخلايق يرقدون=مادام بدر الليل مبعد ماغفيت
هي سر قلب(ن) في ذرى صلب المتون=ماعشت لو في سرها فشت وعريت
سليت سيف الشعر لعيون الفتون=واضرب بحد السيف لامني حكيت
وان قالو الشعار مالا يفعلون=فعلي يبيّن لامدحت ولا هجيت
الرب واحد والبشر له يعبدون=واستغفره من كل وقت(ن) به سهيت
الشاعر / سعد ال درويش العمري