الخير بقدوم

[محمد السنيدي]

القِل قِل الدين .. لو زاد مالك
والفقر فقر إللي من الدين معدوم

الله خذا بالحق .. والله عطالك
أصبر لحكم الله ..ترى الرزق مقسوم

ولا تنكسر عند البشر ..لو عيالك
ما دمت في الدنيا ترى الوضع ما يدوم

علمهم إن الله .. يعلم بحالك
وإنه عليمٍ .. عالمٍ ..حي ..قيوم

علمهم إن الخير ..فيما جرى لك
وإنك على كف القدر ..عبد مرحوم

أمرك لخير .. إن خير أو شر جالك
والله يحكم..وانته له عبد محكوم

ومن رحمته تدبير ربك .. ينالك
فوض له أمرك وأبشر ..الخير بقدوم

[بحر التحدي]

الله الله ,,, وصح منطوقك على هذه المشاركة الرائعة / بحــــر

[محمد السنيدي]

صح بدنك يا بحر
ما نجي إلا من بعدكم طال عمرك

[محمدخير المهيدات]

حي الله اخوي محمد
والخير كل الخير بوجودك
وصح لسانك لين ترضى

احترامي وتقديري
المهيدات

[محمد السنيدي]

هلا وأصح بدنك ستاذي الغالي محمد المهيدات شهادة أعتز بها