{{{ فصـــــــــــــل العقـــــــــــــــول }}}

[عبدالله بن محمد العبدالله]

العقل له مقدار ينعم فيه ... وبحكمه يدار،المدبرات مجيَّره ... والمقبلات مجيَّره
(ا)لكل سقطه لاقطه ... ولكل طيَّاره مطار،ولكل ساقٍ ما يحثَّه للخُطا ويسيَّره
اللي تكشَّف عورته ... وش ينفعه سَدل الخمار،هذا يطبِّل له ... وذاك (ا)بكل سوق يعيَّره
تفاقم الاخطا يسبب (ف)النهايه لانهيار،وابو طبيع احسن له (ا)يكب الطَّبِع ويغيَّره
تجاوز المحدود أدى شيّْ أكيد إلى انحدار،وعمّْ بالفوضى ، وجت من طير شلوى طيَّره
لما تركت الكار لاهله ... بعد حددت المسار،اللِّي تفهَّم موقفي ... واللِّي غباه (ا)محيَّره
ما هو من اجل الانقسام ... الا بتشديد الحصار،وفصل العقول الساذجه ... عن العقول النيَّره
ناتج طبيعي سوق الاسهم ينتعش دام العقار،تلعب به السِّفهان لعب الضومنه وتديَّره
عمار يا قلبي على ما جاك (ف)الدنيا عمار،بدعس على غارب من (ا)يعاديك ... والعن خيَّره
وانا كذا دايم ... ولفت الجو ميدان الحرار،لقاع للضبَّان تحتاث الثَّرى وتثيَّره