سلة وجع .؟!!

[عبدالله العتيبي]

ياصعبها بعض المواقف على الروح
وياقوّ صكات الزمان بجبيني.؟!!
|"|
إحساس عابر لكن إحساس مجروح
تؤلم حقيقة واقع الوقت فيني.؟!!
|"|
حاولت اجاري حزن الأيام بالبوح
لكن لقيت الصمت يلوي يديني
|"|
ياعين ابوي الهم من وين ماروح
ألقاه في روحي كذا محتويني
|"|
صحيح عايش لكن القلب مذبوح
وفي كل ابو حال الحزن مبتليني
|"|
آوّآآآه ياصدري من الهم والنوح
كن الليالي بالحشاء تكتويني
|"|
واحة مشاعر خاطري مابها دوح
إلا عليها طير من حزن عيني.؟!!
|"|
وسلة وجع عمري محاصيلها سفوح
ترجد شخاليله على مسمعيني
|"|
واصيح ويقول الزمن صيح مسموح
مدام حظك مات ربك يعيني.؟!!
|"|
من تبحر أحلامه على قطعة اللوح
ماعاد يمدي لو يشوف السفيني
|"|
فيني ألم وآهات وهموم وجروح
من وين ابقلبها فرح ياضنيني!!
|"|
لا لاح في بعض الصدف بارق فروح
يمسي سواد الليل بينه وبيني.؟!!
|"|
وأرجع على عمياي متعب ومطروح
فوق التوجّد والعناء والحنيني.؟!!

[علي الهيثمي]

وربي ابداع

صح لسانك يالغالي


بعض الحروف تحتاج تفسير ووضوح= وبعض الحروف تبحر على شيء فيني
ياكاتب الابيات لك وقت مسموح=تسافر مع الاحلام وتسبق سنيني

[سالم محسن الفهمي]

شاعرنا عبدالله العتيبي

صح الله لسانك يالجزل

[محمد ال مهيد]

عبدالله بحق ابدعت

واتحفتنا بكل مااهو راائع

سجل اعجابي

محمد

[عاشقة الفردوس]

الشاعر القدير عبدالله العتيبي
طرح رائع
بروعتك
كلمات ابهرتنا وراقت لنا
ابداعك وصل القمم

[مها يوسف]

الأخ العزيز والشاعر القدير
الفاضل عبدالله العتيبي
شكرا لك على القصيدة الجميلة رغم الالم
دمت ودام قلمك والخاطر
الف شكر

[هيام]

صح لسانك شاعرناا
وب انتظار روائعك دمت بكل الخير

امتناني