بندر بن منصور
04-13-2010, 08:17 PM
بعد الغياب
اليكم هذه المتواضعه
صلو على النبي
صاحبي ياصاحبي يومك وضعت اعلاني=من على صدرالصحافه صورتك مرئيـه
احترامٍ لك ولسمك جيـت يمـك عانـي=ماردعني عنك بـرد ولاهـوى هيفيـه
سقتها سوق الركايـب والغـلا يحدانـي=مالتفت لراعـي المحـزم ولا الجنبيـه
جيت ابارك لك ولاكن فيه علـمٍ ثانـي=بنشـدك ياصاحبـي وعلومنـا مخفيـه
كيف لاناديت في بعض العرب موحاني=هي دلاخت راس والا موضت الألفيـه
انقطع صوت المنادي واعتليت الدانـي=كود يوحيني من الاجـواد نـاسٍ حيـه
مابحلـت بحلهـا والعلـم مايخفـانـي=وراعي العمه عصبها ما احترى الطاقيه
سايق التكسي على العداد ليـه اغوانـي=واحسبٍ عملته صـح وكروتـه ربيـه
واثره اللي لفها لـف الرشـا والسانـي=اللتوى حبله على البكره وجـاب أدليـه
مادرى اني كل ما وجهتها مـن دانـي=درهمت من غير لامطـرق ولاعوكيـه
حرتٍ مابين صلـب المتحّـد وعمانـي=تطوي السيده كما طوّيت خطا الزوليـه
كل ماطال المدى وستاحـش الوحدانـي=زبنّت ركابهـا مـن دون ذيـك وذيـه
والختام من الذهب واللول والمرجانـي=سلسله مع سلسه ومن الذهـب مطليـه
اليكم هذه المتواضعه
صلو على النبي
صاحبي ياصاحبي يومك وضعت اعلاني=من على صدرالصحافه صورتك مرئيـه
احترامٍ لك ولسمك جيـت يمـك عانـي=ماردعني عنك بـرد ولاهـوى هيفيـه
سقتها سوق الركايـب والغـلا يحدانـي=مالتفت لراعـي المحـزم ولا الجنبيـه
جيت ابارك لك ولاكن فيه علـمٍ ثانـي=بنشـدك ياصاحبـي وعلومنـا مخفيـه
كيف لاناديت في بعض العرب موحاني=هي دلاخت راس والا موضت الألفيـه
انقطع صوت المنادي واعتليت الدانـي=كود يوحيني من الاجـواد نـاسٍ حيـه
مابحلـت بحلهـا والعلـم مايخفـانـي=وراعي العمه عصبها ما احترى الطاقيه
سايق التكسي على العداد ليـه اغوانـي=واحسبٍ عملته صـح وكروتـه ربيـه
واثره اللي لفها لـف الرشـا والسانـي=اللتوى حبله على البكره وجـاب أدليـه
مادرى اني كل ما وجهتها مـن دانـي=درهمت من غير لامطـرق ولاعوكيـه
حرتٍ مابين صلـب المتحّـد وعمانـي=تطوي السيده كما طوّيت خطا الزوليـه
كل ماطال المدى وستاحـش الوحدانـي=زبنّت ركابهـا مـن دون ذيـك وذيـه
والختام من الذهب واللول والمرجانـي=سلسله مع سلسه ومن الذهـب مطليـه