[[ الـعـشـق ]]

[منصور الرويلي]

لو كل ضامي لاشرب شوق يروى = ماشفتني ضامي وأنا أشربك وأرواك

.


مـدري كتبـت العـشـق والا كتبـنـي = وإلا أنكتب لك وأنكتب لي به أغليـك
كــل مـاتـراخـى بالمـحـالـه جـذبـنـي = حبل الغـرام ودلـو الأشـواق يسقيـك
أشــد روحــي والنـفـس ماقضـبـنـي = وأتـل عمـري لأبـعـد الـكـم وأكفـيـك
كـأنـه جمعـنـي بالحنـيـن وحسـبـنـي = كيـف أعقـده بيّـدْي والحـل بيـديـك
كـأنـه صفقـنـي بالمـقـام وسحـبـنـي = وشلون أموت وهقوتي عايشه فيـك
ياحـزنـي الـلــي للـمـواجـع نسـبـنـي = هـــمٍ يـذكـرنـي وجـــرحٍ ينـسـيـك
مـن ويـن أباخـذ مـن زمــانٍ سلبـنـي = غير الغلا وبعض الذي ماقدر أعطيك
علمنـي أكـره بالشقـا مــن صحبـنـي = وعلمنـي أجهـل سامعيـنـي وأنـاديـك
وأعلـمـك عــن كــل مـاهــد وأبـنــي = ومواقـفٍ مـرت علّـي منـك وأرجيـك
ياصـدقـي الـلـي ماخـبـرتـه كـذبـنـي = بالحـرف هـذا وباقـي نـقـاط هـاذيـك
بـس أنـت علمنـي مـن أول وأجبـنـي = يوم أنشدوك الناس من قلـت غاليـك؟

.
.
.
.

[بحر القصيد]

يامساء الشعر يامساء الجزاله




الشاعر القدير/ منصور الرويلي






الله وش كثر انا مشتااق لك ومشتااق لجديدك ياابونايف



صح لساانك ياقاف عنزه دمت للشعر نبراس ياراعي العليا




أنقى تحيه

[ابو هاني]

كلمات روووعه يسلمووو

[عاشقة الفردوس]

الشاعر القدير منصور الويلي
سلمت الانامل
حفظكم الله
دمت بخير لا ينتهي

[العنودالشمريه]

اهلا وسهلا بك حياك الله
نص رائع واكثر
سرني تواجدي
مليار صح لسانك ولايكفون
وتسلم يمينك ولاهانت يسارك
دمت بخير لاينتهي

[مها يوسف]

الأخ العزيز الكاتب والشاعر القدير
الفاضل منصور الرويلي
ابيات تحمل معاني كبيرة وصادقة
دام قلمك والخاطر ودمت بخير يا عزيزي
الف شكر

[محمد ال مهيد]

صح فكرك وقلبك

سجل اعجاابي

محمد

[عمر بن عبدالمحسن]

(( منصور الرويلي ))

شاعر حقيقي في زمن المستشعرون ..
شهادتي فيك مجروحة