ديوان الشااعر / بحر القصيد~ ......!! [الأرشيف]

بحر القصيد

07-25-2014, 08:57 AM

http://dqatelsa3a.com/up/uploads/1398278608191.jpg

ياليت خلق الآدمي كان شفّاف
من شان تعرف وش قلوب الخلايق

http://www.ghebra.net/vb/image.php?u=658&type=sigpic&dateline=1335736415

http://im9.gulfup.com/2012-01-21/132713468894.jpg

بحر القصيد

07-25-2014, 08:59 AM

http://www.youtube.com/watch?v=ng-XHSVzQko

http://www.youtube.com/watch?v=b3asP2nQ3xU

بحر القصيد

07-25-2014, 09:27 AM

http://im31.gulfup.com/Cfb1h.png

http://im12.gulfup.com/2012-01-30/1327907479623.jpg

http://u3.tdimg.com/8/88/244/_66002441933744389460087563473517667698.jpg

أعتبر قلبي سفينه والمشاعر تحملك
شف سمانا مع سماهم ماخبرها غايمه

تسبح افلاك المجرّه في خيالي والفلك
والكواكب باالمجره والمجره هايمه

واثق الخطوه وشفني شاعرٍ وامشي ملك
وأحمد الله باالقوافي كل بحرٍ عايمه

مااسألك منهو معانا من معاهم من هلك
البقاء لله وحده والمشاعر دايمه

كل عاذل لو حلف لك تدري انه يخذلك
ماقظا في حقد قلبه يوم واحد صايمه

لك مدينة حس شاعر وانت حاكم تمتلك
ماعلينا من القراده لو تجي متلايمه

وكل ضلعٍ وسط صدري صار سور لمنزلك
كيف اصحّي بالمشاعر حس ناسٍ نايمه

من بحر موج المشاعر جاك حرفٍ يذهلك
وكل حرن في جناحه نظرته له حايمه

من على الطوفان قلبي والسفينه تحملك
لو على قلوب الخلايق ماخبرها غايمه

فطرة الله لبدويٍ مادرس علم الفلك
لو تغيب الشمس يدعي قال باكر قايمه

http://u3.tdimg.com/8/88/244/_66002441933744389460087563473517667698.jpg

بحر القصيد~

بحر القصيد

07-25-2014, 09:31 AM

http://m6nsh.com/9or//HLIC/6420e84ec6bc4301eb56d622d51f0f84.gif

(نجمة العشاق)

صورةٍ بالارض تبقى للسما
صورة القمرا على مي الغدير

ولوحة الفنان بالرسمه كما
شاعرن في ليل والقمرا تنير

ولو تميل شوي مع غصن ٍنما
لاتلوم الزهر لو منك يغير

ولو سراب الحب بعيوني زمى
من ظلالك لين شمسك والهجير

ما تبعتك واحسبك ليه ظما
وكل طشٍ من سحابك لي غزير

وكل موقف بالمدامع لااحتمى
وصَك جيش الهم بعيون الاسير

ضمدي لي جرح قلبي لادمى
شاعرك ماجاك في بيتٍ كسير

وكل سهمٍ باالمحبه لو رمى
غير سهمك في خفوقي مايصير

صورتك باالارض تبقى للسما
نجمة العشاق بالثلث الاخير

.
.
بحر القصيد

بحر القصيد

07-25-2014, 12:58 PM

http://upload.wikimedia.org/wikipedia/commons/6/66/Indiancobra.jpg

(الكوبرا والناي )

ماهو طرب ترقص ولا تعشق الناي
سم(ن) يـّرقص روس ذيك الأفاعي

يميل راس الكوبرا واجبر خطاي
رهن الغلا والعشق رهن استماعي

وكـل(ن) على ليلاه غـنّا وليلاي
غنيتها بـعيـون ليلـى وداعـي

وغنيتها رايح واغني لـها جـاي
وغنيتها مجنون صـاحي وواعي

وغـنيتها يـالـيل دانه ويـامـاي
وهيجنتها مـوال رحلـة ضياعي

يـاعـاذلي مهـما تنفس لـبلواي
رغـم الهـوى ضيّعت كل المساعي

صمتي وصوت الليل يبعد لرجواي
واسمع نحيب الـناي دون انقطاعي

وأعزف لها مجنون ليلى من أقصاي
لامن سرى الساري على ناي راعي

صوت الوفا والشعر خذني كما الناي
والحقـد وقّـف روس ذيـك الأفاعي

بحر القصيد~

بحر القصيد

07-25-2014, 01:01 PM

( جنون العبقريه )

