خل من تسمع كلامه ينفعك

[ديما الدوسري]

خل من تسمع كلامه ينفعك =وحط ايدك في يدينه واتبعه
لا صنع منك اداته وطوعك =نفذ اللي لك يقوله واسمعه
خله بكثر الخطايا يشبعك =وتمتلي روحك مآسي موجعه
ومن صنوف المفسدات يجرعك =لين ما تقوى شتاتك تجمعه
محتمي باسم الصداقة ويخدعك =لو بيديه الحظ عنك يمنعه
مستغل طيبك ورايه يقنعك =ماشي وياه درب المعمعه
لا تعيش اوهام وانت بمخدعك =العمر يمضي وسنينه مسرعه
لا تحرى من يحقق مطمعك =الحياه اقبال والدنيا سعه
كل حلم صعب مفتاحه معك =بس حلمك للبشر لا تودعه
مالك احد(ن)غير ربك مرجعك =يرشدك لو هي خطاك مضيعه
وحده اللي في الشدايد ينفعك =والسعادة ما تجيك الا معه
بكره اليا من خويك ضيعك =تصبح بليا جناح واشرعه
دام ما تقبل نصيحه ترفعك =خلك بماطاه وخلك امعه
بس انا بعدين ما اقدر اسمعك =لو تجي منهار وعينك مدمعه


الشاعره ديما الدوسري

[علي الهيثمي]

الله على الابداع

قصيدة رائعة

كل ابياتها في قمة الروعة والابداع

شكرا وبارك الله فيك

[محمد ال مهيد]

الله الله عليك ياديما

قاافيه وكلمات تستحق المتابعه

رائعه

سجلي اعجابي

محمد

[الهندباء]

كلمات رائعه ....
وتصف حاله الكثير بيننا
شكرا لك اختي الرائعه

[مها يوسف]

الاخت الغالية الشاعرة والكاتبة القديرة
الفاضلة ديما الدوسري
شكرا لك على القصيدة المعبرة
ابيات جميلة كتبت بأروع المشاعر
دمت ودام القلم والخاطر
الف شكر

[العنودالشمريه]

اهلًا وسهلابك حياك الله
رائع وأكثر
صح اللسان وسلم البنان
دمت بخير لاينتهي