ديما الدوسري
10-04-2016, 06:34 PM
مرحبا اخواني وخواتي اعتذر للجميع انقطاعي عن المنتدى
واهنئكم بالعام الجديد، جدد الله علينا وعليكم النعم، ودفع عنا وعنكم النقم.
واود المشاركة بهذه القصيده عسى ان ترتقي لذائقتكم..
ماني بخير ان كان تسأل انا بخير=دامي رحلت لديرة ما صفت لي
اتعبت ربعي والخطاوي لها تسير=واتعبت قلبي والهنا ما حصلي
كني اعيش بظلمة داخل البير=والبير موحش ما حد(ن) له يطلي
ما واحد(ن) فيها سألني انا بخير=الكل في داره وانا في محلي
مجداف عزي انكسر كل تكسير=وصارت حياتي عقب عزي تذلي
ما للحياه فيها معزه وتقدير=فيها البشر بنفوس شينه وتعلي
وما للسما لون ولا طاير طير=وما للرياح اصوات وارضي تميلي
وما للصبح نور ولا فيه تنوير=وما للمسا طعم ولا اسلاه ليلي
ما عاد اميز هو صباح او عصير= تساون ايامي وصارن تملي
اقضيه وقتي بين هم وتفكير=عل الفكر للدرب الاخضر يدلي
حاولت انا اصبر على ظلمة البير= وحاولت انا لأيام عمري اسلي
بس الهنا بدنياي عيا بها يصير=وعيا الفرح لعروق قلبي يبلي
قلبي غدا من حرقته جمر وسعير=والعين من كثر المدامع تهلي
يا ميل حظ حطني بهم كبير=كبر الجبال وطول سبعين سهلي
لو البشر تسمع ولضيقتي تعير=لا صيح بأعلى الصوت واقول ويلي
مير الله العالم وحالي له بصير=يعلم بحال اللي من الضيق ملي
يا منجي يوسف من ظلمة البير=يا للي عبادك بين يدينك تصلي
يا مدبر(ن)رزق الخلايق بتدبير=وكلت لك امري وبأمرك تولي
يا للي بيديك تسير الكون تسيير=يا رب عجل بالفرج لا يطولي
واعيش بديــار بها ينبت الخير=مبــروكة والطيــب فيها يحلي
ديما الدوسري
واهنئكم بالعام الجديد، جدد الله علينا وعليكم النعم، ودفع عنا وعنكم النقم.
واود المشاركة بهذه القصيده عسى ان ترتقي لذائقتكم..
ماني بخير ان كان تسأل انا بخير=دامي رحلت لديرة ما صفت لي
اتعبت ربعي والخطاوي لها تسير=واتعبت قلبي والهنا ما حصلي
كني اعيش بظلمة داخل البير=والبير موحش ما حد(ن) له يطلي
ما واحد(ن) فيها سألني انا بخير=الكل في داره وانا في محلي
مجداف عزي انكسر كل تكسير=وصارت حياتي عقب عزي تذلي
ما للحياه فيها معزه وتقدير=فيها البشر بنفوس شينه وتعلي
وما للسما لون ولا طاير طير=وما للرياح اصوات وارضي تميلي
وما للصبح نور ولا فيه تنوير=وما للمسا طعم ولا اسلاه ليلي
ما عاد اميز هو صباح او عصير= تساون ايامي وصارن تملي
اقضيه وقتي بين هم وتفكير=عل الفكر للدرب الاخضر يدلي
حاولت انا اصبر على ظلمة البير= وحاولت انا لأيام عمري اسلي
بس الهنا بدنياي عيا بها يصير=وعيا الفرح لعروق قلبي يبلي
قلبي غدا من حرقته جمر وسعير=والعين من كثر المدامع تهلي
يا ميل حظ حطني بهم كبير=كبر الجبال وطول سبعين سهلي
لو البشر تسمع ولضيقتي تعير=لا صيح بأعلى الصوت واقول ويلي
مير الله العالم وحالي له بصير=يعلم بحال اللي من الضيق ملي
يا منجي يوسف من ظلمة البير=يا للي عبادك بين يدينك تصلي
يا مدبر(ن)رزق الخلايق بتدبير=وكلت لك امري وبأمرك تولي
يا للي بيديك تسير الكون تسيير=يا رب عجل بالفرج لا يطولي
واعيش بديــار بها ينبت الخير=مبــروكة والطيــب فيها يحلي
ديما الدوسري