تدري ان العبقريه آخر حدود الجنون=وآخر حدود الصحاوه من جنون العبقريه
وآخر حدود المحبه والسوالف بالعيون=وآخر حدود القصايد والليالي سرمديه
وفوق حد الفن يعني ارسمي من دون لون=وفوق حد اللون يعني سيلي دمعك عليه
وآخر حدود المشاعر يسرحون ويمرحون=مابقى ياكود واحد كمل المجنون ميه
وآخر حدود المصايب لازبنتيني تهون=والله انك مازبنتي غير عرق الوايليه
الحدب سيفٍ يسولف والجماجم يسكتون=همهمت صوت الجماجم بين ذيك وبين ذيه
وآخر حدود العواذل ياقفون ويقعدون=شفت كيف الكون واقف ميتٍ بقلوب حيه
وآخر حدود التفاؤل في سمايه والمزون=بارقٍ وأزريت اخيله بالسهول الجرهديه

بحر القصيد~

بحر القصيد

07-25-2014, 01:03 PM

http://www.youtube.com/watch?v=3QM050KgXQE

بحر القصيد

07-25-2014, 03:14 PM

http://www.youtube.com/watch?v=l_5DMO9rR5Q

بحر القصيد

07-26-2014, 06:05 PM

( آخر قصيده قلتها قبل اوادعك )

بآخر قصيده قلتها قبل اوادعك=لاتحط قلبك عند شخصٍ يبيعك
شفتك مثل زمزم وقلبي منابعك=لا طافوا الحجاج ربك شفيعك
دعيت من رب الملا مايضيّعك=ومن الفرح يهناك زهرة ربيعك
اسأل شفاتي لو نستني اصابعك=حبّت دفاك ولا درت عن صقيعك
لو هي قرادة حظ يمكن اتدلعك=والا الزمن والوقت عيّا يطيعك
طبعّك وقتك والزمن لويطاوعك=خلاك عقدن كاملٍ من جميعك
من جوهرك مخلوق محدن يلمعك=غيرك وتقدر تجتمع من قطيعك
لولا غلاتي مابكني مدامعك=ومواقف الدمعات تذكر صنيعك
وصنايع المعروف تبقى واسمعك=لا طافوا الحجاج والله شفيعك
شفني مثل زمزم وهذي منابعك=لاتحط قلبك عند شخصٍ يبيعك

بحر القصيد~

بحر القصيد

07-26-2014, 06:12 PM

( يامملكة عشقي ودولة غرامي )

انتي شموخك ورث عمك وخالك=لو أستعاروا شامخين الأسامي
يابنت عم اللؤلؤه كيف حالك=آسف غلط تصوير فكرة كلامي
كم لؤلؤن تشريه عادي بمالك=رزّه مثل تقليد شاعر وسامي
يابنت عمي والردى ماينالك=ياانقى من غيوم المطر لك سلامي
اعشق كلامك طيبتك وانفعالك=لامايهم لوكان تزعل عمامي
اهم حاجه بس مااقطع وصالك=لو عشت اجدف في بقايا حطامي
غير البشر مخلوق طينك لحالك=يامملكة عشقي ودولة غرامي
سمو ذاتك كبريائك دلالك=لجيوش حبك قلعتي وانهزامي
تدري وش اللي ميزك في جمالك=جمال روحك في محيط اهتمامي
يالكوكب الدرّي بأعلى مجالك=لو كثرة نجوم السماء في ظلامي
انتي شموخك ورث عمك وخالك=لو استعاروا شامخين الأسامي

بحر القصيد~

بحر القصيد

07-28-2014, 06:21 PM

( صدر الشماال )

مثل الجبل خلك مع الوقت راسي=قمة شموخك تعتلي وجهة الريح
لاهنت يانبضي ولاهان راسي=لو ساحة الشعار كشخة مسابيح
رقيت في ضلع القصايد حماسي=من نجمة الشعرى تشب المصابيح
بين الأمل واحساس جرحي ويأسي=لاتنكسر ياساق حظي ولا تطيح
عفويتك في راس رجم المآسي=صدر الشمال اللي وقد نبتت الشيح
بيني وبينك يالجبل ماانت قاسي=لوكنت قاسي مارقوك المجاريح
خلك كذا مثلي مع الوقت راسي=مازحزح احساس الجبل عاتي الريح

