كنت احلمك

[قاسم مسعود]

كنت احلمك واعيش في واقعك حلم
كنت ارتجي بس ساعه اشوفك

ادعي عليك ولا على القهر والظلم
ولا على غدر لجى بجوف جوفك

ليتك خذيتي من صفاتي الحلم
ليتك شريتي من يحب ويروفك

جيتك اعاني هم وزدتيني الغم
ياكثرها اعذارك تسابق حلوفك

تبيني ارجع وتبين الشمل يلتم
ماني بيدينك من بقايا دفوفك

مابه مقارن بين شيهان الادهم
وبين السلق اللي بنباحه يحوفك

الفرق واضح بينهم والله اعلم
منهو مكانه فوق عظمة كتوفك

وردك ذبل معاد به لون وشم
وورد نبت اصبح حلاته يطوفك

يستاهل الشوفه واللمس والضم
كثير اجمل من .. مزايا وصوفك

كنت احلمك واعشقك حيل اهتم
كم كنت اراعيك وراعي ضروفك

واليوم من حبك خفوقي تعلم
وشلون بعد الحب اصبح يعوفك

لعاش راسي وجري بعروقي الدم
ماانحني تحت ..رحمة سيوفك
بقلمي / قاسم مسعود (http://www.naw3em.com/vb)

[ديما الدوسري]

قصيدة جميلة
وقلمٌ مبدع
شكرا لك ولقلمك

[مها يوسف]

الأخ العزيز والشاعر القدير
الفاضل قاسم مسعود
شكراً لك على القصيدة المعبرة
ابيات جميلة رغم الم الفراق
دمت ودام الخاطر والقلم
الف شكر

[العنودالشمريه]

اهلًا وسهلابك حياك الله
رائع وأكثر
صح لسانك ملايين
ولايكفون وتسلم يمينك
ولاهانت يسارك دمت بخير لاينتهي