محمداديهم
04-16-2010, 04:15 AM
يالله طلبـــتك يامـجيــــب المطــاليب =افزع المنهو صـــار ليله نهاره
اجروح قلبي بالـــظمـــاير معـاطيب=والقلب من زود القهر شب ناره
اقنب قنيب الي حــدوه المـــعــازيب = عن صيدته حدوه بالجيب غـاره
ولا كما الـــي طـاح بـــين الاجانيب =يومن ربــعـه عــــودو بانكـساره
على الــــذي ماشفت منه عذاريـب=اقفى وخــــلاني بنـــار انتــــظاره
عفـــت المنام وعفت لذ المشاريب=مالي جـــدى ياكود مــــز الزقـاره
وبدع من القيـــفان ورسل مكاتيب= ولاحـــدن لفـاني منهـــا بالبشاره
تكفون يهل العرف وهل المواجيب= حالي عقـــب فرقاه خطر انهياره
ابو عيونن سود خرسن مـــهاديب=حبـي لها حــب النقــــــا والطهاره
قلبي يردنـــه ضلـــــوعن محاديب =يفــــز فــــز الــــي عليه الخفاره
مثل السجين الي برجله مقاضيب= حكمه قصاص ومانـــعين الــزياره
ادموع عينه فوق خـــده سواكيب= يومن قرا حكـــمه وصدر قـــراره
من عقبها في عارضي بين الشيب=والزاد كــن مخـــالطن بــــه مــراره
والله احبه حب ماهو تكــــــاذيب=وحبـــه بوسط الجوف ولع مـــناره
قلبي تقل ينزع بعكف المخاليب=ولا عــلى جمر الغـــضى بانصـهاره
اقفوبه الي من علا الفطر الشيب= وجوي عقــــــب فرقاه اضلم نهاره
محمد العنزي
اجروح قلبي بالـــظمـــاير معـاطيب=والقلب من زود القهر شب ناره
اقنب قنيب الي حــدوه المـــعــازيب = عن صيدته حدوه بالجيب غـاره
ولا كما الـــي طـاح بـــين الاجانيب =يومن ربــعـه عــــودو بانكـساره
على الــــذي ماشفت منه عذاريـب=اقفى وخــــلاني بنـــار انتــــظاره
عفـــت المنام وعفت لذ المشاريب=مالي جـــدى ياكود مــــز الزقـاره
وبدع من القيـــفان ورسل مكاتيب= ولاحـــدن لفـاني منهـــا بالبشاره
تكفون يهل العرف وهل المواجيب= حالي عقـــب فرقاه خطر انهياره
ابو عيونن سود خرسن مـــهاديب=حبـي لها حــب النقــــــا والطهاره
قلبي يردنـــه ضلـــــوعن محاديب =يفــــز فــــز الــــي عليه الخفاره
مثل السجين الي برجله مقاضيب= حكمه قصاص ومانـــعين الــزياره
ادموع عينه فوق خـــده سواكيب= يومن قرا حكـــمه وصدر قـــراره
من عقبها في عارضي بين الشيب=والزاد كــن مخـــالطن بــــه مــراره
والله احبه حب ماهو تكــــــاذيب=وحبـــه بوسط الجوف ولع مـــناره
قلبي تقل ينزع بعكف المخاليب=ولا عــلى جمر الغـــضى بانصـهاره
اقفوبه الي من علا الفطر الشيب= وجوي عقــــــب فرقاه اضلم نهاره
محمد العنزي