بحر القصيد~

بحر القصيد

07-28-2014, 10:26 PM

( تقلط معي وتخون )

تاكل معي وابغاك ترفع اردوني =ماخنتني مادام تذكر وفايه
اطلب عيوني طيب تاخذ عيوني=تقلط معي وتخون هذا بلايه
كان الخطا من طيب طنخة جنوني=ابقا كذا مجنون ماهو خطايه
خطا الخناجر باالظهر تطعنوني=واكبر خطا ماشفت غدر اقربايه
هم محزمي هم وقفتي لوبغوني=وقت الرخا والكل حولي معايه
قدام حد الموت لو وردوني=والا البحر من خلف يصبح ورايه
شاب الزمن في عارضه واخذلوني=غيم(ن) تكشّف وانجلا عن سمايه
لايازمن مشكور فعلاً عطوني=درسٍ بوقت الضيق يبحث خفايه
مااسجد لغير الله واتبع ظنوني=لكن مع السجده ورى كل آيه
ارفع يديني للولي واسمعوني=الله يجازي غدركم بالهدايه
لو مانزفت الجرح ماتكتبوني=ولو ماكتبت الشعر ماابغا الروايه
بقوم أغسل كملوا واعذروني=هوى الشمال ان خان ماهو هوايه

بحر القصيد~

بحر القصيد

08-04-2014, 06:24 PM

http://im31.gulfup.com/Cfb1h.png

بحر القصيد

08-04-2014, 07:07 PM

https://c2.staticflickr.com/4/3085/3244716449_781bbe1f23.jpg

شيهانـةٍ مـاهي عـلى كـف صقّـار
الا معي وانـا لهـا مـاعـرف غـيـر

غير العيون اللي خذت قـلبي وصـار
يكـفخ جـنـاحة بالمـحبه تـقل طيـر

بحر القصيد~

.
.
.

مابين قطبين الخفوق وكلامك
قلبي ماهو فولاذ من كتلة احساس

مدري وش الرابط ولكن امامك
الصق على روحك تقل قطعة ألماس

وادخل حلال الحب ماهو حرامك
واشرب نخب حبّك ولا آحرّم الكاس

لو شفتني وشلون حتى بمنامك
ماطبّق رموش السهر جفني نعاس

طارت قطاه ولا تحرك حمامك
متذرّيه عودٍ(ن) خضر ماهو يباس

وافك برقع كل حر بمقامك
مستوحشٍ يبغا يفكّه عن الراس

ولا الآقي غير زود احترامك
وكفي وكر شيهانةٍ حر قرناس

مابين قطبين الخفوق وكلامك
مدري وش الرابط ولكنه احساس

عطني من الذرّه جزيء بغرامك
واملا لك الدنيا محبه مع الناس

بحر القصيد~

.
.
.

والله انك في حياتي كل شي
وكل شيٍ في وجودك لي حياه

ياتاج راس الحب مالك شبه زي
لو اربعين من الشبه يخلق الله

بحر القصيد~

بحر القصيد

08-09-2014, 08:19 AM

( فزعة شمالي )

لو فيك ذرة وايلي هب ريحه=وكتف الحميـّا دخنت فزعة رجال
رجلٍ يدسم شاربه في ذبيحه=ورجلٍ يدسّم شاربه عشرة جمال
لو كل سرن بالخفا لك نبيحه=شرهة عرب ماهي شريحه وجوال
بس البلا لاشفت كل الشريحه=ماغير تستقبل ولا تقبل ارسال
تلقى القلوب الفارغه مستريحه=وتلقى الحقود اللي شحن واقع الحال
هذاك احشـّم جلستي عن نطيحه=وهذاك رجلٍ تشتري خوته مال
واللي حطب ضلعه ولا شب شيحه=راس الشمالي فزعته ترمي عقال
موت العديم بطيحت السرج طيحه=لو ماستر في فزعته طيحت الشال
مااقلط على المترديه والنطيحه=للضيف حشمه والعرب والمثل قال
أمس برحولك تشتري لك نصيحه=درهمت وضح ٍقيدوها بالأمثال
ومن دخنت كتفه ولا هب ريحه=لاتقلطه لعيون حصه مع رجال

