سلطان العتيبي
04-24-2018, 12:07 AM
تهيض المشاعر والقلم يطلب الأوراق
بيوثّق شعورٍ بالفكر حان تقديمه
على المستمع يآقف على موجة العشَّاق
نبي نلمس إحساسه ونحتاج تقييمه
ولو تختلف بعض المفاهيم والأذواق
نبي نجتهد والمجتهد حقّ تكريمه
لنا فالقصيد الجزل دوله وجيشٍ فاق
على كل من حاول من الناس تقزيمه
قصيد الهوى يِكْتَبْ من الخاطر المشتاق
تفزّ القلوب الخضر من نوّه وغيمه
ياظرف الزمان إرتح ترى باقي الأشواق
على خبرك أفعال المحبين والشيمه
عن الحال لاتنشد ولاتخدش الأعماق
ترى القلب مايطرب على كل تقسيمه
فلا خير في صبرٍ بعيشه ولاينطاق
أبصبر ولو طـال الصبر فآخره ديمه
ولو كان يمديني على نقضة الميثاق
نقضته ولكن بان فالنّقض تحريمه
فياشمس لو غبتي وعدنا ترى الإشراق
ولو دون صبحك طـال ليلي وتعتيمه
غياب القمر ظلمه وغمّه وصدرٍ ضاق
وإلى بان ماودّك على الصدّ تغريمه
ينسّيك وجهه دمعةٍ ضامت الأحداق
ويذكّرك وجهه بإنّ لك فالزمن قيمه
أحبه وأبي قربه،، مطر غيمته وعْناق
ولو كنت ظامي شوفه أشتاق تكليمه
فـ ألا يالحظوظ الطيّبه قرّبي لآفاق
مسافاته اللي بيننا كنَّها تضيمه
بيوثّق شعورٍ بالفكر حان تقديمه
على المستمع يآقف على موجة العشَّاق
نبي نلمس إحساسه ونحتاج تقييمه
ولو تختلف بعض المفاهيم والأذواق
نبي نجتهد والمجتهد حقّ تكريمه
لنا فالقصيد الجزل دوله وجيشٍ فاق
على كل من حاول من الناس تقزيمه
قصيد الهوى يِكْتَبْ من الخاطر المشتاق
تفزّ القلوب الخضر من نوّه وغيمه
ياظرف الزمان إرتح ترى باقي الأشواق
على خبرك أفعال المحبين والشيمه
عن الحال لاتنشد ولاتخدش الأعماق
ترى القلب مايطرب على كل تقسيمه
فلا خير في صبرٍ بعيشه ولاينطاق
أبصبر ولو طـال الصبر فآخره ديمه
ولو كان يمديني على نقضة الميثاق
نقضته ولكن بان فالنّقض تحريمه
فياشمس لو غبتي وعدنا ترى الإشراق
ولو دون صبحك طـال ليلي وتعتيمه
غياب القمر ظلمه وغمّه وصدرٍ ضاق
وإلى بان ماودّك على الصدّ تغريمه
ينسّيك وجهه دمعةٍ ضامت الأحداق
ويذكّرك وجهه بإنّ لك فالزمن قيمه
أحبه وأبي قربه،، مطر غيمته وعْناق
ولو كنت ظامي شوفه أشتاق تكليمه
فـ ألا يالحظوظ الطيّبه قرّبي لآفاق
مسافاته اللي بيننا كنَّها تضيمه