بحر القصيد~

بحر القصيد

08-09-2014, 08:28 AM

( من موطن الغربه )

بسم الغلا بسم اللقاء بسم الاشـواق=وبسم المحبه والـوفا والمـشاريه
وبسم القصيد اللي ملك سحر الأذواق=ترحيبة الغالي على شوف مغليه
مـن قـبل قرص الشمس ينزل بالآفاق=ذيب ٍعلى رجـم القـصيده مساريه
لـجّـة عليه ضـلوع صدري والأعماق=واليا سمعت الصوت جيته مخاويه
ياذيب صدري من عـنا الوقت ماضاق=منازل الحاضر على أطلال ماضيه
كان السفر قطعة عذابه بالاوراق =واللي حطب سطح السفينه غرق فيه
صب الجـنون بـكاس عـقله ولا فـاق=ولا لقى بـين الـبشر مــن يصحيه
من موطن الـغربه عـلى مـوعد فـراق=ومن اصدق وعود الـغلا يـوم الاقـيه
والشعر شيخ ٍ مابنى لـبيته رواق=ياحظ منهو بـيت طـيبه مـذريـه
واللي ملا عين الـرجا بـين الاحداق=لامـن ذكـر وقـفات عــز لبنيخـيـه

بحر القصيد~

بحر القصيد

08-31-2014, 09:58 PM

دكتور ابو هاني اذا مابها احراج
لو الدواء في عالم الطيش اخرجني

من عقلي المجنون في بحر الامواج
ابحث عن علاجي ولا احدن معالجني

وانا الذي مااحط في قلبي سياج
واقيس نبصاته لو الهم خالجني

تعتبت اشخص حالةٍ مالها علاج
غير الحبيب اللي بغرامه مبنجني

بحر القصيد~

بحر القصيد

09-03-2014, 05:40 PM

احسب معي بأيديك كان العدد زاد= ورقم الصفر ماهو بالاعداد محسوب
خمس وعشر من بعد خمسة عشر عاد=خلك عضو جذاب طيب وحبوب
كانك معي بأحساس شاعر وقصّاد= ماهي على نظم صخري طرق مسحوب
طيب تعال أبغاك ياورث الاجداد = بيت الشعر وشلون يفرق عن الطوب
واسط عمود البيت ماهو لأرم عاد=ومن ضيّع سلوم العرب مالبس ثوب
وضوء الحضاره لو خذآ كل الأبعاد= حزمة شعاع الضوء ماتجتمع نوب
يكفيك شر الخلق عاذل وحسّاد=يكفي ياابن كسار شاعر لك اسلوب
اخاف اقول الماي والا كما الزاد=وأسلم لجن الشعر واكفر ولا آتوب
رديّت روح الشعر وأحييت الاجساد=أستغفر الله ياقصيدي عن ذنوب

بحر القصيد~

بحر القصيد

09-03-2014, 05:44 PM

يعني تسألني احـبك ؟؟ مادريت..
في غـيـابـك مـااشـوف العـافـيه

انت روحي لو فقدتك ماحييت
والاجـابه في عيـوني كـافيه

هاك طالع في عيوني وش لقيت
كم حرفٍ(ن) صار لجلك قافيه

شاعـرن بجـنـون حبـك لـو صحيت
كـم وطيـت الـجمر رجـلي حافـيه

والـدلـيـل بعــز نـومي لاغـفـيـت
أثلـجـت بـالصـدر مـاهي دافـيــه

يشـهـد الله مـاعـشقت الا وفـيت
والله اعـلـم بالـقـلوب الـوافـيـه

ويشهـد الله ماـدلهت ولا سلـيت
والـمحبـه مـاهـي والله خـافـيـه

وانت تسـألني احـبك؟ مـادريت
انت روحي .. بس هـاذي كافيه

بحر القصيد~

بحر القصيد

09-03-2014, 05:45 PM

احبك قبل لاانطقها تعال لناظري وتشوف=بأن الروح ماتطلع سوى لله خالقها
وانا روحي معك صارت تبي تطلع عن المألوف=أبكتب لك قصيدة حب قديمي كلها أحرقها

بحر القصيد~

ريهام عيد

09-21-2014, 12:24 AM

مشكوررررررررررررررررررررررررررررين

بحر القصيد

11-05-2014, 05:51 AM

https://fbcdn-sphotos-d-a.akamaihd.net/hphotos-ak-xaf1/v/t1.0-9/10678631_399898436824478_923029825768488014_n.jpg? oh=ff001c7d7afed06e82139fb871cc17c8&oe=54F2CC42&__gda__=1423883580_50a6da5572b18e6ad19cf2b41f83088 c

الله خلقني غير عن باقي الناس
بي غطرسه ويحق لي ياابن الحلال

لو الجهات الاربعه تحسب قياس
يبقى اتجاه البوصله دايم شمال

هذا هو الفارق هنا فطرة احساس
هذا هو اصدق بيت بالشعر ارتجال

https://fbcdn-sphotos-e-a.akamaihd.net/hphotos-ak-xap1/v/t1.0-9/10301598_416813858466269_1327877783075281100_n.jpg ?oh=a5dbf3adf9f0170005e84361a6380dfb&oe=54EFEB05&__gda__=1424985305_126d7d807d720aa732d31635642a817 8

بحر القصيد

11-05-2014, 05:53 AM

ماالسائل اعلم منك لاتسأله ليش ..؟؟
مجنون ادري شاعرن ماني خلي ..!!

انا الجنون اللي ورى عالم الطيش
من ملة محمد ولا مذهب علي

وردَو عليها مبعدين المطاريش ..!!
حندة بدو يبرك لها حمل جملي

قلبي ماهو كهف اسكنته الخفافيش
مرباه حر(ن) فوق رجمٍ(ن) معتلي

نادر وحش ساطي يصف كامل الريش
ماهو مثل صوت وصفير البلبلِ ي

بحر القصيد~

..........................

https://fbcdn-sphotos-e-a.akamaihd.net/hphotos-ak-xap1/v/t1.0-9/p526x296/10391374_417904715023850_5677161466967552002_n.jpg ?oh=921b29598a16d75e104a5a0f7e9880a7&oe=54F88D73&__gda__=1425282861_4b6b847d6491f8fabed353afea4d4e0 9

ياالنادر اللي مااشبكوك الصقاقير
ولا لمس عين الشبك في حمامه

حشّمت ريشك ماتقرنس مع الجير
تفرق عن طيور السماء بك علامه

هوى الحماد اللي تنفس بها الطير
وش جـابـها لمخيّمات الثـمامـه

كنك براس الرجم في حزّة عصير
ضابط وصف الحوم وقت استلامه

بحر القصيد~

بحر القصيد

11-05-2014, 05:59 AM

https://scontent-b-cdg.xx.fbcdn.net/hphotos-xpa1/v/t1.0-9/10365797_319749988210147_7228994178765709270_n.jpg ?oh=77848fee39332327969812495933c274&oe=54EAD182

بحر القصيد

11-22-2014, 09:59 PM

https://fbcdn-sphotos-f-a.akamaihd.net/hphotos-ak-xpf1/v/t1.0-9/p526x296/10406873_424780251002963_4179527336828279323_n.jpg ?oh=316fbe37dd6a165ee508c1ed58094499&oe=54DA76C7&__gda__=1427164282_93aaa55e6c883347e4b3b8a93c4c888 9

https://fbcdn-sphotos-e-a.akamaihd.net/hphotos-ak-xap1/v/t1.0-9/10665376_416508201830168_7711289634328354976_n.jpg ?oh=bff37b4f64293829c072c31172c190ac&oe=54D28ED1&__gda__=1423985933_04a71e3670a1c9fcdde933f470475fb 9

بياض قلبك مثل لون السحابه
واليا امطرت هتـّان ثلج بلونها

والصفحه السوداء هنا للكتابه
ليلٍ تظـلـّـل في محيط جفونها

وانا هنا لا لا هنا ياالقرابه
والكون موكب كان واقف دونها

او بعدها .. بس المهم لا غرابه
لو ماارتجل ماني بحر لعيونها

متغطرسه حد القتل والحرابه
وحكم القصاص ولااعتقت مجنونها

هي الاميره تاج عز ومهابه
ومعزوفه لـ قطر الندى بلحونها

كذب اربعين بخلق ربك تشابه
هذي ملاك منزله من كونها

بحر القصيد~